فتح علي خان ۲۰ کاله وروسته هم د مینه والو په زړوکې ځای لري
۱۳۹۶ مرداد ۲۹, یکشنبه
د اګست په ۱۶ د نصرت فتح علي خان د ۲۰ تلين په مناسبت د نړۍ په مختلفو برخوکې د هغه هنر ته درناوی وشو. د موسیقۍ مینه وال نن هم د نصرت فتح علي خان د قوالیو څخه خوند اخلي. په دې اړه پام وکړئ لاندې مطلب او د هغه آواز ته.
اعلان
نصرت فتح علي خان د ۱۹۴۸ میلادي کال د اکتوبر میاشتې په ۱۳ نیټه د پاکستان د پنجاب ایالت په فیصل آباد ښار کې نړۍ ته سترګې پرانیستلې. د هغه پلار فتح علي خان هم قوالي کوله. خو نصرت فتح علي خان بیا له دویچه ویله سره په یوه مرکه کې ویلي وو چې «زما د پلار خواهش وو چې د موسیقۍ د هنر په برخه کې یو څه زده کړم، خو نه دا چې کسب یې وګرځوم، هغه غوښتل چې زه ډاکتر شم».
نصرت فتح علي خان چې د پيکاسو د هنري جایزې یو له ترلاسه کونکو څخه دی، ډیرې مشهورې قوالۍ او غزلونه لري چې د هغې جملې څخه دللګي او دم مست قلندر څخه یادونه کولی شو.
د نصرت فتح علي خان ۲۰ تلین
د هندي فلمونو د سندرو او کیسو مشهور لیکوال جاوید اختر د فتح علي خان د مړينې پرمهال هغه ته د درناوي په ترڅ کې ویلي وو:«له نصرت فتح علي سره ما داسې احساس کړه، چې ګوندې زه خدای ج ته نږدې شوم».
د بر صغیر مشهور سندرغاړې لتا منګیشکر د استاد نصرت فتح علي تر مړينې سمدستي وروسته له دویچه ویله سره په یوه ځانګړي مرکه کې ویلي وو«زما په اند د نصرت فتح علي خان له مړينې سره د موسیقۍ نړۍ ته ډیر لوی زیان ورسید. هغه نه یوازې په خپل هیواد بلکې دلته په هند کې هم ډیر زیات مینه وال لري.»
لتا منګیشکر زیاته کړې وه« نصرت فتح علي خان د یوه فلم موسیقي جوړه کړې وه چې سندره یې باید ما ویلې وای، خو ما د کوم مصروفیت له امله دغه سندره ونه شوه ویلې، کوم چې زه به یې ټول عمر افسوس کوم».
د استاد نصرت فتح علي خان د قوالۍ په هنر کې د ختیځ او لویدیځ د موسیقۍ داسې پیوند وو، چې له اردو او پنجابي ژبو سره نا آشنا اروپایانو او امریکایانو به هم ورته ټوله شپه سر ښوراوه.
بریتانوي هنرمند Peter Brian Gabriel هم د هغه پر مړينې د خفګان په څرګندونې سره ویلي وو«د نصرت فتح علي خان په مړينې سره نړۍ نه یوازي د داسي هنرمند څخه محرومه شوې ده چی یوعادي سړی نه ؤ، بلکې ما یوډیر خوږ ملګرې هم له لاسه ورکړ. ما هیڅ کله هم په کوم بل آواز کې دومره روحانیت نه وو احساس کړی».
پرورته موضوع زموږ د آرشیف څخه(22.04.2017)
تر ټولو قيمتي هندي فلمونه کوم دي؟
تر ټولو لويه بوديجه د کوم هندي فلم وه؟ د مها بهارت، د ۲.۰ او که د باهو بلي؟ دا او د فلمونو پر بوديجو ورته بحثونه په هندي فلمي نړۍ کي عام دي. په دغه انځوريز راپور کي کتلای سئ چي تر ټولو قيمتي هندي فلمونه کوم دي:
انځور: Arka Media Works
۸ مقام ـ کرش ۳ ـ ۱،۱۵ مليارده هندي روپۍ
کرش فلم به ۲۰۱۳ کال بازار ته راووت چي پکښي راجېش روشن د مرکزي نرينه کردار تمثيل کړی دی. د دې څخه تر مخه د کرش دوه نور فلمونه هم بازار ته راوتلي ول. (يو مليارد ۱۰۰۰ مليونه کيږي) [ترتيب کوونکی: احمدولي اڅکزی]
انځور: Imago/Zuma Press
۷ مقام ـ کوچادا اييا ـ ۱،۲۵ مليارده هندي روپۍ
کوچادا اييا د رجني کانت فلم دی چي په ۲۰۱۴ کال بازار ته راووت. دغه فلم د يو تاريخي پاچا په هکله دی او په تاميل ژبه ډک سوی دی.
انځور: Imago/Hindustan Times
۶ مقام ـ دهوم ۳ ـ د ۱،۷۵ او ۱،۲۵ مليارده هندي روپيو تر منځ
دهوم ۳ فلم د ۲۰۱۴ کال په جنورۍ مياشت کی بازار ته راووت. په دغه فلم کي مرکزي نرينه کردارونه عامر خان او ابهيشک بچن لوبولي دي. ښځينه مرکزي تمثيل قطرينه کيف کړی دی.
انځور: Imago/Zuma Press
۵ مقام ـ انتيران (روبوټ) ـ ۱،۳۲ مليارده هندي روپۍ
اننتيران په ۲۰۱۰ کال بازار ته راوتلی ساينس فيکشن فلم دی چي په تاميل ژبه ډک سوی. په دغه فلم کي مرکزي کردار رجني کانت لوبولی.
انځور: Getty Images/AFP/M. Rasfan
۴ مقام ـ را ۱ ـ ۱،۵ مليارده هندي روپۍ
را يو يا را ون د يو غېر عادي قوتونو لرونکي کس په هکله فلم دی چی مرکزي رول پکښي شاه رخ خان لوبلی. دغه فلم په ۲۰۱۱ کال بازار ته راوتلی ؤ.
انځور: Getty Images/AFP
۳ مقام ـ باهو بلي ۱ او ۲ ـ ۴ مليارده هندي روپۍ
د باهو بلي حماسه يي فلم لومړۍ برخه په ۲۰۱۵ کال بازار ته راووتله چي په ټوله نړۍ کي زياتو کتونکو وستايله. په دغه فلم کي کارول سوي کمپيوتري ايفکتونه د دغه فلم د بريا يوه لويه وجه بلل کيږي. اټکل کيږي چی د دغه فلم دويمه برخه به د ۲۰۱۷ کال د اپريل په پای کي بازار ته راووزي.
انځور: Arka Media Works
۲ مقام ـ ۲،۰ ـ ۴ مليارده هندي روپۍ
د «دوه اعشاريه صفر» په نوم هندی فلم ښايي د ۲۰۱۸ کال د جنورۍ په ۲۵مه نېټه بازار ته راووزي. په دغه فلم کي رجني کانت او اکشې کمار هم تمثيل کړی دی.
انځور: Getty Images/AFP
۱ مقام ـ مهابهارت ـ ۱۰ مليارده هندي روپۍ
موهن لال چي پخپله هم په دغه فلم کي د ايکټر په توګه کار کوي، ويلي چي د مهابهارت فلم ته ۱۰ مليارده روپۍ (يو مليارد ۱۰۰۰ مليونه کيږي) بوديجه پلان سوې. مهابهارت د هندو دين تقريبا ۱۰۰ زره د مصرعو لرونکې اوږده حماسه ده، چي ورباندي تر مخه هم زيات فلمونه او ډرامي جوړي سوي دي. [ترتيب کوونکی: احمدولي اڅکزی]