فرانسه: په ژمې کې به کورونه د برېښنا پارچاوۍ ولري
۱۴۰۱ شهریور ۹, چهارشنبه![Frankreich Parlamentswahlen | Elisabeth Borne](https://static.dw.com/image/62185377_800.webp)
د فرانسې حکومت نن چهارشنبه د اګست ۳۱مه د انرژۍ او چاپیرل پر اړوندو موضوعاتو ځانګړې غونډه لري.
تيره شپه فرانسوي تلویزیون TMC د بورن له قوله وويل چې د دغه وضعیت لامل په اوکراېن کې د جګړې ادامه او د فرانسې د ۵۶ اتومي ريکتورونو شاوخوا نیمايي برخې د ترميماتي چارو په خاطر غیرفعال کېدل دي.
د فرانسې ۶۷ سلنه انرژي، اتومي ريکتورونو پورې تړلې ده چې دا د بل هر اروپايي هیواد څخه پر اتومي انرژۍ ډيره تکیه ده. فرانسه همدارنګه خپله شاوخوا ۷ سلنه برېښنا له ګازو څخه په لاس راوړوي.
د فرانسې صدراعظمې په دې اړه وويل: «دا په دې معنی ده چې موږ لږ برېښنا تولیدوو. که چیرته هوا ډيره سړه شي، کیدای شي داسې شېبې ولرو چې موږ د برېښنا په اکمالاتو کې ستونزې ولرو.» میرمن بورن زیاته کړه: «په داسې حالاتو کې به موږ اړ شو چې برېښنا ګاونډي په ګاونډي په دوراني شکل قطع کړو.» خو الیزابت بورن فرانسویانو ته ډاډ ورکړ چې د ژمي په موسم کې به ګاز نه قطع کيږي کوم چې خلک ېې تر ډیره د کوټو د ګرمولو له پاره کاروي.