په فرانسه کې د ترهګرۍ ضد مبارزې دفتر د شنبې (د نومبر میاشتې لومړۍ نیټه) په ورځ وویل چې دغه کس په یوه ترهګریز جنایتکاره سازمان کې د غړیتوب او د یوه ترهګریز سازمان په مالي ملاتړ تورن دی.
شکمن کس چې تیره اونۍ د فرانسې په لیون ښار کې نیول شوی دی، اوسمهال له محاکمه کیدو مخکې په توقیف کې دی.
د فرانسې د ترهګرۍ ضد واحد ویلي دي: «نوموړی چې په څرګند ډول جهادي ایډیالوژۍ ته ژمن دی، د داعش له خراسان څانګې سره په اړیکې درلودلو تورن دی.»
د فرانسې د ترهګرۍ ضد دغه دفتر زیاته کړه چې دغه کس د «د بسپنې په استولو» او د دغه ترهګریز سازمان د «تبلیغاتو په ژباړې او خپرولو» کې په مرستې کولو تورن دی.
داعش خراسان په افغانستان او پاکستان کې د دغې ډلې جهادي څانګه ده چې په مرکزي اسیا کې، د هغو له جملې څخه د پخواني شوروي اتحاد په ازبکستان جمهوریت کې فعالیت کوي.
دغه ډله د ۲۰۲۴م کال په مارچ میاشت کې په مسکو کې پر یوه کنسرت د خونړي برید په ګډون، په افغانستان او روسیه کې د خونړیو بریدونومسئوله ده.
د Le Parisien فرانسوي ورځپاڼې د رپوټ پر بنسټ دغه افغان چې څو کاله مخکې فرانسې ته راغلی و، د فرانسې د داخلي استخباراتو ادارې له خوا نیول شوی و او په لیون کې په اداري توقیف کې و.
یادې فرانسوۍ ورځپاڼې زیاته کړې ده چې دغه کس چې لادمخه د ترهګرۍ په تور تر تعقیب لاندې و په ټیټ ټاک او سنیپ چټ ټولنیزو شبکو کې به یې د جهادي تبلیغاتو د ایډیټ او خپرولولو کار کولو.
په تیره لسیزه کې فرانسه څو ځله د افراطي اسلامپالو د ترهګریزو بریدونو هدف ګرځیدلې ده، اکثره وخت د هغو کسانو له خوا چې د القاعده یا «اسلامي دولت» ترهګرو ډلو له خوا یې الهام اخیستی و.
انځورونه: د«نیس» د پیښې په هکله نړیوال غبرگونونه
د فرانسې د نیس ښار له پيښې سره، چې په ظاهره کې یو ترهگریز برید معلومیږي، په تیرو ۱۸ میاشتو کې دا دریم ترهگریز برید دی چې په دغه هیواد کې ترسره کیږي. د نړۍ خلکو او سیاسي مشرانو له فرانسې سره خپل پیوستون ښودلی دی.
انځور: picture-alliance/dpa/TASS/S. Savostyanovخلک په حیرانیا او اندیښنه کې دي
غمرازي کونکي د فرانسې د «نیس» په ښار کې د پيښې په ځای کې راټول شوي ول. د پنجشنبې په ماښام د یوه لارۍ موټر چلونکي خپل موټر ته د خلکو په منځ کې سرعت وکړ او د ماشومانو په گډون یې ۸۴ تنه ووژل. فرانسویانو د «باستیل» په نوم د فرانسې ملي ورځ جشن نیولی وو.
د فرانسې خلک د غم پر تغر ناست
د ولسمشرۍ د ماڼۍ پر سر د فرانسې بیرغ په نیمه زوړند حالت کې زړیږي. د فرانسې ولسمشر فرانسوا اولاند د جمعې په ورځ وویل چې د ۵۰ تنو ټپیانو روغتیایې وضعه ښه نه ده. هغه له خپلو هیوادوالو د پيوستون او یوالي غوښتنه وکړه.
په ټوله نړۍ کې د فرانسوي اتباعو غبرگون
د استرالیا په سندني ښار کې فرانسوي اتباع سره راټول شول اود دغې پيښې د قربانیانو سره سره یې خپله غم رازي څرگنده کړه.
اروپایې اتحادیې هم خپله غم رازي څرگنده کړه
په بروکسل کې د اروپایې اتحادیې بیرغونه هم نیمه زوړند حالت ته راوستل شوي ول. د اروپایې اتحادیې مشرانو هم د دغې پیښې په هکله خپل خفگان او اندیښنه شریکه کړه. د اروپایې اتحادیې د پارلمان مشر مارتین شولتس، له فرانسویانو څخه غوښتي دي چې د دغې کرکجن عمل پر وړاندی یو موټی پاتې شي.
د ټولې نړۍ په کچه له فرانسې سره پیوستون
د ایټالیا د سوداگرۍ خونې مشرې لوا بولدریني، په ایتالیې کې د فرانسې سفیره کاترین کولونا په غیږ کې نیولې ده. دغه دواړه میرمنې په روم کې د فرانسې د سفارت مخې ته د «نیس» د پیښې قربانیانو ته دعا کوي.
د قربانیانو په یاد د یوې دقیقې خاموشي
په مغولستان کې د «آسیا-اروپا» په سرمشریزه کې د آلمان صدراعظمه او د نړۍ مشرانو د نیس د پيښې د قربانیانو په یاد د یوې دقیقې له پاره خاموشي اختیار کړه. میرکل وویل چې آلمان به د ترهگرۍ پر وړاندی د مبارزې په برخه کې د فرانسه تر څنگ ولاړ وي.
د ښوونځي زده کونکي د قربانیانو له پاره دعا کوي
هندي ماشومان د «باستیل ورځې» د قربانیانو له پاره د دعا لاسونه پورته کړي دي. د نیس په پيښه کې لږ تر لږه ۱۰ تنه ماشومانو خپل ژوند له لاسه ورکړی او څو تنه نور ټپیان شوي دي.
د پوروشنکو له خوا د احترام مراتب
د اوکراین ولسمشر پترو پوروشنکو د جمعې په ورځ په کییف کې د فرانسې سفارت مخې ته د گلانو گیډۍ کیښوده او د پيښې قربانیانو ته یې د احترام مراتب وړاندی کړل.
په ټوله نړۍ کې د قربانیانو یاد
یو روسي تبع په مسکو د فرانسې سفارت مخې ته د گلانو گیډۍ ږدي. د روسیې ولسمشر ولادیمیر پوتین د فرانسې له ولسمشر فرانسوه اولاند سره د یوه تلیفوني اړیکي په ترڅ کې دا یو ډیر «غچ اخیستونکی او له کینې ډک» عمل وباله.
