اسوشتید پریس خبري آژانس له دغې هوکړې د ېوې باخبره سرچېنې له قوله چې نه غواړي نوم ېې خپور شي، وايي چې په قطر کې د امریکا پوځي اډه په منځني ختيځ کې د امریکا تر ټولو ستره پوځي اډه ده. دغه پوځي اډه په العديد هوايي ډګر کې ده چې د پلازمېنې دوحې سويل ته په یوه دښته کې واقع دی.

په لومړي سر کې سي ان ان د دغې هوکړې په هکله خبر ورکړ. رويټرز په خپل راپور کې ليکي په خپله د امریکا دفاع وزارت په دې هکله د سه شنبې په ورځ د دوی پوښتنې ته ځواب ورنکړ.

څرنګه چې قطر د امریکا او طالبانو تر منځ په شوې هوکړه کې د یو مهم منځګړي رول ادا کړی، دا وخت په غزه کې د روانې جګړې په تړاو د اسرائيلي چارواکو او حماس ډلې تر منځ هم د ېو مهم منځګړي په توګه رول ادا کوي.

په دې لړ کې قطر وتوانيد چې په وروستيو کې د حماس له خوا د یرغمل شوو اسرائيلانو او د اسرائيل له خوا د فلسطيني بندیانو په تبادله کې مهم رول ولوبوي.

حماس ډلې دغه کسان د اکتوبر په ۷مه پر اسرائيل د حملې پر مهال یرغمل کړي ول. په دغه حمله کې شاوخوا ۱۲۰۰ کسان ووژل شول. تر هغه وروسته په غزه کې د اسرائيلي ځواکونو په بریدونو کې تر اوسه له ۲۲زرو ډېر کسان وژل شوي دي.

خو په ورته وخت کې د امریکا په کانګریس کې پر قطر نیوکې هم کيږي چې د حماس ډلې مشران پکې حضور لري. د امریکایي قانون جوړونکو ېوې ۱۱۳ کلنې ډلې د اکتوبر په ۱۶مه له جمهور رئیس جو بایدن څخه غوښتي وو چې د قطر په ګډون پر هغو هېوادونو فشارونه زیات کړي چې له حماس څخه ملاتړ کوي.

د حماس ډله د اسرائيل، امريکا متحده ایالاتو، آلمان، اروپايي ټولني او ځينو نورو هيوادونو له خوا د ترهګرۍ ډلې په توګه درجه بندي شوې ده.

By Jonathan Landay and Kanishka Singh

mks/akh/(Reuters)