په دغه رپوټ کي ويل شوي چې د کرونا ستونزې له کبله په ټوله نړۍ کې لوږه زیاته او حالت يې کړکيچن شوې، د ۲۰۲۰ م کال تر پايه پورې په دې برخه کي د مرستو نه رسولو له کبله ۱۳۰ ميلونه نور انسانان له دوامدارې لوږې سره مخ کيدای شي.
پنځه سازمانونه خبردارې ورکوي
د نړۍ خوراک راپور هر کال د ملګرو ملتونو د ماشومانو د مرستي سازمان يونیسف، د خوراکي توکو نړیوال سازمان، د زراعت پراختيا نړيوالې مرستې د پروگرام د نړۍ، د لوږې سازمان او د نړۍ د روغتيا سازمان له خوا خپريږې. دغه پنځوو سازمانونو د دوشنبې په ورځ خبردارې ورکړې: د نړيوالې ټولنې دغه هدف چې تر ۲۰۳۰ م کال پورې به په ټوله نړۍ کې لوږه پاي ته ورسیږې اوس په خطر کې دی. د دوی له خوا په ګډه ويل شوي:«موږ اوس د پخوا په څير پر سم لوري نه يوو روان.»
د «میسيرو» په نامه د مرستي کاتوليکي بنسټ د بيداري د غږ څخه خبرې کړې ده. د دې ټولنې مشر پرمين شپيگل وويل: «اوس د کرونا ستونزې پر مهال په نړۍ کې د لوږې سره د مبارزې سیستم په ښکاره ډير کمزورې شوې.» شپيګل غوښتنه کوي: «د سیمه ایز تولید زياتول او په نړیواله کچه باید په اقتصادي بهيرکې یووالې رامنځ ته شی.» د پرمختیا سازمان اوکسفام د آلمان له حکومت څخه د لوږې پر وړاندې د مبارزې له پاره د نویو اقداماتو غوښتنه کړې. د اکسفام د زراعت کارپوهه ماريتا ويګرتهاله وايې: «نويو ډېرو لوړو شمیرو ته پام سره نور داسی حالت بايد پاتې نه شي.».
زموږ له آرشيف څخه:
د نړۍ په کومو هيوادونو کې لوږه زياته ده؟
د آلماني مرستندويه سازمان «وېلت هُنګر هيلفه» هر کال په نړۍ کي د لوږي په تړاو د هيوادونو يو ليست خپروي. له لوږي سره مخامخ دغو هيوادونو په سږني راپور کي افغانستان په کوم مقام دی؟ انځوريز راپور يې دلته وګورئ:
انځور: AP
۸۷ مقام ـ ايران
ايران د هند، پاکستان او افغانستان هغه ګاونډی هيوا دی، چي د لوږي ستونزه پکښي تر زياتي اندازې حل سوې ده. دغه هيواد د لوږي په ترڅ کي له خپل ګاونډي هيواد افغانستان څخه ۷۷ مقامه بهتر دی. د ۲۰۱۹م کال له پاره ورکول سوي نمرې (۸،۲).
انځور: TASNIM
۲۴ مقام ـ پاکستان
زيات نفوس لرونکی هيواد پاکستان تر هند وروسته د آسيا دويم لوی هيواد دی چي پکښي د وږو انسانانو شمېر تر نورو زيات دی. دغه هيواد په ليست کي تر هند ۸ مقامه او تر افغانستان ۱۴ مقامه بهتر دی. د ۲۰۱۹م کال له پاره ورکول سوي نمرې (۲۸،۵).
انځور: AP
۱۶ مقام ـ هند
هند د آسيا له تر ټولو لوی هغه هيواد دی چي پکښي د لوږي جدي ستونزه موجوده ده. د ۲۰۱۹م کال له پاره ورکول سوي نمرې (۳۰،۳).
انځور: picture-alliance/dpa
۱۰ مقام ـ افغانستان
په نړۍ کي د تر ټولو زيات لوږي سره مخامخ هيوادونو په لړ کي افغانستان پر لسم مقام دی. د ۲۰۱۹م کال له پاره ورکول سوي نمرې (۳۳،۸).
انځور: picture-alliance/Photoshot
۹ مقام ـ زيمبابوې
زېمبابوې يو له هغو افريقايي هيوادونو څخه دی چي پکښي لوږه د زياتو انسانانو د ورځني ژوند يوه لويه ستونزه ده. د ۲۰۱۹م کال له پاره ورکول سوي نمرې (۳۴،۴).
انځور: DW/Nyani Quarmyne
۸ مقام ـ ختيځ تيمور
ختيځ تيمور د آسيا په سويل ختيځ کي واقع هيواد دی چي پکښي د اوسېدونکو شمېر نژدې يو ميليون او ۱۶۰ زره ته رسيږي. په دغه هيواد کي هم زيات انسانان له لوږي سره مخامخ دي. د ۲۰۱۹م کال له پاره ورکول سوي نمرې (۳۴،۵).
د مرکزي افريقا جمهوريت په ګاونديو هيوادونو کې، چاد په دريم مقام کي هغه هيواد دی چي ډير انسانان يې وږي دي. د ۲۰۱۹ کال له پاره ورکول سوي نمرې (۴۴،۲).
انځور: Andy Hall/Oxfam
۲ مقام ـ يمن
يمن چي پکښي له څو کالونو راهيسي کورنۍ جګړه روانه ده، يو کال مخکي په تر ټولو زيات لوږه لرونکو هيوادونو کي پر شپږم مقام ؤ. خو په سږني راپور کي د دغه هيواد وضعيت لا خراب سوی او دويم مقام ته جګ سوی دی. د ۲۰۱۹م کال له پاره ورکول سوي نمرې (۴۵،۹).
انځور: picture alliance/abaca
۱ مقام ـ د مرکزي افريقا جمهوريت
د لوږي د نړيوال ليست له مخي په نړۍ کي تر بل هر هيواد د مرکزي افريقا په جمهوريت کي لوږه زياته ده. په دغه هيواد کي لوږه په لوړه اندازه مخ پر زياتېدو هم ده. د ۲۰۱۹ کال له پاره ورکول سوي نمرې (۵۳،۶).
