د دې لرغوني بازار چې تر۳۰۰۰ ډیر دوکانونه یا هټۍ لري یوه ځانګړتيا په دې کې ده چې تر یوه چت لاندې د خریدارۍ نږدې هر ډول توکي پکې موندل کیږي.

په دې ځای کې له پيړیو راهیسې موجود د جامو، په کور کې د کاریدونکو لوښو، غالیو، ساعتونو، موسیقۍ وسایلو او نور توکو د خریدارۍ او ترميم دوکانونه، د دې بازار پر لرغونتوب دلالت کوي.

په شپاړلسمه پيړۍ کې رامنځته شوې زلزلې دې بازار ته ډیر زیان رسولی دی، خو د چارو تنظيمونکو تر ډیره دا بازار په خپل پخواني حالت ساتلی دی.

د اټکلونو له مخې هره ورځ له ۲۵۰ څخه تر ۳۰۰ زرو پورې پيرودونکي دې بازار ته مخه کوي. په دوی کې پر سیمه ایزو خلکو سربیره ډیر سیلانیان هم وي.

په دې بازار کې د لاسي کار په وسیله جوړ شوي مختلف ډوله ګروپونه او څراغونه، د پيرونکو پام ځانته را اړوي.

دې بازار ته اکثره خلک د سوغاتونو یا تحفو رانيولو له پاره ورځي. دلته مختلف ډوله وچې مېوې، میټایانې او مثالې موجود وي.

په دې بازار کې د نورو سهولتونو ترڅنګ د څښاک اوبو تاریخي نلونه دي چې نن هم دې بازار ته راتلونکي خلک ترې د خپلې تندي ماتولو له پاره کاروي.

بازار ته د ننوتلو او وتلو له پاره ۲۱ دروازې موجود دي چې هره دروازه بیا ځانته خپل نوم لري.

په بازار کې د ښځو لاسي دسکولونه او بکسونه چې د اصلي یا مصنوعي چرم څخه جوړ شوي دي موجود دي. د دې ترڅنګ په مختلفو ډیزاینونو کې د لاس په وسیله ګنډل شوي دسکولونه هم په دې مارکیټ کې ښه بازار لري.

د سرو زرو او قیمتي ډبرو مختلف زیورات او ګاڼې د ګرینډ بازار په ډيرو دوکانونو کې موجود دي.

د دې بازار یو بل ښه والی په دې کې دی چې دوکانداران یا هټیوال یي له رانيوونکو یا مشتریانو سره په مختلفو ژبو خبرې کوي. دوکانداران په ورين تندي له خپلو مشتریانو سره په انګليسي، عربي، آلماني، او اردو ژبو خبرې کوي.

د سیمه ایزو کارګرانو له خوا جوړ شوي ګرم شالونه هم د خریدارانو پام ځانته را اړوي.

ګرینډ بازار ته راتلونکي له دوکاندارانو سره د بیو د راټیټولو له پاره چنې وهي، څو د توکو بیې راټیټې کړي چې اکثره وختونه دوی پخپل دې کوښښ کې بریالي کیږي هم.

د ترکیي په مختلفو برخو کې جوړیدونکي زینتي توکي په دومره ښه ترتيب او مهارت سره ایښودل کیږي چې هرو مرو له دې ځایه د تیریدونکو پام ځانته را اړوي.

په ترکي او عرب ځوانانو کې د قیلون څکول ډیر دود لري. د دې بازار په دوکانونو کې د قیلون د تنباکو مختلف ډولونه او زایقې موجود دي.