د دغه ولایت پېښو ته د رسېدو په چارو کې ریاست له پاره د طالبانو ادارې رئیس قاري خیر محمد غازي د دغه خبر پخلی کړی دی او زیاته کړې یې ده چې یاده پېښه د جمعې په شپه شاوخوا دوې بجې د الیشنګ ولسوالۍ په قلعه‌ټک سیمه کې شوې ده.

نوموړي ویلي دي چې په مړو شویو کې د دغي کورنۍ د ښځې او خاوند په ګډون پنځه ماشومان شامل دي او یوه بله نجلۍ ټپي شوې ده.

طالب چارواکیو د دغې پېښې لامل وروستي بارانونه او د خونې د چت خرابوالی ښودلی او ويلي يې دي چې، وروستیو اورښتونو او زلزلې د شیرزاد نومي کور خراب کړی و.

په وروستیو دوو میاشتو کې د افغانستان تر نیمايي ډېرو ولایتونو کې «سخت» اورښتونه او وروسته بيا سیلابونه راغلي، چې له امله یې پر تلفاتو سربېره سلګونه د استوګنې کورونه، کرهڼیزې او شاړې ځمکې زیانمنې کړي دي.