هغې زياته کړه چې په تيره بيا ايتاليا ته په اصطلاح د دوبلن ـ اخراجونه يوه ښه نخښه نه ده. نوموړې وويل: «د ايتاليا د پناه غوښتنې سيسټم ډېر نيمگړتياوې لري، هلته ډېر پناه غوښتونکي پر سړکونو ژوند کوي او خوراکي توکو او روغتيايي آسانتياو ته لاس رسی نه لري.»
په ټوليزه توگه په تېر کال کې له آلمان څخه تقريباً ۲۴۰۰۰ کسان اخراج شوي ول. د آلمان کابينې په اپريل مياشت کې د کورنيو چارو د وزير هورست زېهوفر د «منظم – اخراج – قانون» تصويب کړ چې پر نورو سربيره له اخراج سره له مخامخ پناه غوښتونکو سره سخت چلن هم په پام کې لري.
زېهوفر تمه لري چې په دې قانون سره به د اخراجونو شمير ډېر لوړ شي. خو د قانون پر مسودې به لا په پارلمان کې بحث ترسره کيږي.
B.S/N.Z(AFP)
زموږ له آرشيف څخه:
انځورونه: له ایرانه د افغان مهاجرو ډله ایز اخراج ادامه لري
د مهاجرت نړیوال سازمان وایي چې د روان میلادي کال په لومړیو ۴ میاشتو کې له ایران څخه ۲۴۲۵۰۰ افغانان چې اسناد یې نه لرل اخراج شوي دي. په اسلام کلا کې د مهاجرو د هرکلي له پاره سالونونه جوړیږي.
انځور: Tanha
د مهاجرت نړیوال سازمان تازه رپوټ ښيي چې د اپریل میاشتي له ۲۹مې نیټې څخه د می تر پنځمې نېټې پورې ۱۹۰۵۸ افغان مهاجر له ایران څخه اخراج شوي او یا هم په خپله خوښه راستانه شوي دي.
انځور: Tanha
په دغه رپوټ کې راغلي دي چې له دغو مهاجرو څخه ۷۴۶۴ يې د نیمروز ولایت د میلک له پولې او ۳۷۱۵ کسان بیا اسلام کلا ته اخراج شوي دي.
انځور: Tanha
رپوټ زیاتوي چې د دې تر څنګ ۵۳۱۵ افغان مهاجر چې اسناد یي نه درلودل پخپله خوښه د اسلام کلا او ۲۵۶۴ تنه بیا د میلک له پولې افغانستان ته بیرته راستانه شوي دي.
انځور: Tanha
د مهاجرت نړیوال سازمان د دغه رپوټ په حواله د اخراج شوو مهاجرو په منځ کې ۱۱۹ کوچنیان ول چې بې له کومه سرپرسته له ایران څخه افغانستان ته اخراج شوي دي.
انځور: Tanha
په دغه رپوټ کې دا هم ویل شوي دي چې په ۴۰ مواردو کې اخراج شوو کسانو صحي خدماتو ته اړتیا لرله.
انځور: Tanha
په هرات کې له «نارویژین ریفوجي کونسل» څخه خادم حسین رحیمي وایي، چې د دوی ارزونې ښيي چې هر کال ۵۰۰ زره افغان مهاجر د اسلام کلا او میلک له سرحدي لارو افغانستان ته اخراجیږي.
انځور: Tanha
دغې موسسې اوس په نزدې وختونو کې د هغو مهاجرو د هرکلي له پاره د يوې ودانۍ جوړولو چارې پیل کړي دي چې د هرات د اسلام کلا له لارې افغانستان ته اخراجیږي. پر دغي ودانۍ ۴۰۰ زره یورو لګښت راځي.
انځور: Tanha
د يادي موسسې او په هرات کې د کډوالو د راستنېدونکو چارو ریاست مسئولينو د دوشنبې په ورځ له ایران سره د اسلام کلا په سرحدي سیمه کې د دغو ودانیو د بنسټ ډبره کیښوده.
انځور: Tanha
په هرات کې د کډوالو چارو مسئولین وایي چې دغه سالونونه به پر ۱۶۰۰ متر مربع ځمکه باندي په ستندرد ډول په راتلونکو شپږو میاشتو کې جوړ شي.
انځور: Tanha
د هرات ولايت د مهاجرو چارو ادارې مشر احمد جاوید نادم، وایي چې دغه سالونونه د اوسیدو، ډوډۍ خوړلو، کنفرانس او اداري چارو له پاره خوني او په یوه وخت به د ۷۰۰ مهاجرو د ځایدو ظرفت هم ولري.
انځور: Tanha
هغه ویلي دي چې تر دې دمخه به له ایران څخه اخراج شوي افغان مهاجر په سرحدي سیمه کې په خیمو کې ثبتیدل، چې دې کار د کال په بیلو بیلو موسمونو کې ستونزې درلودي.
انځور: Tanha
هغه وويل چې د افغان مهاجرو اخراج زیات دی او په سرحدي سیمو کې چې له لارې یې دغه مهاجر اخراجیږي، د امکاناتو کمښت د اندیښنې وړ دی: «د اسلام کلا په سرحدي سیمه کې د کډوالو د ښه راغلاست له پاره دغه نوی جوړیدونکی مرکز به مهاجرو ته د رسیدګې په برخه کې مرسته وکړي.»
انځور: Tanha
یو شمیر افغان مهاجر چې له ایران څخه اخراج شوي دي، د ایران د پولیسو له چلن څخه شکایت کوي. هغوی وایي چې له ایران څخه د هغوی د اخراج پرمهال پولیسو وهلي او ښکنځل يې ورته کړي دي او آن نغدې پیسي يې هم ترې اخیستي دي. په اسلام کلا کې د مهاجرو د ادارې د پيژندنې چارو مدیر سید احمد هم له افغان مهاجرو سره د ایران د پولیسو نامناسب چلن تائیدوي.
انځور: Tanha
په اسلام کلا کې د مهاجرت نړیوال سازمان (آی او ام) استازی بصیر احمد رحیمي، وایي چې د دوی اداره له اخراج شوو مهاجرو سره د خوړو، کاليو او خپلو اصلي ټاټوبو ته د مهاجرو د لیږد په برخه کې مرسته کوي. خو له دې سره سره د دغه سازمان له لوري د خپاره شوي رپوټ په حواله د اپریل میاشتې له ۲۹ څخه د می تر پنځمې نیټې پورې له ایران څخه د راستنو شوو او اخراج شوو ټولو مهاجرو یوازې له څلور سلنه کسانو سره مرسته شوې ده.