د پولیسو د سرچینو په حواله، د برلین د کریسمس پر بازار بریدګر وروسته له هغې چې د پولیسو د یوې ګزمې له خوا وپیژندل شو له هغه څخه یې د پیژندپاڼې غوښتنه وکړه، خو هغه خپله وسله راویستله او پر پولیسو يې ډزي وکړې.

رپوټونه همدا راز وايي چې د وژل شوي کس د ګوتې نخښې یا فنګر پرنټ د برلین د پیښې له بریدګر، انیس عامري سره تطابق لري.

د ایټالیا امنیتي چارواکي وايي چې په دې وسله وال اخ و ډب کښې یو ایټالیوی پولیس ټپي شوی دی.

ایټالیوي چارواکي وايي چې له عامري څخه ترلاسه شوې وسله همغه وسله ده چې پولنډی لارۍ چلوونکی په وژل شوی. خو تر اوسه آلماني چارواکو د دې خبري پخلی نه دی کړی او ویلي یې دي چې دغه موضوع څیړنو ته اړتیا لري.

د ایټالیا د کورنیو چارو وزیر «چپ لوري ته» په یوه خبري کنفرانس کښې دغه خبر له رسنیو سره شریک کړ.

د برلین په برید کې اصلي شکمن په آلمان کښې په مختلفو نومونو ځان ثبت کړی وو. د رسنیو د رپوټونو په حواله، هغه په ۲۰۱۱م کال کښې ایټالیا ته تللی وو او د يوه جرم له امله په څلورو کلونو بند محکوم شوی وو.

دغه اخیستل شوی انځور د انیس عمري سلفي دی. دغه ۲۴ کلن مهاجر په تونس کښې زیږیدلی وو. هغه د برلین د خونړي برید یوازینی اصلي شکمن عامل وګڼل شو او وروسته له دې هغه په ټوله اروپا او آلمان کښې تر تعقیب لاندې وو.

آلمانیانو د برلین د خونړي برید له قربانیانو سره د خواخوږی شریکولو له پاره شمعې بلې کړي او پیغامونه یې ولیکل. په دې خونړي برید کښې ۱۲ کسان ووژل شول او لسګونه نور بیا ټپیان شول.

د انیس عامري خور د هغه په هکله له رسنیو سره خبرې کړي دي. د الشرق په نامه یوې ورځپاڼې د تونس هیواد شمال شرقي سیم ته خپل خبریال لیږلی وو چیري چې د انیس کورنۍ ژوند کوو.

په ورته وخت کې دویچه ویله هم د انیس عامري له کورنۍ سره چې اوس هم په تونس کښې ژوند کوي، خبري کړي وې او د هغه د تیر وخت په هکله یې رپوټ جوړ کړی وو.

په جرمني کي په سونو کسانو د يوه لاريون په ترځ کي په «افغانستان کي د خلکو وژني» د بندېدو غوښتنه وکړه. دوی د مهاجرو د اخراج د بندولو غوښتنه هم کوله.

دوي د جرمني په کولن ښار کي سره راټول سوي ول او تر ډيره ئې د افغان مهاجرو د اخراج بندولو شعارونه ورکول.

پر کلن ښار سربيره د جرمني په نورو ښارونو کي هم افغانانو او ځيني آلمانانو په کابل کي خونړۍ چاودنه وغندله او له قربانيانو سره ئې خپله خواخوږي وښووله.

په دغو لاريون کوونکو کي افغان مهاجر هم ول او د کابل پيښې ته په اشارې سره ئې ويل چي په افغانستان کي امني چيري دئ؟

دوی په کولن ښار کي په افغانستان په ځانگړې توگه په کابل کي د چاودني قربانيانو په ياد شمعي بلي کړې.

لاريون کوونکو د آلمان له حکومته وغوښتل چي په افغانستان کي د امنيت راتلو له پاره دي ډېره همکاري وکړي. دوی دغه راز د تروريزم سره د مبارزې غوښتونکي ول.

دوی پر خلکو باندي داسي پاڼي ووېشل سوې چي په کښې په يوه کمپوتري نقشه کي هغه سيمي چي د حکومت او هغه چي د طالبانو تر کنترول لاندي دي ښوول سوي وې.

دغه لاريون کوونکي د کولن ښار له ستري کليسا سره راټول سوي ول.

په دغه لاريون کي بيا ښځو د هغو ښځو عسکونه له ځانه سره لېږدول چي په افغانستان کي قرباني سوي.

داسي ښکارېده چي د دوی د ډيرو هدف له اروپا څخه د افغان مهاجرو د اخراج مخنيوی دی.

لاريون ښه ډېر دوام وکړ. لکه څرنگه چي تمه کېده ډېرو کسانو پکښې گډون و نه کړ. د کولن ښار په دغه سيمه کي بې له لاريوه هم خلک ناست وي.

په دې انځور کي بيا د هغه افغان مهاجر د ملاتړ په خومه څو کسان ښکاري چي د چهارشنبې په ورځ به نورنبرگ ښار کي پوليسو نيولی وو، څو اخراج سي او په سونو خلک ئې د آزادۍ غوښتنه کوله.

دغو آلمانانو هم افغانستان ته د افغان مهاجرو د اخراج بندولو غوښتنه کوله. دوی له افغانانو سره د خواخوږۍ په خاطر راوتلي ول.

دوی دغه راز د پوليسو پر هغه چلن چي د يوه افغان مهاجر د نيولو پرمهال څرگند سوی، وغانده.

د چهارشنبې په ورځ د جرمني په نورنبرگ ښار کي پوليسو يو افغان چي په مسلکي ښوونځی کي ئې زده کړي کولې له ټولگی راوايست او غوښتل ئې له ځانه سره ئې بوزي. په دې ترځ کي د هغه هم ټولگی وال له پوليس سره لاس او گريوان کيږي او په لسونو نور کسان ئې هم ملاتړ ته راځي.

د لاريون له پاره تياری.

په دغه لاريون کي کوچنيانو هم گډون کړی وو.