له آیټالیا څخه آلمان ته تلونکي یاد نیول شوي ناقانونه مهاجر د یوې لارۍ په باډۍ کې ټپ شوي ول. دوی تر لس ساعتونو اوږده مزل وروسته د آلمان خاوري ته داخل شوي ول. د آلمان خاورې ته په داخلیدو، د اتریش پولې ته نیږدې د بایرن ایالت په فوسن ښار کې د آلمان فدرالي پولیسو د دوی موټر د پلټنو له پاره درولی او لس ناقانونه مهاجر يې پکښې نیولي دي.
د پولیسو په حواله په دغه لارۍ کې د پټ کړل شوو ناقانونه مهاجرو روغتيايي وضعيت ښه نه وو. پولیسو زیاته کړې ده چې د هغهوی د ځینو سرونه ګرځیدل او ځینو نورو بیا له سردردۍ څخه شکایت کاوه. په نیول شوو مهاجرو کې د یوه کس وضعیت خراب ښول شوی چې د درملنې له پاره روغتون ته انتقال شوی دی.
د فرانسې خبري آژنس د رپوټ په حواله د دغې لارۍ چلوونکی یو ۲۵ کلن پاکستانی دی چې د هویت او سفر اسناد هم نه لري. د فرانسې خبري آژانس په رپوټ کې راغلي دي چې کله چې پولیسو د موتر شا پرانیستله نو له استفراق او ادرارو ډک پلاستیکونه یې هم موندلي دي. د همدغو پلاستیکونو په لیدلو سره پولیس شکمن شوي او بیا یې د ټول موټر د پلټلو پریکړه کړې ده.
بل لوري ته د دغه ښار ځايي چارواکي وايي چې په دغه موټر کې نهه تنه ناقانونه پناه غوښتونکي پټ ول. زیاته شوې ده چې دغه پناه غوښتونکي پاکستانیان، ایرانیان او ترکان دي.
دغو کسانو پولیسو ته ویلي دي چې دوی د لارۍ پاکستاني چلوونکي ته څو سوه یورو ورکړي څو آلمان ته يې ورسوي. پولیسو د لارۍ موټر چلوونکی ۲۵ کلن پاکستانی د انساني قاچاق په تور نیولی دی او په دې هکله پلټنې روانې دي.
پر ورته موضوع زموږ له آرشیف څخه:
د سمندر په څپو کې د مرګ هرکلی
د مديترانې سمندرګي له لارې مهاجرتونه تل خطرناکه وي. په ورستيو کې د لیبيا ساحلي ساتونکو په يوه عمليات کې مهاجر له اوبو راويستل شول. مرستندويه سازمانونه وايي چې د ليبيا بيړني حالت د مرستو په رسولو کې خنډونه ايجاد کړي دي.
انځور: Reuters/J. Medinaد دغې ماتې شوې پلاستيکي کشتۍ په منځ کې د يوې ښځې او ماشوم جسدونه ليدل کيږي. د ملګرو ملتونو نړيوال سازمان وياند فلاويو دې حيلاکومو، دا يو «ډير غمجن حالت» وباله.
يوه ښځه ژوندۍ پاتې ده. په سمندر کې د اسپانيا د «پرواکتیوا اوپن آرمس» غير دولتي مرستندوی سازمان مرستندويانو دغې ښځې ته نجات ورکړی. په احتمال سره دغه ښځه د لیبيا د ساحلي ساتونکو له خوا يوازې پريښودل شوې، ځکه چې هغې نه غوښتل بيرته ليبيا ته وګرځول شي.
کپيتان مارک رایګ کريوز او د عملياتو مديره انابل مانتس د ېوې بادي کښتۍ موقعيت موندلو کوښښ کوي. کيدای شي دغه کښتۍ د «پرواکتیوا اوپن آرمس» غير دولتي سازمان له پاره د مهاجرو يوه ليږدونکۍ کښتۍ وي.
استر کمپس پر يوه غټ دوربين په سمندر کې د هغو کسانو لټون کوي چې له بيړني حالت سره مخ شوي دي. مرستندويانو دغه اوښتلې پلاستکۍ کښتۍ د سه شنبې په ورځ وليدله. هغوي يوه ښځه وژغورله، خو د يوې بلې ښځې او يوه ماشوم له پاره د مرستې رسيدل نور ډير ناوخته وو.
په اوبو کې موندل شوي جسدونه
مرستندويانو دواړه جسدونه په پلاستيکونو کې وپيچل. د «پرو اکتيوا» بنسټ ګر اوسکار کمپس پر ټويتر ليکلي: «د ليبيا ساحلي ساتونکو وضاحت ورکړ چې په يوه کښتۍ کې د سپرو ۱۵۸ مهاجرو د سفر مخنيوی يې کړی دی.» هغه زياته کړې ده: «کوم څه چې هغوی نه دي ويلي دا دي چې هغوی يو ماشوم او يوه ښځه د کښتۍ يا قایق پر بام پرېښي ول او دغه کښتۍ په بل مخ واوښته. ځکه چې هغوی نه غوښتل د ليبيا په کښتۍ کې سپاره شي.»
د ژغورنې يو غمجن عمليات پای: د «پرو اکتيوا اوپن آرمس» مرستندوی سازمان «آسترال» کښتۍ د اسپانيا يوه بندر پر لور د حرکت په حال کې ده.
ليکونکی: نرمین اسماعیل/ فلوریان میایر/پ.ع /م. ک. ص
