د بایرن د داخله وزیر پوآخیم هرمان، په حواله په دغه پیښه کی په خپله ترهگر وژل سوی دی.

د نورنبرگ د ښار د پولیسو مشر رومان فرتینگر ویلی چی که دغه پیښه د ډیرو انسانانو په منځ کی رامنځته سوې وای نو پرته له شکه به زیات کسان وژل سوي وای.

دبایرن د ایالت د داخله وزیر په حواله بریدکوونکی د سوریې څخه راغلی ۲۷ کلن مهاجر ؤچی د روانی ناروغۍ له امله تردرملنی لاندی ؤ.

د انسباخ د ښار پوځي مامورینو دا خبره تأیید کړې چی د موسیقۍ په فیستیوال کی د حاضرو کسانو څخه کوم بل څوک وژل سوی نه دی.

ددغې چاودنی په نتیجه کی لږ تر لږه ۱۲ کسان ټپیان سوي چی د درو تنو حالت د اندیښنې وړ دی.

د بایرن د داخله وزیر یوآخیم هرمان په حواله نوموړی کس دوه کاله مخکی آلمان ته راغلی او د پناهندگۍ غوښتنه یې کړې وه خو تیر کال یې غوښتنه رد سوې وه.

د پولیسو په حواله ددغې پیښې عامل په چاودنه کی وژل سوی دی.

د انسباخ په ښار کی هغه میدان چی د موسیقۍ فیستیوال پکښي جوړ سوی ؤ.

د انسباخ ښارواله کاردا زایدل، په مطبوعاتی کنفرانس کی

څه دپاسه ۲۰۰ تنو د پولیسو مامورینو پس له چاودنی د پیښې په ځای کی خپلی پلټنی پیل کړي دي.

ا نسباخ د بایرن په ایالت کی دنورنبرگ ښارته نژدې یو کوچنی ښار دی چی د ۴۱ زرو په شاوخواکی نفوس لري.

په انسباخ کی تر چاودنی وروسته امنیتی وضیعت.

پولیس د بم د څرنگوالي او چاودیدونکي موادوته د مهاجر د لاس رسي په هکله تحقیقات کوي.

بریدکوونکي د انسباخ په یوه هوټل کی ژوند کاوه.

د انسباخ د ښار میدان ، یوه ورځ پس له بمی چاودنی

د پولیسو په حواله بریدکوونکي پرته له بم څخه نور ی اوسپنیزی ټوټې هم په خپله بسته کی درلودې چی دا خبره ددې ښکارندویی کوی چی هغه د موسیقۍ په فیستیوال کی د ډیرو کسانو د وژل کیدو قصد درلود.

د انسباخ د ښار د ترهگر په اړه پراخی پلټنی رواني دي.