په ۲۰۱۶ کال کې له سورېې څخه وروسته په لسو هيوادونو کې دويم هيواد افغانستان دی چې اروپا ته یې زيات شمير اتباع مهاجر شوي دي. د دغو لسو هيوادونه په ۲۰۱۶ کال کې د اروپا ۷۶ سلنې مهاجرو تشکيلوي. اروپا ته په دغه کال کې یوازې د اوبو له لارې نژدې ۳۵۹ زره مهاجر راغلل.

د يونيسف ادارې د ارقامو له مخې، نايجريا دريم هیواد دی چې په ۲۰۱۶ کال کې ورڅخه ډیر خلک اروپا ته مهاجر شوي. نايجريايي مهاجر په دغه کال کې د اروپا د ۷۶ سلنې مهاجرو څخه ۱۰ سلنه برخه تشکيلوي.

په ۲۰۱۶ کال کې اروپا ته د مهاجرت په بهير کې تر سوريې، افغانستان او نايجريا وروسته عراق راځي. دغه هيواد د لسو هيوادونو له مهاجرو څخه ۸ سلنه برخه تشکليوي او په څلورم مقام کې راځي.

ايريتيريا هم د لسو هغو هيوادونو په کتار کې راځي چې په ۲۰۱۶ کال کې يې اروپا ته زيات مهاجر لرل. يونيسف ادارې د دغه هيواد مهاجر ۶ سلنه ښودلې.

ګينيا هم د لسو هغو هيوادونو په کتار کې راځي چې په ۲۰۱۶ کال کې ورڅخه اروپا ته مهاجرتونه شوي. ګينيايي مهاجر د اروپا د دغه کال د ۷۶ سلنې مهاجرو له ډلې څخه ۴ سلنه برخه تشکيلوي.

د عاجل ساحل بيا د لسو هيوادونو په رديف کې اووم ځای لري.

ګامبيا هيواد په هغو لسو هیوادونو کې اتم ځای لري چې په ۲۰۱۶ کال کې يې اروپا ته زيات مهاجر لرل. دغه لس هيوادونه د اروپا د ټولو مهاجرو۷۶ سلنه جوړوي چې له ډلې څخه یې ۳ سلنه یې ګاميبيايان دي.

پاکستان هم په ۲۰۱۶ کال کې اروپا ته مهاجرت لرل. پاکستان د نهم ځای په لرلو سره د اروپا د ۲۰۱۶ کال د مهاجرو ۳ برخه تشکيلوي.ي

سينګال په لسو هيوادونو کې چې په ۲۰۱۶ کال کې يې اروپا ته مهاجر لرل تر ټولو وروستی (لسم) ځای لري. دغه هيواد هم د پاکستان په شان د لسو هيوادونو د ۷۶ سلنې مهاجرو له ډلې څخه ۳ سلنه برخه تشکيلوي.

له جرمني څخه د اخراج سوو افغان مهاجرو لومړۍ ډله چي ۳۸ کسان کېدل په يوه چارتر الوتکه کي له فرانکفورت هوايي ډگر څخه د کابل نړيوال هوايي ډگر ته انتقال سول. انځور: کابل ته رسېدلي افغان مهاجر.

له جرمني څخه اخراج سوی افغان مهاجر د کابل په نړیوال هوايي ډگر کي.

د افغانستان د کډوالو چارو وزارت په خبره له اروپا څخه ډېر افغان مهاجر اوس بيرته پخپله خوښه هيواد ته ستنيږي.

د دغو افغانانو او په ټوله ايزه توگه له جرمني څخه د افغان مهاجرو د بيرته ايستلو پر ضد د جرمني د فرانکفورت په نړيوال هوايي ډگر کي تيره ورځ افغان معالانو مظاهره هم وکړه.

په دغه مظاهره کي نه يوازي افغانان، بلکي آلمانانو هم گډون کړی وو.

د جرمني چارواکو پتېيلې ده چي په دغه هيواد کي نه منل سوي افغان مهاجر به د چارتر الوتکو له لاري د کابل نړيوال هوايي گر ته انتقالوي.

په فرانکفورت نړيوال هوايي ډگر کي مظاهره کوونکو داسي شعارونه له ځان سره لېږدول «په افغانستان کي امنيت» نه سته.

د فرانکفورت نړيوال هوايي ډگر مخي د افغان مهاجر د اخراج پر ضد مظاهره

مظاهره کوونکو ويل چي په افغانستان کي امنيت نه سته او افغان مهاجر بيرته مه لېږئ.