د فرانسې او هسپانيې چارواکي وايي چې په وروستيو ورځو کې د فرانسې سرحد ته نژدې د هسپانيې په «ايرون» سيمه کې د تازه رسيدلو مهاجرو شمير لوړ شوی دی. دوی وايي دلته رسیدلي مهاجر په دغې سیمه کې تر تم کيدو وروسته، ځانونه شمال لور ته رسوي.
په ايرون کې سيميزو ادارو له ځايي اوسيدونکو سره په ګډه تيره مياشت يوه غير رسمي ډوله شبکه فعاله کړه چې دنده يې د تازه رسيدلو مهاجرو له پاره د خوراک او پوښاک برابرول او ځينې نورې مرستې دي. د یو مهاجر پلوه کارکونکي بي بي ليراس په وينا، دوی وروسته له هغې دغه شبکه فعاله کړه چې په دغې سيمه کې د مهاجرو شمير ډیر لوړ شو.
ليراس وویل چې په ايرون سیمه کې تر دې مخکې هم خلک راتلل چې بيا فرانسې ته داخليدل، خو د پخوا په پرتله اوس د مهاجرو دغه شمير لوړ شوی دی. د نوموړي په خبره، له يوې مياشتې راهيسې له دغه ځايه د فرانسې پر لور هجرتونه ډير شوي دي. هغه وايي: «دا یوه غیرعادي خبره وه چې دلته مهاجر د اورګاډو په ستيشنونو او نورو ځايونو کې د خوب په حال کې ليدل شوي وي.»
شمير کې څو برابره ډيروالی
د دغه کارکونکي په وينا، اوس په دغه ځای کې هره ورځ تر څلويښتو پورې نوي مهاجر ليدل کيږي خو تر دې مخکې دغه شمير د څلور او پنځو په حد کې وو.
بل لور ته د سره صليب اداره وايي چې له هسپانيې څخه رسيدلو مهاجرو د اوسيدو له پاره يې په ايرون سیمه کې يو مرکز جوړ کړی دی، چې د ۲۴ کسانو د اوسیدو وړتيا لري. همدا ډول د فرانسې سرحد ته نژدې ورته درې نور مرکزونه هم جوړ شوي دي چې ټولټال په کې ۱۷۷ کسان اوسيدای شي.
د سره صليب يوه وياند وويل چې په دغو مرکزونو کې مهاجرو ته يوازې د څلورو شپو له پاره د اوسيدو ځای ورکول کیږي. د سرچينې په وينا په وروستيو دوو مياشتو کې په دغو مرکزونو کې په مجموعي توګه ۱۶۰۰ مهاجر ميشت شوي دي.
د هسپانيې په ايرون سیمه کې د دغو مرکزونو رضاکاران تازه رسيدلو مهاجرو ته د خوراک، پوښاک او د ځينو نورو مرستو د رسولو په چارو بوخت دي.
دلته زمونږ له آرشيف څخه د مهاجرت پر موضوع يو انځوريز البوم کتلای شئ:
يونان، ايتاليا او هسپانيا ته څومره مهاجر رسيدلي دي؟
له ۲۰۱۵ څخه د ۲۰۱۷م تر وروستۍ نيمايي پوري يونان، ايتاليا او هسپانیا ته ډیر مهاجر رسېدلي دي. په دغه انځوريز رپوت کې به په هرکال کې د رسيدلو مهاجرو شمير او د افغانستان په ګډون لس هغه هيوادونه چي ډير وگړي يې مهاجر شوي.
انځور: Getty Images/D. Kitwoodيونان ته په دغه کال ۸۵۶۷۲۳ مهاجر ورغلي.
ايتاليا ته په دغه کال ۱۵۳۸۴۲مهاجر ورغلل.
هسپانيا ته په ياد کال ۴۴۰۸ مهاجرو ځانونه ورسول.
يونان ته په ياد کال د نړۍ له مختلفو هيوادونو ۱۷۱۷۸۵ مهاجر ننوتل.
ايتاليا ته په ياد کال کي ۱۷۳۰۰۸ مهاجر ورسېدل چي ډيری ئې له افريقايي هيوادونو دي.
هسپانيا هم په دغه کال تر نورو پاته نه وه. دغه هيواد ته ۶۰۴۶ مهاجرو ځانونه ورسول.
يونان ته په روان کال کي د نورو دوو کلونو په پرتله لږ يعنی۴۰۰۰ مهاجر ورغلي دي.
په اروپا کي د نورو په پرتله د مديترانې له لاري ايتاليا ته سږکال هم ډېر مهاجر (۱۹۰۰۰۰) رسېدلي دي.
دغه هيواد ته بیا هم د نورو هيوادونو په پرتله په روان کال کي ډېر مهاجر(۲۲۰۰۰) رسېدلي دي.
لس هغه هيوادونه چي ډېر وگړي ئې ترې مهاجر شوي دي.
چې د مهاجرو ټولټال ۵ سلنه برخه ده.
د دغه هيواد مهاجر اروپا ته د رسېدلو مهاجرو ۳ سلنه برخه ده.
دوی هم د پاکستان په شان د مهاجرو ۳ سلنه برخه ده.
د عاجل له ساحله هم مهاجرت ډير سوی. له دغي سیمي وتلي خلک اروپا ته د رسېدلو مهاجرو ۴ سلنه برخه ده
اروپا ته د رسېدلو مهاجرو ۸ سلنه برخه ده.
اروپا ته د رسېدلو مهاجرو ۸ سلنه عراقيان دي.
له نايجريا څخه هم هجرت ډېر سوی. دوی اروپا ته د رسېدلو مهاجرو ۱۰ سلنه برخه ده.
له جنگ ځپلي افغانستان څخه تر سوريې را وروسته اروپا ته د رسېدلو مهاجرو ۱۲ سلنه برخه ده.
انځور: picture alliance/AP Photo/E. Morenatti ارقام د ملګرو ملتونو د مهاجرت اداره او انځورونه د دويچه ويله له آرشيف څخه.
