د بریتانیا دفاع وزارت وايي روسېې ويلي وو چې په دونيڅک سيمه کې د نوي کال په شپه، په یوه اوکرايني حمله کې ېې ۸۹ عسکر ووژل شول، په داسې حال کې چې د بريتانیا استخباراتي ادارې رپوټ وايي په هغه بريد کې له ۳۰۰ ډير روسي عسکر ووژل شول.
رپوټ وايي د یادې حملې په هکله د ناکره معلومات ورکړه، د ټيټ رتبه چارواکو د غلطو رپوټونو ورکړه او د لوړپوړو چارواکو له خوا په لوی لاس د درواغو د تصدیقولو نتیجه ده. زیاته شوې چې روسي چارواکي دغه کار له دندې څخه د ګوښه کېدو له وېرې او دا چې خپل شکست ېې بې اهمیته ښودلی وي، ترسره کوي. د بریتانیا دفاع وزرات هره ورځ د اوکراین په جګړه کې د مرګ ژوبلې ارقام خپروي.
د اوکراين په توغندیز برید کي ۶۳ روسي پوځیان وژل شوې
د اوکراین په شرقي ښار کوستیانتينيفکا کې د شنبې په ورځ د هستوګنې پر یوې سېمې په روسي حمله کې درې تنه وژل شوي او لږ تر لږه دوه نور ټپيان دي. د سېمې والي، پاول کريلنکو، پر ټيلګرام ليکلي چې په دغه حمله کې څلور اپارتمانونه او يو هوټل تخریب شوي دي. هغه وويل چې پولیس د پيښې ځای ته رسيدلي تر څو «د روسي یرغلګرو يو بل جنایت ثبت کړي.»
د جګړې تر ټولو سخت میدانونه
د اوکراین ولسمشر، ولاديمير زيلنسکي، په لومړيو جبهو کې جنګي وضعیت «نهایت حاد» ښودلی په ځانګړې توګه په شرقي سیمه دونيڅک کې چېرته چې روسیې خپلو حملو ته شدت ورکړی دی.
اوکراين: پولند د ټانکونو د انتقال په لانجه کې پر آلمان فشار ډېر کړی
زیلنسکي د اوکراین په شمال شرق کې د بخموت او د دونيڅک جنوب شرقي سیمه ووهلدار یادونه کړې چې تر ټولو لوېې جګړې په کې شوي دي. په تېره بیا بخموت د روسي قواو په پر له پسې حملو کې سخت ځپل او دوړه دوړه شوی دی.
د آلمان ليوپاډ ۲ جنګي ټانکونهانځور: Sean Gallup/Getty Images کیف وايي، اوکرایني ځواکونو د جمعې په ورځ په شمال شرق او شرق کې له روسي ځواکونو سره چې هڅه کوي د جګړې لومړۍ کرښې والوځوي، سخته مقابله کړې ده.
کیف زیاتوي د جګړې وضعیت ته په کتو، مخکې له دې چې د غربي متحدینو لخوا ژمنه شوي ټانکونه اوکراین ته ورسيږي، دوی ډيرو وسلو ته اړتیا لري تر څو ېې د روسي ځواکونو د حملو مخه ډب کړي وي.
اوکراین ته د ټانکونو ورکړه او پر جګړې یې اغیز
په فرانسه کې د اوکراین سفير خبر ورکړ چې له مختلفو هیوادونو له خوا اوکراین ته د ۳۲۱ درنو ټانکونو د استولو ژمنه شوې ده. د اوکراين پوځ عمدتاً د شوروي اتحاد د وخت پر ټانکونو متکي دی او له کله چې روسېې پر دغه هیواد پوځي يرغل کړی، کیف له خپلو غربي متحدینو څخه د غرب ساخت پرمختللو ټانکونو پر ورکړې ټينګار کړی دی.
اوکراين ته د جنګي جټ الوتکو د ورکړې پر سر بحث پېل شوی
د پولند صدراعظم ويلي دي چې هیواد به ېې اوکراین ته د آلمان ساخت ۱۴ لیوپارډ ټانکونو علاوه، ۶۰ اضافي ټانکونه وليږي. د رپوټونو له مخې آلمان، بریتانيا او امریکا متحده ایالاتو اوکراین ته د پرمختللو ټانکونو د استولو ژمنې کړي. فرانسې مخکې ويلي وو چې په دې هکله فکر کوي.
د اوکراین جنګ او سیاست
شمالي کوریا د شنبې په ورځ اوکراین سره د امريکا د ټانکونه ژمنه وغندله. د دغه هیواد دولتي خبري آژانس KCNA د رپوټ له مخې، شمالي کوریا ادعا کړې چې واشنګټڼ په دغه اقدام سره د نیابتي جګړې د ګټلو له پاره آن له ټاکلې «سرې کرښې څخه هم لا ډير اوښتی دی.»
د ملګرو ملتونو د مهاجرت اداره وايي چې روسيه د جګړې پر وخت اوکرایني ماشومانو ته روسي پاسپورټونه ورکوي تر څو ېې هغوی راخپل کړي وي. دغې ادارې ويلي دي چې روسېې په دې کار سره د«ماشومانو د حفاظت بنسټیز اصول» تر پښو لاندې کړي دي.
مسکو د بیربوک د «روسیې پرضد جنګ» وینا توضیحات غوښتي
د هنګري صدراعظم ویکتور اوربانانځور: ATTILA KISBENEDEK/AFP/Getty Images د اوکراین ولسمشر، ويلي دي چې د ۲۰۲۴ کال په المپيک مسابقو کې د روسي ورزشکارانو د ګډون د مخنيوي له پاره یو نړیوال کمپاين په لاره اچوي. ولاديمیر زيلنسکي دغه خبره وروسته له هغې وکړه چې د سپورت وزير ېې وویل چې دوی به د فرانسې له لوبو سره بایکاټ وکړي که چېرته روسي او بلاروسي ورزشکاران په کې برخه واخلي.
بل لوري ته جاپان پر اوکراین د روسېې د وروستيو توغندویزو بریدونو په غبرګون کې مسکو باندې تحریمونه لاپسې سخت کړي دي. په نوو تحریمونو کې د ممنوعه صادراتي توکو په لیست کې زیاتوالی او د روسي چارواکو او روسي شتمنيو کنګلول شامل دي. مسکو ېې په غبرګون کې ويلي دي چې د جاپان تحریمونه د اندېښنې وړ نه دي او دوی د دغه ډول تحریمونو لاندې ژوند کولو سره سازګاري کوي.
روسیه: نوي بندیزونه پخپله امریکا ته تاوان رسوي
کیف د جمعې په ورځ وويل چې د هنګري سفير د شکایت په خاطر احضاروي. کیف ويلي دي چې د هنګري سفير، د هنګري د صدراعظم ويکتور اوربان «په بشپړه توګه د نه منلو وړ» څرګندونو څخه د شکایت په خاطر احضاروي. د اوکراین د بهرنيو چارو وزارت ویاند، اوليګ نيکولینکو، ويلي دي چې اوربان خبریالانو ته ويلي دي چې اوکراین داسې یوه خاوره ده چې باید انسان ورنشي او دا چې هغه ېې له افغانستان سره پرتله کړی دی.
له دې ټولو سره سره، د روسېې ګاز پروم شرکت د شنبې په ورځ وويل چې په دغه ورځ د اوکراین له لارې اروپا ته ۲۴ اعشاریه ۳ میلیون کیوبیک ميتره ګاز استوي.
آ/م.ک.ص./ا.خ.ح.
د اوکراین پر موضوع له آرشیف څخه یو انځوریز البوم:
په اوکراین کې جګړه، بې برقي او سوړ ژمی
روسېې د اوکراین پر ملکي زېربناو لکه د برېښنا پر تاسیساتو خپلې حملې جاري ساتلي. په ملیونونو خلک په موقتي توګه له برېښنا بې برخې شوي دي، آن اوبو او ګاز ته لاسرسی نه لري. خلک د معمول خلاف سږکال له یو سخت ژمي سره مخ دي. انځور: Pool Philip Reynaers/dpa/Belga/picture alliance د اوکراین په دونيڅک سېمه کې يو ټانک ولاړ دی. دونیڅک ېوه له هغو سیمو ده چې تر ټولو ډیره جګړه په کې شوې ده. د ژمي پيل، ورښتونو او سړې هوا د عسکرو له پاره د جګړې ادامه او یا ېې درول ډير سخت کړي دي. له وضعيته ښکاري چې اوکراین له یو سخت ژمي سره مخ دی. په عین حال کې روسي ځواکونو خپلې حملې هم جاري ساتلي دي.
انځور: Metin Aktas/AA/picture alliance د اوکراین خیرسون ښار يو له هغو سیمو څخه ده چې اوکرایني ځواکونو بېرته له روسي ځواکونو څخه نېولې ده. په انځور کې د دغه ښار اوسیدونکي لیدل کيږي چې د مرستو ترلاسه کولو له پاره په کتار کې ولاړ دي. اوکراین خیرسون وروسته له هغې ونيو چې روسي ځواکونه ورڅخه ووتل او د دينپرو سیند هاخوا څنډې ته ولاړل.
انځور: Chris McGrath/Getty Images بخموت د اوکراین په دونیڅک سیمه کې واقع دی. په انځور کې ښکاري چې د روسي ځواکونو په حملو کې یو ساختمان تخریب او بیا ېې اور اخیستی دی. اوکرایني چارواکو په وروستيو کې ويلي دي چې روسي ځواکونه هڅه کوي د بخموت ښار پر لور تللې لوی لارې بندي کړي چې په همدی موخه ېې پر شاوخوا کليو باندې بمباري او بریدونه ډير کړي دي.
انځور: YEVHEN TITOV/AFP/Getty Images د ټول هیواد په کچه د برېښنا پرچاوي په دغه انځور کې د اوکراین مرکز اړوند د برېښنا د لوړ ولتاژ یو تخریب شوی ستيشن ښکاري. روسي ځواکونو د اوکراین د انرژۍ پر تاسیساتو خپلې حملې وروسته له هغې لاپسې ډيرې کړې چې دغه ځواکونه له ځينو سیمو ووتل او یا ېې د اوکرايني ځواکونو پر وړاندې ماتې وخوړې. پر تاسیساتو حملو، په اکتوبر میاشت کې زور واخیست.
انځور: Ed Ram/Getty Images د جګړې د قربانيانو له پاره دا په اوکراين کې د سږني ژمي لومړنۍ واوره ده چې په اورېدو سره ېې په خلکو کې د یو سخت ژمي وېره راپېدا کړې ده. په انځور یوه ښځه د کيف ښار په خپلواکۍ میدان کې د جګړې د قربانيانو په یاد یوه شمعه بلوي.
انځور: Jeff J Mitchell/Getty Images د اوکراین د برېښنا پر تاسیساتو د روسي ځواکونو له دوامداره بریدونو سره په ټول اوکراین کې د برېښنا پرچاوۍ کيږي. د اوکراین ولسمشر ولودیمیر زیلنسکي، په وروستیو ورځو کې د پخواني شوروي اتحاد پر وخت په اوکراین کې د راغلې قحطۍ د نويمې کلیزې په مناسبت غونډه کې وويل: «هغه وخت هغوی غوښتل موږ له لوږې مړه کړي او اوس په سړې هوا او تیارو سره.»
انځور: Metin Aktas/AA/picture alliance ګرمو جامو ته ډيره اړتيا ده... په اوکراین کې خلک له يو او بل سره د ګرمو جامو مرستې کوي. د اوکراین په لويديځ کې د ونيز د رضاکارانو مرکز وايي چې تر ټولو ډير ګرمو جامو لکه پشمي خولۍ، دستکشې او کمپلو ته اړتیا ده. حکومت په کیف کې د لا ډيرو جنراتورنو او ترانسفارمرونو د لګولو امر کړی خو دغه وسایل ډير کم عرضه کيږي.
انځور: Hudak Serhii/Ukrinform/ABACA/picture alliance ۴۴ کلن ولادیمیر چې د لويو ښار اوسيدونکی دی د خپل کور په تهکاوۍ کې د مربا په مرتبانونو کې ساتلي خوراکي مواد چې د هغه مور تیار کړي دي کنټرولوي. ډيرو اوکراینيانو په ګرم موسم کې ځانونو ته خوراکي مواد زيرمه کړي، څو په ژمي کې ورڅخه استفاده وکړي. په وروستیو کې د کيف ښاروال هم له خلکو غوښتي ول چې د احتیاط له پاره په کورونو کې خوراکي مواد زيرمه کړي.
انځور: Gaelle Girbes/Getty Images یو خیریه بنسټ د کیف په یوه واټ کې له خلکو سره د ګرمو خوړو او دستکشو مرسته کوي. په وروستیو کې د ناټو د بهرنيو چارو وزیران د رومانيا په بخارست کې راټول شوي ول. دوی په خپلو غونډو کې د اوکراین د انرژۍ زیربناو د بېا رغاونې په ګډون له دغه هیواد سره د لاډیرو مرستو په اړه بحثونه وکړل.
انځور: Jeff J Mitchell/Getty Images دغه انځور د ۲۰۲۲م کال د مارچ میاشتې یا د جګړې د لومړيو اوونيو دی. په انځور کې ښکاري چې د اوکراین د ايرپين ښار څخه ملکيان د روسي قواوو د بریدونو له کبله د تېښتې په حال کې دي. دغه لړۍ لا هم ادامه لري. په بريتانيا کې د آلمان سفير شاوخوا یوه اوونۍ مخکې د روسېې بریدونو ته په اشارې، په ژمي کې آلمان ته د اوکرایني مهاجرو د ېوې نوې احتمالی څپې څخه خبره کړې وه.
انځور: Emin Sansar/AA/picture alliance د اوکراین حکومت په ټول هیواد کې بې ځایه شوو خلکو له پاره له خیمو څخه موقتي سرپناوې جوړې کړي دي. په دغو خیمو کې بخارۍ او برېښنا هم شته او راغلو خلکو ته پکې ډوډۍ هم ورکول کيږي. په انځور کې دغه مهاجره جوړه په بوچا کې ېوې ګرمې خيمې ته پناه وروړې ده، خو په دغو خیمو کې انټرنيت ډیر ضعیف دی.
انځور: Evgeniy Maloletka/AP/picture alliance په آلمان کې له اوکراین سره د مرستو ټولو لړۍ په چټکۍ روانه ده. په دغه انځور کې د آلمان ولسمشر فرانک والتر شتاین ماير، د آلمان له پاره د اوکراین سفیر اولیکسي مکایوف او د المان د سره صلیب ادارې مشره ګیردا هاسیل فېلدت ليدل کيږي. د آلمان حکومت په کراتو اوکراین څخه د ملاتړ خبره کړې ده.
انځور: Bernd von Jutrczenka via REUTERS
