د فرانسې ولسمشر په دغه هیواد کې د کرونا ناروغۍ د مبتلایانو د شمیر په کميدو سره، د نوو حکومتي اقداماتو خبره کړې ده. په پاريس کې به رستورانتونه، کافيانې او بارونه بيرته په کار پيل وکړي. ښوونځي به هم ډير ژربيرته پرانستل شي.
انځور: REUTERS
اعلان
د فرانسې ولسمشر امانوئل ماکرون د جون پر۱۵مه، په يوه تلويزيوني پيغام کې اعلان وکړ چې په پاريس ښار کې به رستورانټونه، کافيانې او بارونه بيرته د خلکو پر مخ پرانیستل شي.
تر اوسه پورې په پلازمينه کې يوازې د رستورانټونو او کافيانو مخ ته سر خلاصي ميدانونه د خلکو د استفادې له پاره موجود ول.
سربیره پر دې زياته شوې چې د (ليسو پرته) د فرانسې ټول ښوونځي به د جون میاشتې له ۲۲مې بيرته خپل عادي کار پيل کړي.
په فرانسه کې د کرونا ويروس د خپريدو په دور کې دا د فرانسې د ولسمشر څلورمه تلويزيوني وينا وه. هغه په خپلو خبرو کې وویل چې د ډیر عمر درلودونکو کسانو د کورنو دروازې به هم د دوی د لیدونکو [خپلوانو] پر مخ خلاصې شي.
تر اوسه پورې يوازې د رستورانټونو او کافيانو مخ ته سر خلاصي ميدانونه د خلکو د استفادې له پاره موجود ولانځور: picture-alliance/dpa/Kyodo
امانوئل ماکرون په خپلو خبرو کې وضاحت ورکړ چې په فرانسه کې د اقتصادي او ټولنیزو فعالیتونو بيرته فعالیدل، په دغه هيواد کې د کرونا ويروس د خپريدو پر وړاندې د مبارزې د لومړنۍ مرحلې د پاي په معنی ده.
هغه په عین حال کې خبرداری ورکړ چې په فرانسه کې د کرونا ناروغۍ پر وړاندې مبارزه لا پای ته نه ده رسيدلې او پر دغې ناروغۍ د اخته کيدو د مخنیوي له پاره د ټاکل شوو معیارونو رعایت کول لا هم ادامه لري.
په فرانسه کې د کرونا ويروس د خپريدو د مخنيوي په موخه ټولنيز محدوديتونه، د مارچ مياشتې په نیمايي کې په نظر کې ونيول شول. په فرانسه کې د کرونا ناروغۍ د قربانيانو شمیر ۲۹ زره ښودل شوی دی. په دې حساب، فرانسه تر ايټاليا او هسپانيا وروسته، د اروپا په سطحه د کرونا ناروغۍ تر ټولو ډير قربانیان لري.
توکمپالنې ته اشاره
امانوئل ماکرون د خپلو خبرو په يوه بله برخه کې د توکمپالنې موضوع ته هم اشاره وکړه. د فرانسې ولسمشر وويل چې د دغه هیواد حکومت له توکمپالنې سره په تړاو هر ډول تمايلاتو او همدارنګه به د تبعيض او يهودي ضد افکارو پر وړاندې مبارزه کوي.
د فرانسې ولسمشر زیاته کړه چې هغه د فرانسې له ميدانونو څخه د دغه هیواد استعماري دور پورې د اړوند مجسمو له ټولو سره مخالف دی.
فرانسه کې د توکمپالنې ضد لاريونون انځور: Getty Images/AFP/A. C. Poujoulat
په فرانسه کې ميشت افغان اعتراض کونکي د پاريس ښار په مشهور چوک (ريپبليک) کې راټول شوي ول. دوی ځانونو سره داسې پلاکاټونه هم ليږدول چې د ايران ضد شعارونه پرې ليکل شوي وو.
انځور: Amrullah Safi
افغانان او ايرانيان اوږه په اوږه
په دغه لاريون کې د افغانانو تر څنګ په فرانسه کې میشتو يو شمير ايرانيانو هم ګډون کړی وو.
انځور: Amrullah Safi
يو غږ يو مقصد
ايرانيانو هم افغانانو سره خپله خواخوږي ښودله او د ايران پر حکومت يې غږ وکړ چې د افغانانو حقوقو ته درناوی وکړي.
انځور: Amrullah Safi
د ظلم پر وړاندې غږ اوچتول
په پاريس ښار کې افغان لاريون کونکو په خپله اعلاميه کې وويل که هر کله پر افغانانو ظلم کيږي دوی به يې پر ضد خپل اواز اوچتوي.
انځور: Amrullah Safi
د لاريونونو پايلو ته تمې
صافی وايي، دوی ډاډمن دي چې دغه ډول سوليز لاريونونه به افغانانو، په ځانګړې توګه افغان مهاجرو له پاره ګټور واقع کيږي.
انځور: Amrullah Safi
پر لاريونو ټينګار
د پاریس ښار د جون ۱۳مې لاريون ګډونوالو ويل که د افغانانو پر وړاندې هر هيواد غیرقانوني زورزياتی کوي، که هغه ایران وي، پاکستان يا بل، نو افغانان به يې پر ضد خپل آواز اوچتوي.
انځور: Amrullah Safi
د سفارت مخې ته لاریون
امرالله صافی وايي چې د فرانسې پولیسو ورسره ژمنه کړې چې د غوښتنې په صورت کې به د ایران سفارت مخې ته هم د مظاهرې اجازه ورکړي.
انځور: Amrullah Safi
د ایران ځواب ته انتظار
په فرانسه کې افغان مهاجر وايي اوس دوی د ایران غبرګون ته منتظر دي که چيرته مثبت ځواب ترلاسه نه شو بیا به لاریون کوي.
انځور: Amrullah Safi
کرونايي لارښوونې
د لاريون د سمبالونکي په وينا، که څه هم اوس په فرانسه کې د ماسک تړل اجباري نه دي خو ډير شمير ګډونوالو احتياطاً ماسکونه تړلي ول.
انځور: Amrullah Safi
د ایران ځواب ته انتظار
په فرانسه کې افغان مهاجر وايي اوس دوی د ایران غبرګون ته منتظر دي که چيرته مثبت ځواب ترلاسه نه شو بیا به لاریون کوي. چمتو کونکی: محمد کريم صالح/ ن.ص
انځور: Amrullah Safi
د فرانسويانو ګډون
په همدې ورځ د پاریس په ريپبليک چوک کې له افغانانو علاوه شاوخوا ۲۰ زره فرانسویان هم په نړۍ کې له مهاجرو سره د تاوتريخوالو پر ضد راټول شوي وو.