په لسونو زره کډوال هڅه کوي چې د امريکا متحده آيالاتو او مکسيکو ترمنځ له پولې څخه واوړي. د متحده آيالاتو د کورني امنيت وزيرالېخاندرو مايورکاس وويل هغه څوک چې په غيرقانوني توګه له پولې اوړي، بايد د سختو پايلو انتظار هم ولري. هغه دې ته هم اشاره وکړه چې د ولسمشر بايدن د وروستي فرمان په اساس ډېری غيرقانوني کډوال د دېرشو ورځو په ترڅ کې بېرته اخراجيږي که د پناه غوښتنه يې تر لومړۍ ارزونې وروسته رد شي.
اړونده موضوع:د متحده آيالاتو د کورني امنيت وزيرالېخاندرو مايورکاس
د پنجشنبې او جمعې ورځو ترمنځ شپه کې د ۴۲ په نوم مقرره پای ته رسيږي. د پخواني ولسمشر دونالد ترمپ په دوره کې رامنځ ته شوې دغه مقرره امريکايي ادارو ته د دې اجازه ورکوله چې کډوال ډېر ژر مکسيکو يا نورو هېوادونو ته اخراج کړي بې له دې چې هغوی د پناه غوښتنې فرصت ولري.
د متحده آيالاتو د کورني امنيت وزيرالېخاندرو مايورکاسانځور: Jonathan Ernst/REUTERS اوسمهال د ولسمشر بايدن له خوا نوي مقررات پلي شوي دي چې له مخې يې هغه څوک د پناه اخيستلو حق نه لري چې له نورو هېوادونو تېر شوي وي او هلته يې د پناه عريضه نه وي ورکړې. د پناه حق هغه مهال هم له منځه ځي چې د کډوالۍ او مهاجرت له پاره له غيرقانوني لارو څخه ګټه اخيستل شوې وي. داسې برېښي چې د متحده آيالاتو په سويلي پوله کې راټولو شوو ډېری کسانو پورې ښايي دغه مقرره صدق وکړي.
اړوندوه موضوع:ولې افغانان له برازيل څخه په قاچاقي لارو امريکا او کاناډا ته ځي؟
د مکسيکو په سرحد کې په لسونو زره کډوال د ۴۲ په نوم مقررې د پای ته رسېدو له کبله سره راټول شوي او هيله لري چې له پولې څخه تر اوښتلو وروسته بېرته اخراج نه شي او په متحده آيالاتو کې نوی ژوند پيل کړي. د امريکا پر اړخ هم په لسونو زره غير قانوني کډوال د نيمې شپې راهيسې انتظار باسي څو په متحده آيالاتو کې د پناه غوښتنې عريضه وړاندې کړي. د مکسيکو ولسمشر اندرېس مانوېل لوپېز اوبرادور د پنجشنبې په ورځ وويل چې مکسيکو له متحده آيالاتو سره ګډ کار کوي څو د پولې په اوږدو کې د ګډوډيو او تاوتريخوالي مخه ونيسي.
رويترز/ن.ص./ب ص
زموږ له آرشيف څخه:
کوم هیوادونه په خپله خاوره کې زیږیدونکو ماشومانو ته تابعیت ورکوي؟
ولسمشر ترمپ ویلي وو چې غواړي په امریکا کې زیږیدونکو ماشومانو ته د تابعیت د ورکړې په قانون کې تغیيرات راولي. له امریکا پرته په ټوله نړۍ کې ۲۹ داسې هیوادونه موجود دي چې په خپله خاوره کې زیږیدونکو ماشومانو ته تابعیت ورکوي.
انځور: picture-alliance/NurPhoto/A. Widakپه دې وروستیو کې ولسمشر ترمپ ویلي وو چې غواړي د امریکا په هغه قانون کې تغیيرات راولي چې له مخې یې په امریکا کې زیږیدلو ماشومانو ته تابعیت ورکول کیږي.
کاناډا هم یو له هغو هیوادونو څخه دی چې په خپله خاوره کې زیږیدونکو ماشومانو ته تابعیت ورکوي.
د افغانستان په ګاونډ کې پروت د پاکستان د هېواد لومړي وزیر په دې وروستیو کې ویلي وو چې غواړي هغو شمیر مهاجرینو ته چې په پاکستان کې زیږیدلي وي، د دې هیواد تابعیت ورکړي.
مکسیکو هم په خپله خاروه کې زیږیدونکو ماشومانو ته تابعیت ورکوي.
برازیل هم په خپله خاروه کې زیږیدونکو ماشومانو ته تابعیت ورکوي.
ارجنتاین هم هغو ماشومانو ته اتومات تابعیت ورکوي چې د د دې هیواد په ځمکه کې نړۍ ته راغلي وي.
د کیوبا د تابعیت د قانون له مخې په دې هیواد کې ټول زیږیدلي ماشومان د کیوبا د تابعیت د ترلاسه کولو حق لري.
ونزویلا هم د هغو هیوادونو په ډله کې راځي چې په خپله خاوره کې زیږیدونکو ماشومانو ته تابعیت ورکوي.
چیلي هم په خپله خاوره کې نویو زیږیدونکو ماشومانو ته تابعیت ورکوي.
د اتلانتیک او کربین سمندرونو په منځ کې پروت انتیګوا او باربودا هم په خپله خاوره کې زیږیدونکو ماشومانو ته تابعیت ورکوي.
باربادوس هیواد چې ښکلي ساحلونه لري، په خپله خاوره کې زیږیدونکو د بهرنیو اتباعو ماشومانو ته په اتومات ډول تابعیت ورکوي.
د مرکزي امریکا په شرقي څنډه کې پروت بلیز هیواد هم په خپله خاوره کې زیږیدونکو ماشومانو ته تابعیت ورکوي.
چاد افریقايي هیواد هم هغو ماشومانو ته تابعیت ورکوي چې د دې هیواد په ځمکه کې زیږیدلي وي.
په لاتینه امریکا کې پروت اکوادور هم هغو ماشومانو ته تابعیت ورکوي چې د دې هیواد په ځمکه کې زیږیدلي وي.
د دومینکا په نامه د سمندر په منځ کې پروت دغه هیواد هم په خپله خاوره کې زیږیدونکو ماشومانو ته تابعیت ورکوي.
د فیجي په نامه دغه کوچنی هیواد هم په خپله خاوره کې زیږیدونکو ماشومانو ته تابعیت ورکوي.
د مکسیکو په جنوب کې او په مرکزي امریکا کې پروت ګواتیمالا هم په خپله خاوره کې زیږیدونکو ماشومانو ته تابعیت ورکوي.
د مرکزي امریکا بل هیواد هندوراس هم په خپله خاوره کې زیږیدونکو ماشومانو ته تابعیت ورکوي.
پیرو هم په خپله خاوره کې زیږیدونکو ماشومانو ته تابعیت ورکوي.
جمایکا هم په خپله خاوره کې زیږیدونکو ماشومانو ته تابعیت ورکوي.
په کربین سمندر کې موقعیت لرونکي ګرینادا هیواد هم په خپله خاوره کې زیږیدونکو ماشومانو ته تابعیت ورکوي.
پاناما چې جنوبي او مرکزي امریکا سره وصل کوي، په خپله خاوره کې زیږیدونکو ماشومانو ته تابعیت ورکوي.
په جنوبي امریکا کې پروت یوروګوای هیواد هم په خپله خاوره کې زیږیدونکو ماشومانو ته تابعیت ورکوي.
د برازیل، بولیویا او ارجنتیانا په منځ کې پروت پاراګوای هیواد هم په خپله خاوره کې زیږیدونکو ماشومانو ته تابعیت ورکوي.
په جنوبي افریقا کې په وچه کې راګیر د لیسوتو په نامه کوچنی هیواد هم په خپله خاوره کې زیږیدونکو ماشومانو ته تابعیت ورکوي.
په مرکزي امریکا کې پروت السلوادر هم په خپله خاوره کې زیږیدونکو ماشومانو ته د قانون له مخې تابعیت ورکوي.
د سانت لوشیا په نامه په سمندر کې موقعیت لرونکی دغه هیواد هم د قانون له مخې په خپله خاوره کې زیږیدونکو ماشومانو ته تابعیت ورکوي.
د کربین سمندر او انتلانتیک سمندر په منځ کې پراته دغه دواړه هیوادونه هم هغو ماشومانو ته چې په دې هیوادونو کې زیږیدلي وي، تابعیت ورکوي.
په کربین سمندر کې پروت د اور شیندونکو غرونو لرونکی سانت وینسینت هم په خپله خاوره کې زیږیدونکو ماشومانو ته تابعیت ورکوي.
