د امريکا متحده ايالاتو د پاريس د نړيوال اقليمي تړون څخه د وتلو اعلان وکړ. په دې تړاو اړونده ليک و ملګرو ملتونو ته لېږدول سوی دی.
انځور: picture-alliance/AP Photo/B. Camp
اعلان
خبره اوس رسمي سوه: د امریکا متحده ايالاتو د چاپيريال ساتنې له هغه تړون څخه د وتلو اعلان وکړ چي د فرانسې په پلازمېنه پاريس کي رامنځ ته سوی ؤ. ايالاتو ويلي چي که شرايط بهتره وي نو بيا به دې ته هم چمتو وي چي بېرته د دغه تړون غړيتوب واخلي.
د امريکا متحده ايالاتو د جمعې په ماښام (د ۲۰۱۷ کال د اګست ۵مه نېټه) په ملګرو ملتونو کي خپله اړونده عريضه يا اعلاميه وړاندي کړې ده. په دغه ليک کي ويل سوي چي دغه هيواد د پاريس له تړون څخه وځي. د امريکا د متحده ايالاتو د بهرنيو چارو وزارت په دې تړاو معلومات ورکړي او ويلي يې دي چي عريضه و ملګرو ملتونو ته رسېدلې ده.
«متوازنې تګلارې»
د متحده ايالاتو ولسمشر دونلد ترمپ د ۲۰۱۷ د جون مياشتي په پېل کي لا ويلي ول چي له دغه تړون څخه به ووځي. هغه وخت پر ترمپ په نړيواله توګه سختي نيوکي سوي وې. خو ترمپ د دغه اقدام په استدلال کي ويلي ول چي ورته د امريکا د متحده ايالاتو لېوالتياوي لومړيتوب لري.
د ايالاتو د بهرنيو چارو د وزارت کومه اعلاميه چي د جمعې په ماښام خپره سوې، پکښي راغلي چي ترمپ په دې تړاو نوو خبرو اترو ته چمتو دی. په دغه اعلاميه کي راغلي چي ترمپ هغه وخت بېرته دغه تړون ته د ورګرځېدو امکان ويني چي د شرايط يې د ايالاتو د «اقتصاد، کارګرو، ولس او ماليه ورکونکو» له پاره بهتره وي. په اعلاميه کي زياته سوې چي ايالتونه د چاپيريال ساتنې په تړاو د داسي «متوازنې تګلارې» پلوي کوي چي د زهرجن ګازونو په اخراج کي د کمښت باعث سي او په عيني حال کي د اقتصاد ودې او د انرژي امنيت ته امکانات برابر کړي.
له دې څخه هم ويره سته چي د امريکا د متحده ايالاتو دغه يو اړخيز ګام له لاسليک کوونکو ۱۹۵ هيوادونو څخه نور هيوادونه هم ورته اقدام ته هڅولولای سي. خو تر اوسه لا نور لاسليک کوونکي هيوادونه پر خپلي ژمني ولاړ دي.
د پاريس د ۲۰۱۵ کال له تړون څخه به د امريکا د متحده ايالاتو د وتنې پروسه درې کاله دوام وکړي. دغه وتنه به د ۲۰۲۰ کال د نوامبر په ۴مه نېټه پلي سي چي دغه ورځ د امريکا په متحده ايالاتو کي د ولسمشرۍ د ټاکنو ورځ هم ده.
پر ورته موضوع یو انځوريز البوم زموږ له آرشيف څخه (20.11.2016):
ايا ۱۰۰۰ کاله وروسته به قيامت وي؟
د استرو فزيک کارپوه پروفيسور سټيفن هاوکينګ ويلي چي په لوی احتمال به انسانان په راتلونکو ۱۰۰۰ کالو کي له منځه ولاړ سي. نوموړي کارپوه د اکسفورډ پوهنتون په يو ليکچر کي د خپل دغه اټکل دلايل وړاندي کړل.
انځور: AP
پروفيسور سټيفن هاوکينګ په استرو فزيک کي تر ټولو مشهور کارپوه بلل کيږي.
انځور: picture-alliance/EPA/A. Rain
هاوکينګ ويلي چي انسانان به په لوی احتمال په ۱۰۰۰ کالو کي له منځه ولاړ سي.
انځور: ESO/L. Calçada/M. Kornmesser
په نړۍ کي د اټومي وسلو شتون د انسانانو له پاره يو د لويو ګواښونو څخه دی.
انځور: picture-alliance/dpa
په نړۍ کي په زرهاؤ اټومي وسلې سته.
انځور: Gemeinfrei
د اټومي بم چاودنه دومره تباهي رامنځ ته کوي، چي استعمال يې حتی ټول انسانان له منځه وړلای سي.
