افغانستان که څه هم په نړیوال جام کې خپلې نهه واړه لوبې وبایللې، خو افغان توپ اچوونکی مجیب الرحمن چې له دې ډلې یې اووه لوبې وکړي، وتوانید چې اووه ویکټې واخلي او ډیرې منډې هم ور نه کړي.
دوه نور ورو افغان توپ اچوونکي راشد خان او محمد نبې بیا په ترتیب سره په اتم او اتلسمو مقامونو راغلي دي. د یو ورځینو لوبو په توپ اچوونکو کې بیا د هندوستان جسپریت بمرا، په لومړي مقام کې دی.
زموږ له ارشیف څخه:
کریکټ نړیوال جام: افغانستان په کومو لوبغالو کې لوبې کوې؟
د کریکټ نړیوال جام پیل ته یوه ورځ پاته ده. لومړۍ لوبه د کوربه هیواد بریتانيا او سویلي افریقا تر منځ ده. د افغانستان لومړۍ لوبه د جون مياشتي پر۱ نېټه له آسترالیا سره ده. د هغو لوبغالو انځورونه چې افغانستان پکې لوبې کوي. انځور: Reuters/D. Liyanawatte افغانستان – آسترالیا، برسټل کاونټي ګراونډ په سږني نړیوال جام کې به افغانستان خپله لومړۍ لوبه له آسترالیا سره د جون مياشتي پر لومړۍ نیټه وکړي. دغه لوبه په برسټل کاونټي ګراونډ کې ده چې د نیول روډ، په نامه هم یادیږي. په دغه لوبغالې کې لومړنۍ پنځوس اوریزه لوبه په ۱۹۸۳م کال کې وشوه.
انځور: picture-alliance/PA Wire/S. Galloway افغانستان – سریلانکا، سویلي افریقا کارډیف ویلز ستدیوم افغانستان به خپله دوهمه لوبه د جون میاشتې پر ۴مه نیټه له سریلانکا سره ولري. دغه لوبه په کارډیف ویلز لوبغالې کې کیږي چې د ۱۵۲۰۰کسانو د ناستې ځای لري. دغه لوبغالی په ۱۸۵۴م کال کې جوړ شوی ده. افغانستان خپله څلورمه لوبه د جون مياشتي پر پنځلسمه نیټه په همدې لوبغالي کې له سویلي افریقا سره لري.
انځور: picture-alliance/PA Wire/J. Giddens افغانستان – نوی زیلنډ، کاونټي ګراونډ ټانټن د جون میاشتې پر اتمه نیټه افغانستان خپله دریمه لوبه له نوي زیلنډ سره کوي. په دغه لوبغالي کې په ۱۹۸۳م کال کې د بریتانيا لوبغاړي ډیویډ ګوور، د سریلانکا سره په لوبه کې سلیزه وهلې وه.
انځور: picture-alliance/PA Wire/S. Galloway افغانستان بریتانیا، اولډ ټرافورد مانچستر افغانستان به خپله پنځمه لوبه د کوربه هیواد بریتانيا سره د جون مياشتي پر ۱۸نېټه په مانچستر کې تر سره کړي. دغه لوبغالی په ۱۸۵۷م کال کې د مانچستر کریکټ کلب، د کورني ستدیوم په توګه پرانیستل شو. دغه لوبغالی د بریتانيا دوهم پخوانی لوبغالی شمیرل کیږي. په دغه لوبغالي کې د جون میاشتي پر ۱۶مه نیټه د هند او پاکستان لوبه هم ده.
انځور: picture-alliance/PA Wire/S. Cooper افغانستان - هند او بنگله دیش، همپشایر ستدیوم په ټوله کې د ۲۰۱۹م کال د نړیوال جام په ترڅ کې په دغه لوبغالي کې پنځه لوبي کیږي. افغانستان په همپشایر لوبغالي کې د جون میاشتې پر ۲۲ نیټه له هند سره او پر ۲۴ يې له بنګله دیش سره خپل بخت ازمویي. د ۲۰۱۸م کال په آسیا جام سیالیو کې هند له بنګله دیش څخه یوه لوبه ګټلې وه او له هند سره یې لوبه مساوي شوې وه.
انځور: picture-alliance/PA Wire/M. Kerton افغانستان - پاکستان او ویسټ انډیز، هیډنګلی لیډز هیډنګلي لوبغالی په لیډز ښار کې دی او شاوخوا د ۱۷۵۰۰ کسانو ظرفیت لري. افغانستان په دغه لوبغالي کې دوې مهمي لوبې لري چې د جون مياشتي پر ۲۹مه له پاکستان سره د او د جولای مياشتي پر څلورمه نیټه بيا له ویسټ انډیز سره ده. د سږني نړیوال جام په تمریناتي سیالیو کې افغانستان خپلي سیالې لوبډلې پاکستان ته ماته ورکړه. خو په تمریناتي لوبو کې بیا ویسټ انډیز، د نیوي زیلنډ پر وړاندي ۴۲۱ منډې وکړې.
انځور: picture-alliance/PA Wire/R. McCarthy
