خو دغه سړي د فرانکفورت په سیمه اییزې عالي محکمه کی شکایت کړی وو او یو ځل بیا یې غوښتل چې دغه نکاح په اصل کې بې اعتباره یا باطله وبلل سي. تیره ورځ سیمه اییزې عالي محکمې پریکړه وکړه چې د طلاق حکم سم دی، خو هغه غوښتنه یې رد کړه چې ګواکې دغه نکاح له اوله سره بې اعتباره وه.
د فرانکفورت سیمه اییزی عالي محکمې ویلی چی په افغانستان کې تړل شوې په اصطلاح غیابي نکاح، په دې شرط چی شواهد موجود وي، چی هغه د زوجینو د غوښتنې په خلاف نه ده ترسره سوې، په آلمان کې هم د اعتبار وړ ده.
په آلمان کې د طلاق برخلاف د يوه عقد او يا هم د تړل سوې نکاح د بې اعتباره کیدو اعلانول، ډیر لګښت او اوږدو قضایی پروسو ته اړتیا لري. خو د نکاح ابطال ډیر لږ او تر ځانګړو شراطو لاندي ترسره کیږي.
محکمې ویلی چې په دې کې کوم شک نسته چې دغه ښځه د نکاح پر وخت قانوني سن ته رسیدلې وه او د هغې د سن په هکله یې څرګندونې د منلو وړ نه دي.
محکمې ویلي چې ددغې نکاح د باطل کیدو له پاره د افغانستان د قوانینو له مخې هم کوم دلیل موجود نه دی د مثال په ډول د شرایطو نه پوره کول.
واده په کوم عمر په کوم هيواد کي؟ انځوريز البوم
د نړۍ په بیلا بيلو هيوادونو کي د واده کولو له پاره مقررات توپير کوي. په هند کي بايد د زوم عمر حد اقل ۲۱ او د ناوي عمر حد اقل ۱۸ وي. د بعضو نورو هيوادونو مقررات دلته وپېژنئ:
انځور: picture-alliance/dpa/epa/D. Solanki
چين
د چين د قانون له مخي د واده له پاره د زوم عمر بايد حد اقل ۲۲ او د ناوي عمر بايد حد اقل ۲۰ کاله وي.
انځور: picture alliance/dpa
پاکستان
د پاکستان د قانون له مخي د واده له پاره د زوم عمر بايد حد اقل ۲۲ او د ناوي عمر بايد حد اقل ۱۶ کاله وي. خو د هغه باوجوده په دغه هيواد کي د ماشومانو ودونه زيات دي.
انځور: Narinder Nanu/AFP/Getty Images
بنګله دېش
د بنګله دېش د قانون له مخي د واده له پاره د زوم عمر بايد حد اقل ۲۱ او د ناوي عمر بايد حد اقل ۱۸ کاله وي. خو د هغه باوجوده په دغه هيواد کي هم د ماشومانو ودونه زيات دي.
انځور: bdnews24.com
افغانستان
د افغانستان د قانون له مخي د واده له پاره د زوم عمر بايد حد اقل ۱۸ او د ناوي عمر بايد حد اقل ۱۶ کاله وي. خو په دغه هيواد کي د ولور له کبله زيات کسان په ډېر عمر واده کوي او يا له سره بې واده پاته کيږي.
انځور: picture-alliance/AP Photo
بهوټان
د هند د ګاونډي هيواد بهوټان د قانون له مخي د زوم او ناوي له پاره د واده پر وخت حد اقل ۱۸ کاله عمر لرل حتمي دي.
انځور: dapd
ميانمار
د بنګله دېش د قانون له مخي د واده له پاره د زوم او ناوي عمرونه بايد حد اقل ۱۸ کاله وي. خو د هغه باوجوده په دغه هيواد کي هم د ماشومانو ودونه زيات دي.
انځور: Reuters/Soe Zeya Tun
اندونيزيا
د اندونيزيا د قانون له مخي د واده له پاره د زوم عمر بايد حد اقل ۱۹ کاله او د ناوي عمر بايد حد اقل ۱۶ کاله وي. خو په دغه هيواد کي د کمسنه انجونو د ودونو ستونزه زياته ده.
انځور: picture-alliance/AA/M. Hendratmo
ملايزيا
د اندونيزيا د قانون له مخي د واده له پاره د زوم عمر بايد حد اقل ۱۸ کاله او د ناوي عمر بايد حد اقل ۱۶ کاله وي. خو د شرعي محکمې په اجازه انجوني په کم عمر هم واده کولای سي.
انځور: REUTERS/Ahim Rani
شمالي کوريا
د منزوي هيواد شمالي کوريا د قانون له مخي د واده له پاره د زوم عمر بايد حد اقل ۱۸ کاله او د ناوي عمر بايد حد اقل ۱۷ کاله وي.
انځور: Reuters/KCNA
ايران
په ايران کي د نکاح تړلو پر وخت د انجنو عمر بايد حد اقل ۱۳ کاله وي. خو که محکمه او د انجلۍ پلار اجازه ورکړي، نو حتی په ۹ کالو هم انجوني واده کيدلای سي.
انځور: FARS
عراق
په عراق کي د نکاح تړلو پر وخت د ناوي و زوم عمرونه بايد حد اقل ۱۸ کاله وي. خو که د پلرونو اجازه وي نو په ۱۵ کلنۍ هم د واده اجازه سته.
انځور: Getty Images/AFP/A. Al-Rubaye
اسرائيل
د اسرائيل د قانون له مخي د واده پر وخت د هلک او انجلۍ عمر بايد حداقل ۱۸ کاله وي. خو د بعضو شرايطو د شتون پر وخت تر مخه هم واده کول ممکن دي.
انځور: AP
جاپان
د جاپان د قانون له مخي د واده له پاره د زوم عمر بايد حد اقل ۱۸ کاله او د ناوي عمر بايد حد اقل ۱۶ کاله وي.
انځور: AP
آسټراليا
د آسټراليا د قانون له مخي د واده له پاره د زوم او ناوي عمرونه بايد حد اقل ۱۸ کاله وي.
انځور: Getty Images/AFP/P. Hamilton
اُتريش
د اروپايي هيواد اُتريش د قانون له مخي د واده له پاره د زوم او ناوي عمرونه بايد حد اقل ۱۸ کاله وي.
انځور: Getty Images/C. Koall
بوليويا
د بوليويا د قانون له مخي د واده له پاره د زوم عمر بايد حد اقل ۱۶ کاله او د ناوي عمر بايد حد اقل ۱۴ کاله وي.
انځور: picture-alliance/Demotix/N. Fernandez
برازيل
د برازيل د قانون له مخي د واده له پاره د زوم او ناوي عمرونه بايد حد اقل ۱۸ کاله وي. خو د يونيسېف سازمان ارقام ښيي چي په دغه هيواد کي ګڼ شمېر ودونه په کمسن تر سره کيږي.
انځور: Getty Images
کاناډا
د شمالي امريکا د هيواد کاناډا د قانون له مخي د واده له پاره د زوم او ناوي عمرونه بايد حد اقل ۱۶ کاله وي.
انځور: picture-alliance/AP
کيوبا
و متحده ايالاتو ته نژدې په پروت سوسيالستي هيواد کيوبا کي د واده له پاره بايد د زوم او ناوي دواړو عمر حد اقل بايد ۱۸ کاله وي.
انځور: picture-alliance/dpa/A. Ernesto
فرانسه
د اروپايي اتحاديې په غړي هيواد فرانسه کي د واده له پاره بايد ناوې او زوم دواړه بايد حد اقل ۱۸ کاله وي. خو په دغه هيواد کي د ميشتو آسيايانو او افريقايانو تر منځ په کم سن هم ودونه کيږي.
انځور: Reuters/E. Laurent
جرمني
د اروپايي اتحاديې په غړي هيواد جرمني کي د واده له پاره بايد ناوې او زوم دواړه بايد حد اقل ۱۸ کاله وي. خو په دغه هيواد کي د ميشتو آسيايانو او افريقايانو تر منځ په کم سن هم ودونه کيږي.
انځور: picture-alliance/ZUMA Wire/O. Messinger
يونان
د اروپايي اتحاديې په غړي هيواد يونان کي د واده له پاره بايد ناوې او زوم دواړه بايد حد اقل ۱۸ کاله وي. خو په دغه هيواد کي د ميشتو روما قوم تر منځ په کم سن ودونه لويه ستونزه ده.
