د ليبيا او روم تر منځ په سمندرګي کې د یوې بلې مرګونې اوونۍ په تيريدو سره، د روان کال له پيل راهیسې په دغو اوبو کې د مړو شويو مهاجرو شمير تر ۴۲۲۰ تنو پورې ورسيد.
د مهاجرت نړيوالې ادارې پر حواله، په روان کال کې په سمندر کې د مړو شویو مهاجرو ريکارډ، آن د ۲۰۱۴ او ۲۰۱۵ مرګونو کلونو په پرتله هم لوړ دی.
په ايټاليا کې د بې پولې ډاکترانو د ادارې مشر توماسو فابري، په دې اړه اروپايي اتحاديه په بې پروايۍ تورونوي. هغه وايي:«اروپايي اتحاديه د دغه نوي او له شرمه ډک ريګار پر وړاندې هيڅ داسې کوښښ نشي کولای چې ګواکې کومه غلطي به نه وي ترسره شوي او په دغې سانحه کې ځان د جرم له شراکت څخه نشي خلاصولی.»
فابري په خپلو خبرو کې زياته کړه: «په کار ده چې دغو ناهيلو انسانانو ته اروپا د رسيدلو په موخه، په عاجله توګه یوه خوندي لاره برابره کړل شي، ترڅو د لا زياتو مرګونو د رامنځ ته کيدو مخنیوی شوی وي.»
پرون د «ايم. ايف. ایس» په نوم د بې پولې داکترانو یوې بيړې د ۱۱۹ تنو ښځو او ماشومانو په ګډون، ۸۶۷ تنه مهاجر سمندر کې له ډوبيدو څخه وژغورل. په ژغورل شويو ماشومانو کې ځينې یې یوازې د څو مياشتو عمر درلودونکي ول.
د روان کال په اکتوبر مياشت کې د سمندر له لارې ايټاليا ته د رسيدلو مهاجرو په شميره کې زياتوالی راغلی دی. د مهاجرو د زياتيدو علت، په نژدې راتلونکې کې د ليبيا لخوا په ليبيايي ساحلونو کې د «پلټنې او ژغورنۍ» په نوم پیليدونکي عمليات ښودل شوي دی. ويل کيږي چې د دغه عملياتو له پیل وروسته به ليبيا ايټاليا ته د سمندر له لارې تلونکي مهاجر تر نيول کيدو وروسته بيرته خپلو اړوند، د شمالي افريقا ناامنو هيوادونو ته استوي.
له ليبيا څخه د سمندر له لارې ايټاليا ته د مهاجرو د سفرونو لړۍ په روانه مياشت کې هم ادامه لري.
د ايټاليا د ساحلي ځواکونو پر وينا، پرون « جمعه نوامبر ۴ مه» هم په سمندر کې د ژغورنۍ لس ماموريتونه ترسره شول چې په ترڅ کې يې ۱۲۰۰ تنه مهاجر په اوبو کې له ډبيدو څخه وژغورل شول.
سیند کې د ډوب شویو مهاجرو په یاد د یو ایراني هنرمند نوښت
د یوه ایراني هنرمند په نوښت، په سمندر کې د ډوب شویو مهاجرو په یادښت، ۲ زره کاغذي کشتۍ د ترکيې په سواحلو کې په سیمبولیکه توکه خوشې کړل شوې. دغو سواحلو کې ګن شمیر مهاجرو خپل ژوند له لاسه ورکړی دی.
انځور: picture-alliance/dpa/E. Menguarslanد «آنادولو» خبري آژانس په حواله، د ایراني هنرمند ایرج صابري وند په نوښت د هغو مهاجرو په یاد چې سمندر کې ډوب شوي ول، د ترکیې په ازمیر سواحلو کې ۲ زره کاغذي کیشتۍ په سیمبولیکه توګه خوشې کړل شوې.
په ورستیو کلونو کې د ترکیې په سواحلو کې د کشتیو د اوښتو له وجې ډیر شمیر مهاجر په اوبو کې مړه شول.
اکثره مهاجر کوښښ کوي د ترکیې له لارې ځانونه اروپا ته ورسوي.
د ډوب شویو مهاجرو په یاد، په سمندر د کاغذي کشتیو د خوشې کولو یوه صحنه.
د ترکیې په ازمیر سواحلو او آژه سمندرګی کې د زیات شمیر مهاجرو د ډوبیدو له امله، اوس دغه ځایونه د مهاجرو د هدیرې په نوم شهرت موندلی دی.
کوم مهاجر چې د مدیترانې سمندرګې له لارې اروپا ته ځي، اکثره یې د لویدیځي افریقا څخه دي.
د مدیترانې سمندرګې له لارې د تیریدو پر وخت نه یوازې مهاجر، بلکه په زرونو بیځایه شوي او جنګ ځپلې خلک هم ډوب شوي دي.
د جون په مياشت کي ۱۲۸۶ نفر له ډوبېدو ژغورل سوي دي. په دغو کي ۹۹۰ نفر نارينه، ۲۲۰ نفر ښځينه او ۷۶ نفر ماشومان دي.
سمندر کې د ډوب شویو مهاجرو په یاد، د کشتیو د خوشې کولو یوه بله صحنه.
تر څنګ د دې چې ترکیه، یونان پر لور د مهاجرو له تلو ځهه مخنیوي کوي، خو مهاجر هڅې کوي چې له ترکیې څخه د قایقونو له لارې د اروپایي اتحادیې غړو هیوادونو سرحدونو ته ځانونه ورسوي.
د مهاجرو په برخه کې د ملګرو ملتونو عالي کمیشنرۍ په ورستیو میاشتو کې اعلان وکړ چې د لمړي ځل لپاره د نړۍ په کچه د مهاجرو شمیر له ۶۵ میلونو څخه اوښتی دی.
د ډوب شویو مهاجرو په یادښت، په سمندر کې د ۲ زره کاغذي کشتیو د خوشې کولو یو بله جلا صحنه.
ترکیې د مهاجرت په کړکیچ کې تر ټولو زیات شمیر مهاجر منلي دي.
له ترکیې څخه هره ورځ، د مهاجرو لسونه وړۍ کشتۍ د یونان ټاپوګانو ته رسیږي. په دغو کشتیو کې اکثره د افغانستان، عراق او سوریې هیوادونو تښتیدلي اتباع وي.
دا هم د ترکیې په سواحلو کې د مهاجرو ځینې پیدا شوي شیان.
