تروريزم
م.م: په افغانستان کې ملکي تلفات نور هم ډير سوي
۱۳۹۸ مهر ۵, جمعه
اعلان
د افغانستان له پاره د ملگرو ملتونو ځانگړي استازي تاداميچي ياماموتو د پنجشنبې په ورځ ويلي دي چې په افغانستان کې ملکيان بايد وساتل سي.
هغه په وروستيو ۷ ورځو کي د ملکي وگړو پرضد د زور زياتي په برخه کې د طالبانو هغه دوه يرغله د بېلگې په توگه ياد کړي دي چې په زابل او پروان کې پکښې ۵۵ ملکيان ووژل سول.
په عین حال کې د امريکا متحده ايالاتو په بمباريو کې هم ډېر ملکيان وژل سوي دي. د ملگرو ملتونو د معلوماتو له مخي په ننگرهار کي ۱۶ او په هلمند کي ۲۰ ملکيان وژل يا ټپيان سوي دي چې ښځې او ماشومان هم پکښې شمال ول.
د امريکا متحده ايالاتو او طالبانو ترمنځ د خبرو اترو تر بندښت وروسته کارپوهانو د زورزياتي د پیښو د ډيرېدو خبرداری ورکړی وو.
طالبانو د پنجشنبې په ورځ بيا ويلي دي چې د شنبې ورځې ته پلان سوي د ولسمشرۍ ټاکنې به په ټول توان سره گډې وډې کړي.