په یوې نوې ژبې خبرې کول ستونزمن کار دی ځکه یو کس باید هغه څه چې تازه زده کړي وکاروي. له دې کبله که داسې څوک چې له تاسو سره په آلماني ژبه خبرې وکړي نه وي، نو تاسو باید به خپله ډیر تمرین وکړئ.

پر وړوکو کاغذونو باندې د هر هغه څه نومونه ولیکئ چې تاسو ترې هر ورځ کار اخلئ. دغه نومونه بیا پر دغو توکو باندې وچسپوئ. دا د ورځې په جریان کې د نویو کلمو د یادولو ښه لار ده. د دغو نومو جمع حالت په آلماني ژبه کې له هغوی سره کاریدونکي ارتیکل هم ولیکئ.

د ماشومانو له باره لیکل شوي کتابونه په ساده ژبې وي او ورسره انځورونه هم موجود وي. له همدې کبله دا کتابونه له هغو کسانو سره مرسته کوي چې غواړي تازه آلماني ژبه زده کړي. د ماشومانو له پاره ځیني کتابونه آن په دوو ژبو لیکل شوي وي.

په آلماني ژبه کې د هغو لغتونو زده کول چې هر ورځ پکاریږي ډیر مهم دي. هڅه وکړئ چې خپل د خریداري لیست او نور یادښتونه په آلماني ژبه ولیکئ. دا کار ښايي یو څه ډیر وخت ونیسي، خو د ژبې له زده کولو سره ډیره مرسته کوي.

کله جې بازار ته ځئ هڅه وکړئ چې خپل آلماني لغتونه وکاروئ.

تر ټولو مهمه خبره دا ده چې خلک ستاسو په خبرو پوه شي. دا په دې معنی نه ده چې ستاسو هره جمله دې په بشپړه توګه سمه وي. که تاسو په یوې جملې ګرامری غلطي وکړئ دا کومه لویه ستونزه نه ده.

کله چې تاسو تازه آلماني ژبه زده کوي ښايي دا ستونزمن کار وي چې تاسو په آلماني ژبه د راډیو په پروګرامونو پوه شئ. خو که تاسو ډیره راډیو واورئ، نو تاسو له آلماني ژبې سره لا ډیر اشنا کیدای شئ.

تاسو کولای شئ داسي آلمانیان وموندي چې غواړي تاسو ته آلماني ژبه زده کړي او له تاسو خپله ژبه یاده کړي. له دې کار سره تاسو کولای شي له دغه کس سره مرسته وکړئ او په بدل کې مرسته ترلاسه کړئ.

د دې له پاره چې تاسو د خوراکي توکو نومونه زده کړئ، د پخولو پر مهال د هغوی نومونه هم زده کړئ.

هغه کتاب چې ستاسو خوښ وي په آلماني ژبه وموندئ او بیا یې ولولئ. دا چې دغه کتاب تاسو پخوا په یوې بلې ژبې لوستئ دی نو له تاسو سره مرسته کوي چې په آلماني ژبه هم له هغه څخه خوند واخلئ او نوي لغات زده کړئ.

مویزیک د یوې ژبې د زده کولو ډیره ښه لار ده. تاسو له دې سره هم سندرې اوریدای شئ او هم کولای شئ چې نوي لغات او جملې زده کړئ.

دا د آلماني ژبې د زده کړې او تفریح د سره یوځای کولو یوه ښه لار ده. په آلماني ژبه ډیر ښه فلمونه او تلویزیوني پروګرامونه شته چې تاسو آن کولای شئ هغه له انګلیسي لیکلي متن سره ووینئ.

د یوې نوې ژبې زدکړه په آلمان کې د مهاجرو له پاره یوه لویه ستونزه ده. لږ تر لږه په پیل کې مهاجر مرستې ته اړتیا لري. خو د نن ورځې ښه خبر دا دی چې هغوی کولی شي خپل کتابونو او کتابچې او حتې خپل استادان شا ته پریږدي، ځکه نن دوې ښار ته ځي او په عملي توګه ژبه زده کوي .

د اې سي بي لنګوا (ACB Lingua) په نامه د آلماني ژبې د زدکړې کورس د ادغام نوی صنف د هغو کسانو له پاره ده چې په وروستیو کې آلمان ته رسیدلي دي. د دې کورس نوي شاکردان د «خزانې لټون» لوبه کوي او په بن ښار کې له بیګانه کسانو سره آلماني غږيږي. د لوبې لومړۍ وظیفه: بازار ته لاړ شئ، یوه پټۍ پیدا کړئ او هټیوال څخه پوښتنه وکړئ چې څه ډول میوې خرڅوي؟

ایا تاسو پوهیږئ چې په آلماني کې اناناس ته څه وايي؟ سربیره پره دې چې د اناناس نوم په ډیرو ژبه کې یو شان دی خو بیا هم د هغو کسانو له پاره چې په عربي ژبه خبرې کوي یو ستونزمن کار دی. خو دې سره سره هغوی په دې لوبه کې د اناناس په څیر ډیر نور لغات هم زده کړل.

له زده کوونکو څخه غوښتل شوي وه چې د لوبې پر مهال په عربي او یا کومه بله ژبه خبري و نه کړي او یوازې په آلماني وغږیږي. خو کله چې به هغوی یو داسې کس ولید چې په عربي هم خبرې کولی شي نو بیا به ورته په آلماني خبرې کول یو ستونزمن کار وه.

لودویګ فون بیتوفن بدون د شکه د بن ښار له یوه مشهوره کسانو څخه وه. ښار ته نږدي په کوم کور کې چې بیتوفن زیږیدلی وه اوس ترې د یو کوچنیۍ کتابتون په توګه ګټه پورته کیږي. د «خزانې لټون» لوبې لوبغاړي رضوان اجواز او د هغه زوی علي چې د سوریي څخه دي د دې سوال د ځواب د پیدا کولو هڅه کوي. هغه وايي بیتوفن په ۱۷۷۰م کال کښي زیږدلی وه.

هغو کسانو ته اضافي امتیازات ورکول کیږي چې تر ټولو دمخه لوبه ختمه کړي. خو بیا هم د لوبې شا و خوا دوه ساعتونو کې زده کوونکي داسې ځایونه ته تللي دي چې ښایي هغو ځایونو ته بیا هم لاړ شي. لکه په یوې پوښتنه کې ویل شوي وه چې د بهرنیو چارو د دفتر کاري وخت پیدا کړئ.

په لوبه کې زده کوونکو ته ویل شوي وه چې د بسونو تمځاې ته لاړ شي او د ۶۰۸ شمیرې بس اخري تمځاې په نښه کړي. همدا راز هغوی څخه غوښتل شوي وه چې د ۶۰۸ شمیرې بس د راتګ وخت هم په نښه کړي.

د زده کوونکو بله وظیفه دا وه چې د بن ښار کتابتون ته ولاړ شي او د عربي، فارسي او انګلیسي ژبو کتابونه پیدا کړي. همداراز په کتابتون کې د غړیتوب په اړه هم باید معلومات وکړي. په داسې حال کې چې زده کوونکو هڅه کوله چې لوبه پاې ته ورسوي د کورس استادانو په خپلو مبایلونو کې د تیرې لوبې انځورونه کتل.

اې سې بې لنګوا کورس هغو کسانو ته تحفې ورکوي چې په لوبه کې اول، دویم او دریم شوي دي خو دې لوبې ټولو زده کوونکو ته د نویو لغتونو او کلمو د زده کولو او خلکو سره په آلماني ژبه د خبرو کولو زمینه برابره کړه.