د اسيا او افريقا په سونو مهاجرو له يونان سره د مکدونيا تر سرحد ورواوښتل. دوی پر سرحدي پوليسو ډبري واورولې او په سرحد کي د اغزن سيم يوه برخه ئې شلولې او تر سرحد تېر سوي دي.
انځور: Reuters/S. Nenov
اعلان
له مکدونيا سره د يونان په سرحد کي د پنجشنبې په ورځ په سوونو مهاجرو پر پوليسو ډبري واورولې او پر سرحد باندي د اغزن سیم يوه برخه ئې وشلوله.
د دوی يو شمېر په دې بريالي سول چي له پوليسو سره تر زورزیاتي وروسته د مکدونيا خاوري ته واوړي. دوی له پوليسو سره په لاس اچونه کي د «موږ غواړو آلمان ته ولاړ سو» نارې وهلي.
په دغه سيمه کي د کانگو هيواد يوه مهاجر ويلي دي: «موږ نور دلته پاتېدلای نه سو، تيره شپه موږ تر باران لاندي پراته وو.»
دغو په سونو مهاجرو ته د يونان له خوا هم کومه پاملرنه سوې نه ده. مهاجرو ويلي دي چي که د يونان چارواکي بسونه ورته راولېږي «دوی تيار دي چي بيرته اتن ته وگرځي.»
له یوې اونۍ راهيسي بالکان هيوادونه يوازي د افغانستان، عراق او سوريې مهاجر پريږدي چي تر سرحدونو ئې تير سي. نور ټول د مکدونيا په اند اقتصادي مهاجر (هغه څوک چي د کار له پاره اروپا ته راځي) پيژندل کيږي. سربستان او کروشيا هم دې ته ورته لاره غوره کړې ده.
له مکدونيا سره د يونان په سرحد کي دغو مهاجرو ته په کافي اندازي مرستي هم نه رسیږي. دوی ته يوازي د فعالانو له يوڅه رسيږي. دوی خوراکي مواد، تاوده کالي، شړۍ او د بيدېدو بيسترې نه لري. هوا هم ورځ تر بلي يخيږي.
انځور: Reuters/Y. Behrakis
دوهمه درجه مهاجر
د يونان او مکدونيا په سرحد کي په سوونو مهاجر بند پاته دي. له تيري اونۍ راهيسي دلته نوی قانون پلی کيږي. څوک چي غلط پاسپورت ولي له خپل ځان سره ئې خپله ظلم کړی.
انځور: Reuters/O. Teofilovski
بنگله دېشيان، پاکستانيان، ايرانيان، نيپالان او مراکيشان انسانان نه دي، ولي؟ له دغه روايت سره د يونان-مکدونيا په سرحد کي مهاجرين د اغزي لرونکي سيمانو تر شا ولاړ دي. مکدونيا يوازي افغانان، عراقيان او سورييان پرېږدي.
انځور: Reuters/S. Nenov
يو مهاجر د خپل همسفر شونډي گنډي. د معلوماتو له مخي هغه ايرانی دئ. د بالکانو هيوادونو لکه مکدونيا، سربستان، کروشيا او سلوانيا له پاره ايرانی مهاجر په اصلاح اقتصادي مهاجر دي (چي د کار له پاره اروپا ته ځي) دوی ته له سرحده د تيرېدو اجازه نه ورکول کیږي.
انځور: picture-alliance/dpa/G. Licovski
د اسيايي او افريقايي هيوادونو تر زرو زيات مهاجر له مکدونيا سره د يونان په سرحد کي بند پاته دي. دلته د مهاجرو اسناد او د هغوی څېرې کتل کيږي چي له کوم هيواده راغلي دي بيا ئې په اړه پريکړه کيږي.
له يونان څخه مکدونيا ته د اورگاډي تگ راتگ له څو ورځو راهيسی بند سوی دئ. پر سرحدي سيمي مهاجرو د اورگاډي پټلۍ د اعتراض په توگه بنده کړې ده.
انځور: Reuters/S. Nenov
«موږ په مرميو وولئ، موږ به هيڅکله پر شا ولاړ نه سو» د بنگله دېش يو ځوان په يخه هوا کي بدن لڅ کړی او اعتراض کوي. د ملگرو ملتونو د کډوالو چارو ادارې په مکدونيا باندي نيوکه کړې چي بشري حقونه تر پښو لاندي کوي. هر انسان حق لري چي د پناه غوښتنه وکړي.
انځور: Reuters/Y. Behrakis
له مکدونيا سره د يونان په سرحد کي نژدې ۲۰۰ انسانانو د نه خوړلو اعتصاب کړی دئ. مهاجر نه خواړي په يونان کي پاته سي. دوی غواړي د شمالي اروپا پر لور حرکت وکړي.
انځور: Reuters/Y. Behrakis
په دغه سیمه کي ښځي او کوچنيان په يخه هوا کي تر شنه اسمان لاندي شپې او ورځي تيروي. په دې ورځو کي په ياده سيمي کي بارانونه اوري او د شپې له خوا هوا ډېره سړه وي.
انځور: Reuters/S. Nenov
له مکدونيا سره د يونان په سرحد کي دغه مهاجر له آلمان څخه د مرستي غوښتنه کوي. د سپتمبر مياشتي په لومړيو کي آلمان پريکړه وکړه چي هغه مهاجر چي د انگري په سرحد کي ناست دي خپل هيواد ته وروغواړي. دغه مهاجر اوس له آلمانه غواړه چي له دوی سره هم ورته چلن وسي.
