د جمعې په ورځ د آلمان د احصايي مرکزي ادارې وویل چې له دې مخکې په ۲۰۰۲م کال کې د آلمان د وګړو شمیر ۸۲.۵ میلیونو کسانو ته رسیدلی وو خو په تیر کال د نفوسو شمیر تر ټولو ډیرې کچې ته ورسید. د دغې ادارې په حواله په آلمان کې د تیر کال په ترڅ کې د نوو زیږیدلو ماشومانو شمیر ۱۵۰ زره او بل لوري ته د مرګ شمیر بیا یو لک او ۹۰ زره وو. د دې ادارې په حواله د زیات شمیر مهاجرینو په راتګ سره په عمومي ډول د نفوس زیاتوالی یوه مثبته خبره ده.
د رویټرز خبري آژانس په حواله له منځني ختیځ، افریقا او نورو سیمو څخه د جنګ او بې وزلۍ له امله ګڼ شمیر مهاجرین آلمان ته راغلي دي. د سیاسي پناه غوښتني نسبتاً لږ سخت قوانین او د ټولنیز ژوند غوره سیستم، دې هیواد ته د مهاجرینو د راتګ له دلیلونو څخه دي.
په داسې حالاتو کې چې د اروپايي ټولنې سیمه د قرضونو د بحران ښکار ده، د یونان او هسپانیا په ګډون د نورو اروپايي هیوادونو څخه هم مهاجرین غواړي آلمان ته ولاړ شي.
د آلمان د احصايي ادارې د وګړو په شمیر کې هغه کسان هم شامل کړي دي چې په دې هیواد کې د مهاجرینو په مرکزونو کې ثبت شوي دي. په آلمان کې سیاسي پناه غوښتونکي لومړی د پناه غوښتونکو په کمپونو کې ساتل کیږي او بیا وروسته ثبت کیږي.
د رويټرز خبري آژانس په حواله د نورو اروپايي هیوادونو په پرتله د آلمان د اقتصادي قوت لړۍ د ۲۰۱۰م کال راهیسې پیل شوې. په داسې حال کې چې ځیني حکومتونه داسې تشویقي پروګرامونه هم عملي کوي ترڅو د زیږیدنې شمیرې یې لوړې شي. تراوسه هم په آلمان کې د نویو زیږدونکو ماشومانو په پرتله د مرګ شمیر کم دی.
آلمان د ۲۰۱۶ او ۲۰۱۷م کلونو په ترڅ کې د مهاجرینو له پاره کابو ۲۸ اعشاریه اوه میلیارده یورو بودیجه ځانګړې کړې، ترڅو وکولای شي د مهاجرینو د استوګنې او د ټولنیز ادغام په هکله کار وشي.
پر ورته موضوع یو انځوريز البوم زموږ له آرشيف څخه (22.01.2017):
لس هيوادونه چي د نفوس زياته برخه يې د مهاجرت شاليد لري
متحده ايالات په ۲۰۱۵ کال په ټوله نړۍ کي د مهاجرت ريښه لرونکو تر ټولو لوی هيواد ؤ. په ۱۰ مقام د هسپانيا زيات اوسېدونکي د مهاجرت ريښې لري. د ۱۰ واړو داسو هيوادونو په تړاو انځوريز رپوټ دلته کتلای شئ:
انځور: Reuters/O. Orsal۵۸۵۲۹۵۳ تنه مهاجر (د هيواد د نفوس ۱۴ سلنه او د ټولې نړۍ د نفوس ۲ اعشاريه ۸ سلنه وګړي).
۶۷۶۳۶۶۳ تنه مهاجر (د هيواد د نفوس ۲۷ اعشاريه ۷ او د ټولې نړۍ د نفوس ۲ اعشاريه ۸ سلنه وګړي).
۷۲۸۴۰۶۹ تنه مهاجر (د هيواد د نفوس ۲۰ اعشاريه ۷ او د ټولې نړۍ د نفوس ۳ اعشاريه ۱ سلنه وګړي).
۷۷۸۴۴۱۸ تنه مهاجر (د هيواد د نفوس ۱۱ اعشاريه ۱ او د ټولې نړۍ د نفوس ۳ اعشاريه ۱ سلنه وکړي).
۶ مقام - عربي متحده امارات
۷۸۲۶۹۸۱ تنه مهاجر (د هيواد د نفوس ۸۳ اعشاريه ۷ او د ټولې نړۍ د نفوس ۳ اعشاريه ۴ سلنه وګړي).
۸۵۴۳۱۲۰ تنه مهاجر (د هيواد د نفوس ۱۱ اعشاريه ۳ او د ټولې نړۍ د نفوس ۳ اعشاريه ۷ سلنه وګړي).
۹۰۶۰۴۳۳ تنه مهاجر (د هيواد د نفوس ۳۱ اعشاريه ۴ او د ټولې نړۍ د نفوس ۳ اعشاريه ۹ سلنه وګړي). آرشيف
۱۱۶۴۳۲۷۶ تنه مهاجر (د ټول هيواد د نفوس ۷ اعشاريه ۷ او د ټولې نړۍ د نفوس ۴ اعشاريه ۸ سلنه وګړي).
۱۲۰۰۵۶۹۰ تنه مهاجر (د هيواد د نفوس ۱۴ اعشاريه ۹ او د ټولې نړۍ د نفوس ۴ اعشاريه ۹ سلنه وګړي).
لمړی مقام - امريکا متحده ايالات
۴۶۶۲۷۱۰۲ تنه مهاجر (د هيواد د نفوس ۱۴ اعشاريه ۳ او د ټولې نړۍ د نفوس ۱۹ اعشاريه ۸ سلنه وګړي).
د نړۍ له پنځو مهاجرو څخه يو یې د امريکا متحده ايالاتو کې ژوند کوي. امريکا کې د دغه لست د لسو مخکښو هيوادونو له منځه د وروستي څلورو هيوادونو د ټولو مهاجرو په پرتله زيات مهاجر میشت دي.
که چيرې په امريکا کې زيږيدلي مهاجر هم حساب شي، په امریکا کې د شته مهاجرو شمير د ۸۰ تر ۸۵ ميليونو پورې رسيږي. انځورنه د آرشیف. سرچينه يو اين.
