د فرانسې ولسمشر ایمانیویل مکرون ویلي دي که چیرې اثبات شي چې د اسد رژیم د ملکیانو پر وړاندې له کیمیاوي وسلو استفاده کوي، نو فرانسه به پر دغه هیواد هوایي برید وکړي.
انځور: Reuters/A. Abdullah
اعلان
فرانسې یو ځل بیا سوریه په هوایي بریدونو ګواښلې ده خو په هغه صورت کې چې داسې شواهد وموندل شي چې دغه هیواد د ملکي وګړو پر وړاندې کیمیاوي وسلې کاروي. مکرون په پاریس کې خبریالانو ته وویل چې پر هغه ځای به بریدونه وشي چې له کوم ځایه دغسې بریدونه کیږي او یا له هغه ځایه تنظیمیږي. هغه ویلي دي: «موږ [په دې اړه] یوه سره کرښه ټاکلې ده او زه پر دې باندې ټینګار کوم.»
خو هغه ویلي دي چې اوسمهال د فرانسې استخبارات د سوریې د ملکي وګړو پر وړاندې د کیمیاوي وسلو څخه د کار اخیستو شواهد په لاس کې نه لري. خو مکرون پر دې خبره ټینګار وکړ چې کله شواهد وموندل شي نو «هغه کار به وکړم چې څه مې ویلي دي.»
د حلب ترڅنګ ۱۸ نور ښارونه او سیمې (لکه ملایا په انځور کې) کلابندې دي. د ملګرو ملتونو په حواله په دغه سیمو کې ۶۰۰زره انسانان په جګړه کې د ښکیلو بیلا بیلو اړخونو له خوا محاصره دي. خو ویل کیږي چې زیاتره سیمې د سوریې حکومتي ځواکونو له خوا کلابندې دي. ځينو سیمو ته د مرستندویه توکو د رسولو له پاره باید له حکومت څخه اجازه واخیستله شي چې دغه غوښتنه زیاتره وخت ردیږي.
انځور: Reuters/O. Sanadiki
د مقاومت ښار
درایا له هغو لومړیو ښارونو څخه یو دی چې په ۲۰۱۱م کال کې د سوریې رژیم پر ضد پکښې پاڅون سر راپورته کړ. د یاغیانو او حکومتي ځواکونو له خوا د دې کلابند ښار وګړي اوږده موده له لوږي وکړیدل. په پای کې یاغیانو وسله کیښودله چې دا یې ستره ماته ګڼل کیږي.
انځور: picture-alliance/ZUMA Press
د سوریې په روغتونونو کې بیړنی حالت
د سوریې په روغتونو کې نور د ناروغانو درملنه ممکنه نه ده. د «بې سرحده ډاکترانو ټولنې» د آلمان د برخې مشر وايي: «درمل او د پانسمان توکي نه شته او حتې کوچني عملیاتونه هم نه شي ترسره کیدلای.»
انځور: Getty Images/AFP/O. H. Kadour
یو ځای هم خوندي نه دی
په تیرو پنځوو میاشتو کې یا خو د حلب د ختیځې کلابندې برخې ټولو اتوو روغتونو ته ضرر رسیدلی او یا هم په بشپړه توګه ویجاړ شوي دي. یو څو ډاکتران خپل ژوند په خطر کې اچوي او د ناروغانو درملنه کوي. یو ډاکتر وايي: «یو ځای هم خوندي نه دی.»
انځور: picture-alliance/AA/E. Leys
ویشل شوی ښار
حلب د یاغیانو او حکومتي ځواکونو ترمنځ ویشل شوی دی. د یاغیانو له خوا په کنترولیدونکي برخه کې وضعیت د انديښنې وړ دی. د سوریې رژيم او روسیې له خوا په کابو هره ورځ ترسره کیدونکو بمباریو کې په زرونه کورونه ویجاړ شوي. یوازې تیره اوونۍ تر ۱۰۰ زیات انسانان ووژل شول.
انځور: Getty Images/AFP/A. Alhalbi
د هر څه کمښت
په حلب کې نه اوبه، نه خوراکي مواد او نه برېښنا شته. د حکومتي ځواکونو تر کنترول په لاندي سیمه کې همم ضعه همدا ډول ده.
انځور: Reuters/A. Ismail
ویجاړي کوڅې
په حلب کې خلک د هوايي بریدونو له ویري کوڅو او سړکونو ته نه راوځي. دلته ورځنی ژوند په ټپه ولاړ دی او نور دا ښار د عادي ژوند تیرولو له پاره نه دی.
انځور: Reuters/A. Ismail
یو ستر زندان
د تازه اوربند له وجې د خلکو ژوند یو څه آسان شوی دی خو هیڅوک نه پوهیږي چې وضعیت به کله بدلون ومومي. د سوریې د کلابندو ښارونو اوسیدونکي ځان په یوه «ستر زندان» کې بندي ګڼي.