په جرمني کي افغان مهاجرو د هغه خبرو اترو پر ضد لاريون وکړ چي په دغه هيواد کي د نه منل سوو افغان مهاجرو په اړه افغان حکومت او د جرمني چارواکي خبري کوي.

په جرمني کي افغان مهاجر وايي چي د پناه غوښتني د نوي قانون له مخي د دغه هیواد د چارواکو له خوا پر دوی باندي فشارونه ډېر سوي او ډېر افغان مهاجر منفي جواب تر لاسه کوي.

په جرمني کي مېشته افغان مهاجر وايي چي د دوی ډېری په دغه هيواد کي بې سرنوشته دي.

د جرمني د کورنيو چارو د وزير په خبره د افغانستان په ځينو سیمو کي امنيت سته چي ځيني افغان مهاجر بيرته ور ولېږل سي. خو پر دغه نظر باندي بيا د جرمني ځينو سياستوالو نيوکي کړي دي.

افغان حکومت پر خپلو ځوانانو ږغ کړی دی چي په خپل هيواد کي پاته سي. د جرمني حکومت هم په دې برخه کي د افغان حکومت د ملاتړ خبره کړې.

د جرمني صدراعظمي په اترش کي ويلي دي چي د افغانانو په گډون هغه مهاجر به بيرته خپلو هيوادونو ته واستول سي چي د پناه غوښتنه ئې رد سوې ده.

که څه هم په جرمني کي ځيني افغان مهاجر شکايت لري چي له دوی سره داسي چلن نه کیږي، لکه د نورو هيوادونو له مهاجرو سره، خو د جرمني چارواکي وايي چي د سوريايي مهاجرو نيمايي به بيرته خپل هيواد ته ولېږل سي.

په جرمني کي تر سوريايي مهاجرو وروسته افغان مهاجر ډېر دي.

په افغان مهاجرو کي د کوچنيانو شمېر ډېر دئ.

اروپا ته د مهاجرت په موخه ډېر افغانان جرمني، سويډن، ډنمارک او ناروې ته رسېدلي دي.

اروپا ته ډېر رارسېدلي افغان مهاجر په جرمني کي ژوند کوي.

له هغه وروسته چي وويل سول چي افغان چارواکي د افغان مهاجرو د بيرته ستنېدو په برخه کي د جرمني له حکومت سره خبري کوي، په جرمني کي د افغان مهاجرو اعتراضونو زور اخيستی.

په جرمني کي افغان مهاجر د مظاهرې پرمهال.

له اروپا څخه تر اوسه پوري ۳۰۰۰ افغان مهاجر پخپله خوښه بيرته هيواد ته ستانه سوي دي.

څه موده مخکي په برلين کي د افغانستان سفارت هغه راپورونه رد کړل چي گويا ۸۰ زره افغان مهاجر به بيرته خپل هيواد ته ولېږل سي.

په جرمني کي افغان مهاجر وايي چي په هيواد کي ئې امنيتي حالت خراب دی او دوی نه سي کولای چي بيرته خپل وطن ته ستانه سي.

د جرمني د کورنيو چارو وزارت وايي چي په روان کال کي به له افغان حکومت سره داسي موافقې ته ورسيږي چي له مخي به ئې رد سوي افغان مهاجر بيرته خپل هيواد ته ولېږي.

د جرمني په دوسلدورف ښار کي د افغان مهاجرو مظاهره.