هند او آلمان غواړي خپل اقتصادي مناسبات لا پراخ کړي؛ په ځانګړې توګه د تکنالوژۍ په برخه کي. میرکل په داسې حال کې د هند په سفر بوخته ده چې د نوي ډهلي هوا تر تعین سوي حد ۱۹ وارې ډیره ککړه ده.
انځور: picture-alliance/dpa/M. Kappeler
اعلان
که څه هم صدراعظمې انګلا ميرکل، باید یو ماسک اغوستی وای، خو هغې له دې کار څخه ډډه وکړه او د لومړي وزیر ناریندرا مودي، سره یې په گډه په عسکري مراسمو کي برخه واخیسته. تر هغه وروسته دواړو مشرانو د هند او آلمان د اړیکو ستاینه وکړه. میرکل وروسته د خپل دغه دوه ورځني سفر پر مهال د دواړو هیوادونو د موجوده مناسباتو څخه یادونه وکړه او هغه یې ډیر ښه وبلل.
میرکل زیاته کړه چي هند او آلمان غواړي په راتلونکې کي د ډیجیتلي کیدو، اقلیم ساتني او نوي کیدونکي انرژۍ په برخه کي تر پخوا لا ډیر کار وکړي. په خبره یې هندوستان د ډیجیتلي کیدو او مصنوعي ځیرکتیا په برخه کي ډیر امکانات لري. خو هغې په عین حال کي وویل چي د دواړو هیوادونو تر منځ کیدای سي اقتصادي مناسبات نور هم تقویه سي.
هند ته د میرکل سره په دغه پنځم حکومتي مشورتي سفر کي د کابینې ډیر وزیران ملگري دي او غواړي د اقتصادي او تجارتي مناسباتو د تقویې تر څنگ د دوامداري ودي او همدارانگه بهرني او امنیتي – سیاسي مسایلو په باب هم سره سلأ مشورې وکړي.
د دواړو حکومتونو نمایندگانو د دغه سفر پر مهال ټول ټال ۲۲ موافقې لاسلیک کړې.
د آلمان د حکومت ویاند شټیفان زایفرت، بیا وویل چي حکومت یې د هند او پاکستان تر منځ ترینګلی حالت او همدارانگه د کشمیر وضعیت په اندیښنې سره تعقیبوي او کوښښ کوي چي دغه تشنج راکم او شخړي ته یې دیپلوماتیک او سیاسي حل پیدا سي.
انځور: AFP/P. Singh
آلمان، هند ته ډیر صادرات لري
په اروپايي ټولنه کي آلمان د هند ډیر مهم تجارتي ملگری دی. هند ته د دغه هیواد په صادراتو کي ماشیانانو، برقي تکنالوژي، اوسپنیز او کیمیاوي مواد، موټر او پرزې یې شاملې دي. هند بیا آلمان ته جامې، برقي تکنالوژي، اوسپنیز مواد، څرمن او خوراکي توکي صادروي. خو هند ته د آلمان صادرات ډیر دي. ځکه نو مودي هیله لري چي د دغه سفر پر مهال به آلمان په هند کي مستقیمه پانګونه وکړي.
له بل اړخه که څه هم تیر عیسوي کال د هند اقتصادي وده تر چین لوړه وه، خو له ۱،۳ میلیارده نفوس سره د دغه هیواد اقتصاد هم تر یوه حده پوری د رکود سره مخامخ دی. د بیلګې په توګه په تیرې سپټمبر میاشت کي د موټرو په خرڅلاو کي ۲۰ فیصده کموالی راغلی دی.
د بالیووډ هغه ستوري چې جرمي دوسیې لري
د هند سینما وتلی ستوری سلمان خان یوازنی ستوری نه دی چې د قانون ماتولو له جرم سره مخامخ دی. په دې انځوريز راپور کې به هغه ستوري وپیژنۍ چې جرمونه یې کړي او یا جرمي دوسیې لري.
انځور: DW
سلمان خان
په ۱۹۹۸م کال کې د سلمان خان پر ضد د ځنګلي حیواناتو د حفاظت قانون ماتولو دوې دوسیې ثبت شوې وې. پر هغه او نورو ملګرو باندي د کم یابه هوسۍ د ښکار کولو تور دی. دغه تور اوس ثابت شوی او سلمان خان په پنځه کلن بند محکوم کړل شو. د دې ترڅنګ، په ۲۰۰۲م کال کې پر سلمان خان باندې د سړک پر غاړې ویده کسانو باندې د نشې په حالت کې د موټر خیږولو تور هم دی.
انځور: picture-alliance/dpa/EPA/H. Tyagi
جتیندر
د روان کال په جنوري میاشت کې د هند سینما پر پخواني ستوري جتیندر د خپلې «کزن» (هغه به يا د ماما یا د کاکا لور) تور ولگاوه چې پر هغې یې جنسي تیری کړی. دغه دوسیه ثبت شوې او پلټنې یې روانې دي.
انځور: imago/Hindustan Times
روینه ټنډن
د ۲۰۱۸م کال په مارچ میاشت کې د هندوستان د یوه عبادت ځای یا مندر چارواکو شکایت ثبت کړی چې روینه ټنډن د اعلان له پاره يو عکس د عبادت ځای په داسې برخه کې اخيستی، چې د قانون له مخې د کامرې لیږدول منع دي.
انځور: AP
نواز الدین صدیقي
د ۲۰۱۸م کال په مارچ میاشت کې د هندي سینما د ستوري نواز الدین صدیقي میرمنې د هغې پر ضد د جاسوسۍ کولو تور پور کړ. د هغه میرمنې پر نوموړي تور پورې کړی چې د هغې د تیلیفون سابقه یې را ویستلې ده.
«کنګ خان» یا شاه رخ خان باندې هم تور دی چې د «رئیس» په نامه د فلم ثبتولو پرمهال یې د اورګاډو د یوه تم ځای املاکو ته زیان رسولی او په دې ترڅ کې یې شخړه هم کړې. پر دې سربیره په ۲۰۰۲م کال کې د هندوستان د پریمیر لیګ یا «آی. پي. ایل» سیالیو پر مهال یې د ممبيي په یوه لوبغالي کې له امنیتي چارواکو سره بد چلند کړی دی چې له امله یې پر شاه رخ خان دغه لوبغالي ته د داخلیدو له پاره د ۵ کلونو بندیز وضع شوی.
انځور: picture-alliance/AP Poto/R.Kakade
سورج پنچولی
د باليووډ د ستوري ادیتیه پنچولي پر زوی سورج پنچولي باندې تور دی چې د فلمونو د ستورې جیا خان په ځان وژنه کې یې ورسره مرسته کړې ده.
انځور: Getty Images/AFP/Stringer
شايني آهوجا
د فلمي ستوري په توګه د کار کولو په لومړیو وختونو کې د بریالیتوب هسک پوړ ته پر رسیدونکي ستوري شایني آهوجا د خپل کور پر خادمې باندې د زورزیاتي له امله نوموړي سزا تیره کړې ده.
