د فوټبال ارجنټاینئ ستوری، میسي په دغه درې میاشتنۍ موده کي نه یوازي په خپل ملي ټیم، بلکي ډیرو نورو له هغې جملې جرمني سره هم راتلونکې مسابقه نه سي کولای. نو پر ده باندي کوم تورونه موجود دي؟
میسي د جولای پر شپږمه په سان پاولو کي د کوپا امیریکا (Copa América) د فاینل مسابقو پرمهال د چیلي سره په مسابقه کي پر کونمې بول باندي انتقاد وکړ او ویې ویل، چي «باید په دغه اختلاس کي برخه وانه خلو.» د کامیابۍ لمانځلو پر وخت حتی بیخي حاضر هم نه سو.
د چیلي د بَیک، گاري مېډل سره د جنجال په سبب پخوا لا میسي ته سور کارت ورکول سوی او له میدان څخه ایستل سوی ؤ. ځکه نو په راتلونکي مارچ میاشت کي د ۲۰۲۲ م کال له پاره د وړتیا ښکاره کولو په لومړۍ مسابقه کي برخه نه سي اخیستلای.
د نوي درې میاشتني محرومیت په سبب هغه په څلورو دوستانه مسابقو کي برخه نه سي اخیستلای، له هغې جملې څخه د اکتوبر پر نهمه د جرمني د فوټبال ملي ټیم سره هم. په راتلونکي سپتمبر کي د امريکا په متحده ايالاتو کي د چیلي او ارجنتین او همدارنگه په اکتوبر میاشت کي یوه بله مسابقه، چي شاید له پرتگال سره وي، هم گډون نه سي کولای.
زموږ د آرشیف څخه یو انځوریز البوم:( 12.06.2015)
په نړۍ کي تر ټولو ډېر عايد لرونکي ورزشکاران
د فوربس مجلې په تيرو ۱۲ مياشتو کي د ډېر عايد لرونکو ورزشکارانو ليست وړاندي کړی دئ. په دې ليست کي امريکايي بکسر (بکس وهونکی) په يوه کال کي ۳۰۰ ميليونه ډالره عايد لاره.
انځور: picture-alliance/dpa/J. Alcorn
امريکايي بکسر فويلد ميودر نه يوازي دا چي په خپله لوبه کي ماته نه خوړونکی دئ، په نړۍ کي تر ټولو ورزشکارانو ئې په يوه کال کي ډېر عائد ترلاسه کړی. هغه په تېر يوه کال کي ۳۰۰ ميليونه ډالره عايد لاره. هغه تر اوسه پوري ۴۷ مسابفې کړي او ټولي ئې گټلي دي.
انځور: Getty Images
تر ميودر وروسته د فيليپين بکسر مانی پاکيائو (په انځور کي کيڼ) په دغه ليست کي راغلی دئ چي د يوه کال عايد ئې ۱۶۰ ميليونه ډالره ښوول سوی دئ.
د نړۍ د هغو ورزشکارانو په ليست کي چي په تيرو ۱۲ مياشتو کي ئې تر ټولو ډېر عايد لاره په دريم ځای کي د پرتگال ستوری او د ريال مادريد لوبغاړی کريستيانو رونالدو راغلی. هغه په تيرو ۱۲ مياشتو کي ۷۹،۶ ميليونه ډالره عايد لاره. څه موده دمخه داسي گنگوسې وي چي رونالدو د ۱۲۵ ميليونو ډلرو په بيه له ريال څخه د فرانسې «پاريس سان ژرمن» ته ورځي.
انځور: picture-alliance/dpa/J. Lizon
په څلورم ځای کي د ارجنټاين د فوټبال ستوری ليونل ميسي دئ چي په يوه کال کي ئې ۸۷،۸ ميليونه يورو عايد لاره. ميسي د هسپانيا په برسلونا لوبډله کي لوبيږي او سږ کال په هسپانيا کي پر دوو اتلوليو سر بيره ئې د اروپا د اتلانو کپ هم وگاټه.
انځور: picture-alliance/dpa/T. Eisenhuth
د تينس سويسی لوبغاړی راجر فدرر د دغه ليست پنځم ځای نيولی او په تير يوه کال کي ئې ۶۷ ميليونه ډالره عايد لاره. فدرر تر اوسه ۱۷ واري د «گران سلم» سيالي گټلي دي، چي تر اوسه پوري بل چا په دغه اندازه نه دي گټلي.
انځور: picture-alliance/AP Photo/D. Vincent
د باسکتبال ستوري هم د نړۍ د هغو ورزشکارانو په ډله کي دي چي ډېر عايد لري. د امریکا په «ان بی ای» ليگ کي امريکايي لبران جيمز، په تيرو ۱۲ مياشتو کي ۶۴،۸ ميليونه ډالره عايد درلود.
انځور: picture-alliance/dpa/B. Donnan
په دغه ليست کي اووم ځای امريکايي باسکتباليست کوين دورانت نيولی دی چي په يوه کال کي ئې ۵۴ ميليونه ډالره عايد لاره.
انځور: picture-alliance/AA/S. Corum
په گلف لوبه کي هم ډيره پانگونه کيږي. امريکايي فيل ميکلسون په تيرو ۱۲ مياشتو کي ۵۰،۸ ميليونه ډالره عايد لاره. د ميکلسون مستعار نوم «lefty» دئ، ځکه چي دی په چپه لاس لوبه کوي.
انځور: Imago
تايگر وودز، د فوربس مجلې په ليست کي نهم ځای نيولی او په يوه کال کي ئې ۵۰،۶ ميليونه ډالره عايد لاره. تايگر د گلف لوبي په تاريخ کي تر ټولو بريالۍ څېره گڼل کيږي.
انځور: Imago
امريکايي باسکتباليست کوبي برايانت، چي په ۲۰۰۸ او ۲۰۱۲ کلونو کي د المپيک لوبو اتل هم دی د دغه ليست لسم ځای ئې نيولی چي په تيرو ۱۲ مياشتو کي ئې ۴۹،۵ ميليونه ډالره عايد لاره.
