هندي پولیسو پرون یوه ۱۹ کلنه پاکستانۍ د جعلي تذکرې او په ښار کي د غیري قانوني اوسیدو په تور نیولې ده. د پولیسو چارواکي وايي، نوموړې نجلۍ د خپل مين لیدو ته د نيپال پر لاري په غیري قانوني توګه هندوستان ته ورغلې ده.
هندي چارواکو دا نجلۍ د اقراء جیواني په نامه پېژندلې ده، د دوی په خبره یاده میرمن تېر کال د هندوستان او نيپال ترمنځ پر پرانیستلې پوله د هندوستان خاورې ته ور اوښتې وه.
پولیس څه وايي؟
د بنګلور د پولیسو مرستیال مشر وايي، د دې نجلۍ خاوند ۲۶ کلن ملایم سنګ یادو د یو خصوصي شرکت امنیتي کارمند دی. نوموړي اقراء ته هندوستان د ورتګ بلنه ورکړې وه.
د پولیسو په وینا: «پروسږکال دغه ځوان د پاکستان د سېند ایالت د حيدر آباد ښار د یوې ۱۹ کلني نجلۍ سره د کمپيوټري لوبو پرمهال تماس نیولی وو، دواړو هیله درلوده، چي واده وکړي، ځوان له نجلۍ څخه غوښتي ؤ چي د ۲۰۲۲کال په سبتمبر میاشت کي د نيپال هیواد پلازمېني کټمنډو له لاري هندوستان ته راسي.»کرونا په جاپان کي په ميني پسې انلايني تلاښ زيات کړی
پولیس زیاتوي، هغوی په بنګلور ایالت کي د بیلندور د پولیسو حوزې ته نژدې په یو کور کي اوسیدل: «دا نجلۍ اوس د خارجي وګړو د ثبت او راجسټرېشن دفتر«FRROAF» ته سپارل سوې او د ځوان په اړه هم دوسیه جوړه سوې ده.»
پاکستانۍ نجلۍ څنګه هندوستان ته ولاړه؟
د پولیسو په خبره، اقراء څو مياشتې مخکې نيپال ته راغلې وه، ملایم سنګ یادو هم ورغلی وو او هلته يې واده کړی، دوی تر واده وروسته د نيپال د پولي له لاري لومړی د هندوستان بهار ایالت ته راغلي ول.
یو څو ورځي وروسته ملایم سنګ یادو، اقراء له ځان سره بنګلور ته راوستله او دواړه دلته په یو کرايي کور کي اوسېدل، په داسي حال کي، چي ملایم سنګ د اقراء نوم «راوا» ته اړولی ؤ.
نوموړي اقراء خپله مېرمن معرفي کوله او خپلي ناوي ته یې د هندوستان تذکره هم اخیستې او د هندي پاسپورت د ترلاسه کولو غوښتنلیک يې هم ورکړی ؤ.
هغه څنګه ونیول سوه؟
د راپورونو پر بنسټ اقراء جیواني په پاکستان کي د خپلي کورنۍ له غړو سره د تماس نیولو په هڅه کې وه چې اصليت یې د هند د استخباراتي ادارې له خوا کشف شو روښانه شو او خبره ډنډوره سوه.
د یادو استخباراتي معلوماتو پر بنسټ ملي پولیسو د دوی په اړه د جزيياتو په راټولو پېل وکړ، چي بالاخره د دوی تر کوره پوري ورسېدل او د دوی کور يې کلابند کړ.
پولیس وايي، دواړه «مین او میینه» يې تر قانوني پوښتنو او ګروېږونو وروسته نیولي دي. راپورونه وايي، چي د کور مالک هم پولیسو نیولی دی.
دعشق او شهرت بريالی پيوند: د هاليووډ دوامداره ودونه
د هالیوود د فلمي نړۍ سره د تړاو لرونکو ودونه ډیر دوام نه کوي. خو له دوی څخه داسې د ګوتو په شمیر مشهور هنرمندان هم شته چې له ډیر زیات شهرت سره سره هم توانیدلي د خپلې ښځې او یا میړه سره خوشاله ژوند ولري.
انځور: Getty Imagesجف او سوزن بریجز د Rancho Deluxe فلم د جوړولو پر وخت یو له بل سره آشنا شول. سوزن هغه وخت په یوه نزدې پرته کافي خانه کې کار کاو. دوی په ۱۹۷۵م کال کې واده وکړ او د درو لوڼو په درلودو سره یې ګډ خوشاله ژوند دوام پیدا کوي.
ستیون سپيلبیرګ په ۱۹۹۱م کال کې د کیت کپ شاو سره واده وکړ. دوی دواړه هم سره د «ایندیانا جونز او د مرګ معبد» فلم د فلمبردارۍ پر وخت بلد شوي ول. دوی اووه زامن لري چې دوه یې فرزندي اخیستي دي.
ټام هینکس او ریتا ویلسن په ۱۹۸۸م کال کې واده کړې. دوی دواړه دوه زامن لري خو هنکس د خپلې مخکنې میرمن څخه دوه زامن درلودل. ټام هنکس د هغې مینې له کبله چې د رینا ویلسن سره یې درلودله، خپل مذهب بدل کړ او د لویدیڅې ارتدوکس کلیسا پيروري یې غوره کړه.
کلې پرستن او جان تراولتا د ۱۹۹۱م کال راهیسې سره یوځای دي. دوی دوه زامن او یوه لور لري. مشر زوی یې په ۲۰۰۹م کال کې د ۱۶ کلنې په عمر مړ شو.
کالین فرس په ۲۰۱۱م کال کې د «پاچا د خبرو» فلم له پاره د اسکار جایزې د ترلاسه کولو پورې خپل شخصي ژوند له عمومیت څخه پټ ساتلې وو. خو د دې جایزې د ترلاسه کولو وروسته دی او میرمن یې د ژورنالستانو د څانګړې پاملرنې مرکز وګرڅيدل. د نوموړي میرمن لیویا په خټه اېتاالوۍ ده او په ۱۹۹۸ م کال کې یې له ده سره واده وکړ. دوی دوه رامن لري او استوګنه یې په اېتالیا او برېتانیا کې ده.
ویل سمت او جیدا پینکت په ۱۹۸۷م کال کې سره واده وکړ او درې زامن لري.
وارن بیتي تر هاغه وخته چې د آنت بنینګ سره آشنا شي، په هالیوود کې د ښځو د زړونو ماتونکي په نامه مشهور وو. خو د بنینګ سره په آشنا کیدو نوموړې د خپله مینه وموندله. دوی په ۱۹۹۲م کال کې ښځه او میړه شول او اوس څلور زامن لري.
ګولدي هاون او کرت رسل چې تر اوسه یې لا واده کولو ته غاړه نه ده ایښي، د ۱۹۸۳م کال راهیسې سره ګډ ژوند کوي. ګولدي هان د رسل سره د آشنا کیدو تر مخه دوه وارې واده کړې وو او دوه زامن یې درلودل. دوی دواړه هم اوس یو زوی لري او وايي چې نه غواړي د عشق دغه پيوند یې د واده پر پيوند بدل شي.
کیرا سیجویک او کوین بیکن له ۱۹۸۷م کال راهیسې یوځای دي. دوی دوه زامن لري چې د خپل مور او پلار په څير د سینما په صنعت کې په کار بوخت دي. شاید د دوی د اوږد واده کړي ژوند علت دا وي چې دواړو په خپل کاري ژوند کې یو ډول لوړې او ژورې درلودلي.
کاترین سیتا جونز او مایکل داګلاس د هالیوود مشهوره واده کړې جوړه ده. دوی چې د عمر تقاوت یې ۲۵ کاله دی، په ۲۰۰۰م کال کې یې واده وکړ او اوس دوه زامن لري. د دواړو شریک ژوند ډیرې لوړې ژورې درلودلي چې له دې څخه یې یو د مایکل داګلاس په سرطان اخته کیدل وو. نوموړې اوس په بشپړ ډول روغ شوی. سیتا جونز هم ډير وخت د رواني ستونزو له امله په روغتون کې بستر وه.
مریل ستریپ او دان ګامر له ۱۹۷۸م کال راهیسې تر نن ورځې خوشاله واده کړې ژوند لري. ګامر مجسمه ساز دی او مریل ستریپ د هالیوود د درنو او مشهورو ښڅینه هنرمندانو څخه یوه ده. دوی څلور رامن لري.
دستن هوهمن او میرمن یې لیزا له ۳۶ کالو راهیسې سره یوځای دي. دواړو په ۱۹۸۰م کال کې واده وکړ. لیزا د حقوقو په برخه کې لوړې زده کړې کړي او له دستن هوفمن څخه ۱۷ کاله کشره ده. دوی دوه زامن او دوه لوڼې لري.
۶۱ کلن ډینزل واشنګټن د پاولتا واشنګټن سره چې ۶۵ کلنه ده، په ۱۹۸۸م کال کې د «ویلما» په نوم فلم د جوړولو پر وخت آشنا شو. دوی په ۱۹۸۳م کال کې واده وکړ او څلور زامن لري.
