ناروې پر دې باندي حساب کوي چي وبه کړای سي، دغه هیواد ته په ۲۰۱۵ م کال کي راغلو مهاجرو شاوخوا نیمايي برخه بیرته اخراج کړي.
اعلان
د ناروې د مهاجرو او کډوالو ادرې آمر«فروده فورفنگ» په خپله انټرنیټ پانه کي لیکي دي، چي «ځیني کسانو ښايي گومان کړی وي چي ټوله ۳۱۰۰۰ راغلي پناه غوښتونکي به په نارويژۍ ټولنه کي مدغم او وبه منل سي، خو په حقیقت کي داسي کسان ډیر لږ دي چي په ناروې کي د پاتېدو چانس لري او اقامت تر لاسه کوي. د هغه په خبره به د تر ۱۵۰۰۰ کسانو پوري د پناه غوښتني رد سي.
د NRK ټلویزوني چینل د سه شنبې په ورځ(۲۰۱۶م کال د اگست ۳۰مه) رپوټ ورکړ، چي د رد سوو پناه غوښتونکو هر دریم تن د سوریې څخه دی. خو په هغو کي افغانان او د نورو هیوادو پناه غوښتونکي هم شامل دي.
خو د افغانستان د کډوالو او راستنېدونکو چارو وزارت په وارو ورا دا خبره تکرار کړې ده چې له هر هغه هيواد سره چي د مهاجرو د بيرته ستنېدو تړون ونه لري هيڅ مهاجر به و نه مني.
د دغه وزارت د مطبوعاتي چارو سلاکار حفيظ احمد مياخيل له دويچه ويله سره په مرکه کي وويل: «موږ له ځينو اروپايي هيوادونو سره په تماس کي يو چي د مهاجرو په برخه کي يو هوکړه ليک لاسليک کړو.»
هغه زیاته کړه چي هيڅ هيواد د ژنيو د ۱۹۵۱ کنوانسيون د تړون له مخي نه سي کولای چي مهاجر په زور له خپل هيواده وباسي: «که چيري د يوه افغان د پناه غوښتنه نه منل کيږي او هغه ايستل کيږي، د ټولو قوانينو له مخي بايد دغه موضوع له افغانستان سره شريکه سي د هغوی نومونه مخکي له مخکي افغان حکومت ته واستول سي تر څېړونو وروسته به د يوه گډ سند او هوکړي پر اساس پريکړه کیږي.»
مياخېل له هغو افغان مهاجرو سره چي غواړي بيرته خپل هيواد ته ستانه سي د مرستو خبره هم وکړه. هغه زیاته کړه: «موږ له کډوالو سره د مرستي له پاره داسي بستې جوړي کړي چي کډوال خپله دې ته تشويق شي چي پخپله خوښه هيواد ته راستانه سي، ځکه د حل هغه سمه لاره يې هم دغه ده چي پخپله خوښه هيواد ته راستانه سي.»
له یونان څخه تر ټولو زیات پاکستانیان دیپورت شوي
د اروپايي اتحادیې او ترکیې تر منځ د شوي تړون له مخې له یونان څخه ترکیې ته د استول شوو ۳۲۶ مهاجرو له ډله څخه ۲۰۱ پاکستانیان دي. پر خطرناکه لاره د خپلو سپما شوو پیسو تر مصرفولو وروسته اوس هغوی بیرته ترکیې ته استول کیږي.
۳۸ کلن اعجاز چې مزدور کار دی او د کورنۍ یوازینی نفقه پیدا کوونکی دی وايي چې خپل کور یې وپلوره، څو اروپا ته د سفر لگښت پوره کړی شي. هغه وایي: «زه ډیر غریب سړی یم.» د هغه دا خوب چې له بې وزلۍ څخه به خپله کورنۍ راباسي له منځه تللی دی. هغه وایي: «ترکیې تر استولو بهتره ده چې مړ شم.»
انځور: Jodi Hilton
په ویره کې ژوند کول
یو مهاجر له پولیسو څخه په لیسبوس کې نسبتا خوندي کمپ ته بیرته ورتښتي. مهاجرو ته د کمپ شا او خوا پاتې کیدو سپارښتنه شوې او پولیس یې د شپې له خوا د بندر او ښار نورو برخو ته د ننوتلو مخه نیسي.
انځور: Jodi Hilton
وړیا خواړه
مهاجر په کمپ کې د ماښام ډوډۍ د تر لاسه کولو له پاره په کتار کې ولاړ دي، چیرې چې هغوی له فعالانو سره په گډه اوسیږي او کار کوي. دغه کمپ د مراتبو د لړۍ پرته سیستم له مخې چلیږي چیرې چې ټول خلک آزاد او برابر گڼل کیږي او د گروپي ډلو د غونډو په ترڅ کې پریکړې کیږي.
انځور: Jodi Hilton
سړې شپې
پاکستاني مهاجر ماښام مهال د اور تر څنگ ځانونه گرموي. زیاترو مهاجرو ویل چې دوی په ترکیه کې د پیسو له پاره یرغمل نیول شوي وو. په دغه ډله کې یو تن حسن هم دی چې وایي په ترکیه کې څو وارې د ترور کیدو د هڅو وروسته بیرته پاکستان ته وتښتید. هغه وایي: «ترکیه یو خوندي هیواد نه دی.»