د ناټو یو ديپلومات ويلي دي چې ترکيې [د ناټو له يوې ګډې دفاعې طرحې] سره مخالفت کړی دی. د غړو هیوادونو د استازو موخه دا وه چې د سړې جګړې تر پای وروسته د لومړي ځل له پاره د روسيې د احتمالي حملې پر وړاندې ېوه دفاعي طرحه چمتو کړي. د ناټو د دغې نوې ستراتيژېکې طرحې محرک، پر اوکراین د روسيې حمله وه.
د ناټو عمومي منشي، ينس ستولتنبرګ، د شمالي انتلانتيک تړون (ناټو) د غړو هیوادونو د دفاع وزيرانو تر دوه ورځنۍ غونډې وروسته د جمعې په ورځ په بروکسل کې صرف دومره وویل چې هغوی لا نژدې شوي دي.
ورته نور ولولئ: د ناټو د دفاع وزیرانو غونډه؛ د اوکراین د غړیتوب پر سر اختلاف
یاد ديپلومات ويلي دي چې ترکيې د جغرافیايي مسائیلو په خاطر په دغه نوې دفاعي طرحه کې له خپل ویتو حق څخه استفاده کړې ده. په دې برخه کې قبرس اساسي رول لوبوي. قبرس چې په مديترانه کې یوه جزېره ده، په دوو، ترکي او یوناني برخو ويشل شوې ده. د ترکيې خوا قبرس، د قبرس د یوناني جهوريت برخلاف په نړېواله سطحه په رسمیت پېژندل شوی نه دی.
امریکا متحده ایالات تمه لري چې ترکیه په دې برخه کې له مقاومته لاس واخلي. د متحده ایالاتو یو لوړپوړي چارواکي ويلي دي چې تمه ده دغه پلانونه د ناټو د غړو هیوادونو غونډه کې چې د روان کال په جولای میاشت کې د لیتوانيا په پلازمينه ویلنیوس کې جوړيږي، نهايي شي.
ورته نور ولولئ: د المان پر اسمان د ناټو بې سابقې هوايي تمرین
په دې ترتيب، د ناټو د غړو هیوادونو دفاع وزیران به د دغې پوځي مخفي طرحې په زرونو پاڼې تائید کړي. په دغو پاڼو کې په تفصيل سره وضاحت ورکړل شوی چې ناټو به د روسيې د ېوې حملې په مقابل کې څرنګه غبرګون ښکاره کوي.
په تېرو څو لسيزو کې، دغه پوځي اتحاد د روسيې په مقابل کې د یو پراخ دفاعې پلان اړتيا نه احساسوله، هغه په دې دليل چې د پخواني شوروي اتحاد تر پاشل کېدو وروسته، روسيې ته د یو جدي ګواښ په توګه نه کتل کېدل.
زموږ له آرشیف څخه یو انځوریز البوم هم کتلی شئ:
د ناټو تر ټولو ستر مانورونه په انځورونو کي
د ناټو په «هوايي دفاع ۲۳» نظامي مانورونو کي چي همدا اوس په آلمان کي روان دي د ۲۵ هیوادونو هوايي ځواکونه پکښي ونډه لري. د ناټو په تاریخ کي دا تر ټولو لویه نظامي مانورونه دي. انځور: Julian Stratenschulte/dpa/picture alliance ترانسپورټي الوتکو د «هوايي دفاع ۲۰۲۳» مانور پرانیست. د آلمان پوځ «اې۱۴۰۰ام» ډوله الوتکو د دوشنبې په ورځ په نیدرزاکسن ایالت کي د وونزدورف هوايي ډګر څخه د مانور په موخه الوتني وکړې.
انځور: Julian Stratenschulte/dpa/picture-alliance تر ۲۵ د زیاتو هیوادونو ونډه یوه جنګي تورنادو الوتکه د یاګل په سیمه کي له شلسویګ هوايي ډګر څخه په هوا سوه، په دې مانور کي تر ۲۵ د زیاتو هیوادونو هوايي ځواکونه د دوو اونیو په ترځ کي یوه خیالي برید ته د غاښ ماتوونکی ځواب ورکولو تمرین کوي. د آلمان په مشرۍ په دې مانور کي پر ناټو غړو سربېره جاپان او سويډن هم ونډه لري.
انځور: Gregor Fischer/dpa/picture-alliance وروستۍ کتنه: په وونزدورف هوايي ډګر کي یو سرتېری د هوايي ځواکونو ایربوس الوتکي ته د ننوتلو په حال کي لیدل کېږي. د نیدرزاکس په ایالت کي یاد هوايي ډګر د راپيل سوي پوځي مانور تر ټولو غټ تدارکاتي مرکز دی. د آلمان پوځ په وینا ۱۰ زره سرتیري او د آلمان د ۷۰ الوتکو په ګډون ۲۵۰ طیارې په دې مانورونو کي د جون تر ۲۳ نېټې پوري برخه لري.
انځور: Julian Stratenschulte/dpa/picture-alliance تاسي کولای سئ، د هالنډي الوتکو د الوتنو لار د دوشنبې په ورځ د مکلنبورګ ایالت پر اسمان په «flightradar24» اپلیکیشن کي ووینی، چي څو واري يې د ویسمار، ګوسترو او شورین ښارونو پر اسمان دورې وهلي دي. دغه هوايي تمرین د آلمان پر ځینو شمالي، ختیځ، لوېدیځ او همدارنګه د شمالي او بالټیک سمندرونو کي ترسر کیږي.
انځور: Jens Büttner/dpa/picture-alliance په دې مانور کي پوځي الوتني پلان سوي دي، چي ښايي پر ۲۰۰۰ملکي الوتنو اغېز وکړي. د دغه تمرین له پاره د آلمان د هوايي حریم ځیني برخي د ملکي الوتنو پرمخ بندي سوي دي. د الوتنو خنډ او ځنډ کولای سي د الوتکو په ښوودنیزو پاڼو کي وګورئ. د بېلګي په ډول دلته د هامبورګ په هوايي ډګر کي.
انځور: Bodo Marks/dpa/picture-alliance نندارچیان د شلسویګ هوايي ډګر څخه د تورنادو جنګي الوتکي الوتني ته ګوري. یاد مانور تراوسه د فرانکفورټ ام ماین، برلین، دوسلډورف، نورنبرګ او کولن/بن پر هوايي ډګرونو هیڅ اغیز نه دی کړی، خو کیدای سي چي په هوايي ټرافیک کي ګډوډي ډېره سي.
انځور: Gregor Fischer/dpa/picture-alliance د مانور پر وړاندي هغه لاریون کوونکي چي د آلمان د کیڼ اړخي ګوند له خوا رابلل سوي، د سولي سمبول یا نخښه يې جوړه کړې وه. د آلمان پوځ غواړي چي د روسيې له تحریک کولو ډډه وکړي. د آلمان د وسله وال پوځ مشر ګرهارټس وايي: «موږ هر کار د دې له پاره کوو، ترڅو باوري سوو چي دغه مانور د اوضاع په ترینګلتیا کي ډېروالی نه راولي.»
د ده په قول، هیڅ الوتنه به د کالینینګراد خواته چي د روسيې له اصلي خاوري بېله ده ونه سي.
انځور: /dpa/picture-alliance د آلمان د وسله وال ځواک پارلماني کمیساره ایوا هوګل دغه پوځي مانور د روسيې له پاره یو پيغام ګڼي. هغې د ونزدورف په هوايي ډګر کي وویل، پر اوکراین د روسيې برید وښودله چي دغه مانور څومره ارزښت لري. دې دغه پوځي مانورد اوقیانوس اطلس د دواړو خواوو د ساتني د وړتیا «یوه ښه نخښه» یاده کړه.
انځور: Julian Stratenschulte/dpa/picture-alliance
