په بيلاروس کې ښځې له څو مياشتو راهيسې د ديموکراسۍ او د زورواک جمهوررئيس د ګوښه کيدلو له پاره اعتراضونه کوي. په عکس کي ځوانه نادیا چې د پولیس سترګو ته ګورې، له دي مخکې لس ورځې بندۍ وه. د ليتوانیا په پلازمېنه ولينوس کې دغه نندارتون د ۲۰۲۱م کال د مارچ مياشت تر څلورمې نېتې دوام کوي.

اعتراض کوونکې ښځې پر خپل ښځمنتوب تر هغې کچېې ټينګار کوي چې په بيلاروس کې يې د ديموکراسۍ غورځنگ د «ښځو مارش» او يا د «ښخو انقلاب» په نوم یاد شوی دی. په کيڼ اړخ کې د آنا په نوم يوه ۲۴ کلنه ولاړ ده، هغې د خپلې مور د واده کمیس اغوستی دی. دغه کمیس د جمهوررئیس د قدرت د وخت په اندازه زوړ دی: ۲۶ کاله.

دغه عکس ښيې چې د ۲۰۲۰م کال په دسمبر مياشت کې په څه ډول يوه مظاهره کوونکې نيول کيږې او د پوليسو د موټر پر لور بيول کيږې. د بشري حقونو سازمان د رپوټ له مخې په مينسک کې په دغه ورځ د «ښځو مارش» کي ۳۰۰ کسان ونيول شول.

پر نیولو، بندي کولو او ډارولو سربيره بيا هم په مظاهرو کي د هر سن کسانو برخه اخیستې ده. هغوی د سپيني روسيې د بیرغ، سپين او سور رنګ په شان جامې اغوستلې. امنيتي ځواکونو له اوبو شیندلو او کوتکونو څخه کار اخیست.

د ويلنوس په «مو موزيم» کې دغه نندارتون د روښانه کولو له پاره جوړ شوی دی. په بيلاروس (سپينه روسيه) کې د ګاونډي هيواد د ديموکراسۍ ملاتړ. دغه عکس د چارواکو له خوا د اعتراض کوونکو د خاموشه کولو سمبول دی.

د دغه موزیم په خبري اعلاميه کې د بيلاروس د اپوزيسون رهبري سويتلانا تیچانوفسکايا، هم خپل نظر څرګند کړی: «دغه نندارتون د بيلاروس ښځو ته ځانګړی شوی دی. موږ يو ګډ هدف لرو: د آزادۍ بیرته تر لاسه کول او په بيلاروس کې يو حقوقې دولت. په دې مبارزه کې ښځې پر لومړۍ کرښه ولاړې دي. د ډيرو ښځو او زما له پاره دا يوه شخصي مبارزه هم ده.»

په ويلنوس کې د «مور موزيم» کارکوونکو نوې لار موندلې چې د کرونا محدوديتونو سره بيا هم د اعتراض کوونکو عکسونه ښکاره کړي. د موزيم پر بهرني ديوال عکسونه ښودل کيږې تر څو عام وګړي وکړای شي هغه ننداره کړي.

ټول عکسونه ښځو عکاسانو هري يوې ناديا بوژان، دريا بوراکينا، ارينا اراخوسکایا او وپٍیالتا سوچيس اخيستي دي.

په ويلنوس ښار کې د ۲۰۲۱م کال د مارچ مياشتې تر څلورمي ڼيټې پورې د موزيم پر بهرنيو ديوالونو دغه نندارتون دوام لري. هره ورځ د ماښام له شپږو بجو د ماخوستن تر ۱۱ بجو پورې عکسونه ښودل کيٍږې. خبريالانو د ويدیو ګانو له لارې دغه اعتراضونه مستند کړي چې په هغو کې د اعتراضونو په هکله رپوټونه ورکول کيږې.