محمد کریم صالح | فرانس پریس، اسوشتید پریس، رويټرز، ډي پې اې
۱۴۰۴ مهر ۱, سهشنبه
ناټو په پولند، رومانیا، او استونیا کې د هوايي حریم د نقضولو تر پېښو وروسته، روسیې ته خبرداری ورکړ چې دغه سازمان به د لا ډېرو سرغړونو په مقابل کې د خپل هوايي حریم د دفاع له پاره پر ټولو ضروري اقداماتو لاس پورې کړي.
ناټو روسیې ته خبرداری ورکړ چې د خپل هوايي حریم د دفاع له پاره به پر ټولو ضروري اقداماتو لاس پورې کړيانځور: Forsvarsmakten/AFP
اعلان
د شمالي اتلانتیک تړون (ناټو) د سه شنبې په ورځ (د ۲۰۲۵م کال د سپتمبر ۲۳مه) مسکو پر دې تورن کړ چې د دغه ائتلاف د شرقي او شمالي غړو هېوادونو هوايي حریم یې نقض کړي دي.
د ناټو سازمان مشر، مارک روټه، په بروکسل کې خبریالانو ته وویل: «روسیه نه باید شک ولري: ناټو او متحدین به یې د نړېوالو حقونو مطابق د خپلې دفاع او د ټولو اړخونو لخوا د ګواښونو د مخنیوي له پاره له ټولو ضروري پوځي او غیرپوځي ابزارو کار واخلي.»
د ناټو د ۳۲ غړي لرونکي تړون وروسته له هغې بېړنۍ ناسته وکړه چې تېره اوونۍ د روسیې جنګي جیټ الوتکې د استونیا پر سر ولېدل شوې. تر هغې لږ وروسته روسي ډرونونه په پولند کې راوغورځول شوي ول او د رومانیا پر سر هم بې پېلوټه الوتکې ولېدل شوې.
د کوپنهاګن او اوسلو د هوايي ډګرونو پر سر ډرونونه
ناټو دغه څرګندونې وروسته له هغې کړي چې د دوشنبې په ماښام د ډنمارک په پلازمېنه کې د کوپنهاګن هوايي ډګر پر سر لوی ډرونونه د ګرځېدا په حال کې وليدل شول. په ادامه ېې د کوپنهاګن هوايي ډګر د څو ساعتونو له پاره وتړل شو.
په ورته وخت کې د ناروي په پلازمینه اوسلو کې د اوسلو هوايي ډګر هم وروسته له هغې په موقتی توګه وتړل شو چې پر سر ېې د ډرون غږ واورېدل شو.
د دوشنبې په ماښام د کوپنهاګن هوايي ډګر پر سر لوی ډرونونه د ګرځېدا په حال کې وليدل شول چې په ادامه ېې دغه ډګر د څو ساعتونو له پاره وتړل شوانځور: Steffen Trumpf/dpa/picture alliance
د ډنمارک لومړۍ وزیرې ميته فردریکسن دغه پېښه «پر ډنمارکي تاسیساتو تر ټولو جدي حمله» وښوده. ډنمارکي چارواکو تر اوسه روښانه کړې نه ده چې د دغې پېښې تر شا څوک دي، خو لومړۍ وزیرې ېې وویل چې د روسیې لاس لرل پکې «ردولی نه شي.»
د ناټو په «هوايي دفاع ۲۳» نظامي مانورونو کي چي همدا اوس په آلمان کي روان دي د ۲۵ هیوادونو هوايي ځواکونه پکښي ونډه لري. د ناټو په تاریخ کي دا تر ټولو لویه نظامي مانورونه دي.
