نباتات لکه د نورو ژوندیو موجوداتو د ژوند د بقا له پاره اوبو ته ضرورت لري. د نباتاتو له پاره نه یوازې هغه اوبه مهمې وي چې د خپلو ژورو ریښو په وسیله یي له ځمکې څخه جذبوي، بلکې منصوعي آبیاري هم مهمه ده چې ځيني نباتات په ډیره لوړه کچه اوبو ته ضرورت لري.

تر ټولو دمخه هغه تولیدات چې د نړیوالو بازارونو له پاره کرل کیږی، تر اندازې ډیرو اوبو ته اړتیا لري. یو کیلوګرام د پنبې غوزې یا نرم توپکونه له ۹ تر ۱۱ زره لیتره پورې اوبو ته ضرورت لري. افریقایي هیواد بورکینافاسو، سره له دې چې په ګرمه سحرایي سیمه کې واقع دی، د پنبې تر ټولو ستر تولیدونکی هیواد دی.

ځينې نور افریقایي تولیدات هم په لوړه کچه اوبو ته ضرورت لري. د یوه کیلوګرام کاکاو د تولید له پاره شاوخوا ۲۰ زره لیتره اوبو ته ضرورت دی. قهوه هم مهم صادراتي تولید دی چې ډیرو اوبو ته ضرورت لري. د یو کیلوګرام قهوې د تولید له پاره شاوخوا ۱۶ زره لیتره اوبو ته اړتیا ده.

دا مصالجات دي. د یوه کیلو ګرام وانیل د پوست له پاره شاوخوا ۱۲۶۵۰۰ لیتره اوبو ته اړتیا ده. یعنې تر شپږ ټانکه هم ډېرې اوبه. میخک په هر کیلوګرام کې ۶۱۲۰۰ لیتره، هیل یا لاچي او موسکات هر یو یي د في کیلوګرام تولید له پاره ۳۴ زره لیتره اوبو ته ضرورت لري.

رومیان چې په کوزه پښتونخوا کې ورته ټماټر هم ویل کیږي په اومه او پاخه شکل نږدې په هر دسترخوان کې ځای لري. دا نبات نسبتاً لږو اوبو ته اړتیا لري. د یوه کیلوګرمه رومیانو د تولید له پاره یوازې له ۱۱۰ څخه تر ۱۲۰ لیتره اوبو ته اړتیا ده. کچالو بیا له ۱۲۰ څخه تر ۲۰۰ لیتره، کدو ۳۴۰ لیتره. دا سبزیچات لږو اوبو ته اړتیا لري.

دغه سپینې مولۍ ته ورته نباتات او خواږه کچالان ډیرو لږو اوبو ته ضرورت لري. د دې نباتانو د یوه کیلو د تولید له پاره له ۲۰۰ څخه تر ۶۰۰ لیتره پورې اوبه کفایت کوي. یوازې د باران اوبه هم د دغو نباتاتو له پاره کافي وي.

دا میوه چې ۹۰ سلنه برخه یي اوبه تشکيلوي، د خپلې ودې له پاره زیاتو اوبو ته اړتیا نه لري.

ارزن یا ږدن په افریقا کې ډیر معمول دي. که څه هم دا په وچه آب و هوا کې هم نمو کوي، خو په مجموع کې ډیرو اوبو ته اړتیا لري. د هر یوه د ډول په اساس في کیلو یي له ۳۰۰۰ څخه تر ۴۵۰۰ لیتره اوبو ته ضرورت لري. په داسې حال کې چې جوار بیا د هر یوه کیلوګرامو له پاره یوازې ۱۲۰۰ لیتره اوبو ته اړتیا لري.

په پخلي کې د پلې استعمال په لویدیځه افریقا کې ډير معمول دی. د پلي یو کیلو زړي ۲۸۰۰ لیتره اوبو ته ضرورت لري. د خوراک نړیوال سازمان د رپوټ پر بنسټ د دې نبات د ۱۵ تولیدونکو څخه ۹ یې افریقایي هیوادونه ول.

ژاک فروټ کیدای شي د راتلونکي له پاره یو ښه نباتي محصول وي. لکه څرنګه چې ډیري انسانان غواړي له حیواني محصولاتو له استعمال څخه لاس په سر شي، له همدې امله ژاک فروټ د لویدیځ بازارونو کې هم ډیر مینه وال پیدا کړي دي. دا نبات د حیوناتو د غوښې له پاره بدیل ګڼل کیږي. د دې د یوه کیلو د تولیدل له پاره شاوخوا ۱۰۰۰ لیتره اوبه مصرفیږي.