د نایجیریا په اوګون ښار کې د پولیسو د یوه ویاند په حواله له ۲۰ څخه تر ۲۵ کلنو پورې عمر درلودونکي ښځې د امیدواره کیدو په هدف په زوره له نارينه و سره نا محافظت شوي جنسي عمل ته اړ ایستل کیږي او د دغو ښځو ماشومان بیا تر زیږیدنې سمدستي وروسته پلورل کیږي.
د دغې غیر قانوني په اصطلاح بچې زیږونې فابریکې (Babyfabrik) مالک او هغه دوه سړي چې دغه ښځې مجبوري کېدلې چي ورسره جنسي عمل ترسره کړي د پولیسو له خوا نیول شوي دي. پولیسو مخکې تر دې د دې په اصطلاح بچې زیږونې فابریکې په اړه له دې ځایه د یوې تښتیدلي میرمنې څخه معلومات ترلاسه کړي وو.
پر اړونده موضوع زمونږ له آرشیف څخه انځوریز رپوټ:
زيات بچي زېږونکي ښځي په کومو هيوادونو کي؟
په نړۍ کي تقريبا ۷،۵ مليارده انسانان ژوند کوي او شمېر يې لا په جګېدو دی. د نړۍ په کوم هيواد کي يوه مېرمنه په اوسط ډول څو ماشومان راوړي؟ په دغه انځوريز راپور کي يې وګورئ:
انځور: MIZAN۵۱ (آخري) مقام ـ هانګ کانګ ـ اوسط ۱،۲ ماشومان
د دغه مطلب معلومات د ۲۰۱۷ کال د فبرورۍ مياشتي په ۲۵مه نېټه د نړيوال بانک له وېبپاڼي څخه اخيستل سوي چي د ۲۰۱۴ کال پر اړونده راپور يې تکيه کوي. [ترتيب کوونکی: احمدولي اڅکزی]
۲۶ مقام ـ پاکستان ـ اوسط ۳،۶ ماشومان
۱۴ مقام ـ افغانستان ـ اوسط ۴،۸ ماشومان
۱۳ مقام ـ کانګو جمهوريت ـ اوسط ۴،۹ ماشومان
۱۲ مقام ـ عاج ساحل، ګينيا او سويلي سوډان ـ اوسط ۵ ماشومان
۱۱ مقام ـ ملاوي، سنگال، ختيځ تيمور او تانزانيا ـ اوسط ۵،۱ ماشومان
۱۰ مقام ـ موزمبيق او زامبيا ـ اوسط ۵،۴ ماشومان
۹ مقام ـ بورکينا فاسو ـ اوسط ۵،۵ ماشومان
۸ مقام ـ ګامبيا او نيجيريا ـ اوسط ۵،۷ ماشومان
۷ مقام ـ يوګانډا ـ اوسط ۵،۸ ماشومان
۶ مقام ـ بروندي ـ اوسط ۵،۹ ماشومان
۵ مقام ـ کانګو دموکراتيک جمهوريت ـ اوسط ۶ ماشومان
۴ مقام ـ انګولا ـ اوسط ۶،۱ ماشومان
۳ مقام ـ چاد او مالي ـ اوسط ۶،۲ ماشومان
۲ مقام ـ سوماليا ـ اوسط ۶،۵ ماشومان
۱ مقام ـ نيجر ـ اوسط ۷،۶ ماشومان
د دغه مطلب معلومات د ۲۰۱۷ کال د فبرورۍ مياشتي په ۲۵مه نېټه د نړيوال بانک له وېبپاڼي څخه اخيستل سوي چي د ۲۰۱۴ کال پر اړونده راپور يې تکيه کوي. [ترتيب کوونکی: احمدولي اڅکزی]
نایجیریا له ۲۰۰ میلیونه نفوذ سره د افریقا تر ټولو ګڼ میشته هیواد دی. هلته په اصطلاح د داسې «بچې زیږونې فابریکو» موجودیت کومه نوې خبره نه ده. همدا تیره اونۍ پولیسو په پورت هارکورت کې ۲۴ نوي زیږیدلي ماشومان او ۴ ښځې له داسي يو ځای څخه آزاد کړي وو.
په نایجیریا کې د ماشوم نه درلودل یو عیب ګڼل کیږي. له نورو افریقایې هیوادونو او ټولې نړۍ څخه د نویو زیږدلو ماشومانو پيرونکي دلته راځي.
په عادي حالاتو کې نارينه نوی زیږیدلی ماشوم په ۵۰۰ زره نایره (د نایجیریا پولي واحد) چې شاوخوا ۱۲۵۰ یورو کیږي او ښځينه ماشومانې بیا د ۳۰۰ زره نایره په بدل کې پلورل کیږي.
(uh/qu (afp, rtr
