نن د پنجشنبې په ورځ (د ۲۰۱۹م کال د اګست میاشتې په ۱۵مه نیټه) د هندوستان د خپلواکۍ د ورځې په مناسب یوې جوړې شوې سترې غونډې ته په خپله وینا کې لومړي وزیر نریندرا مودي پر پاکستان د سخت انتقاد ترڅنګ افغانستان د هند یو ښه ګاونډی هیواد بللی دی او افغانانو ته یې د خپلواکۍ د ۱۰۰مې کلیزې په مناسبت مبارکي ورکړه. مودي د خپلې اوږدې وینا په ترڅ کې وویل: «افغانستان د هندوستان ښه ملګری دی او زه دغه هیواد ته د خپلواکۍ د ۱۰۰مې کلیزې مبارکي وایم.»
د هندي لومړي وزیر په خپله وینا کې هر ډول ترهګري وغندله او د روان کال په اپریل میاشت کې یې په سریلانکا کې د عیسویان د اختر پرمهال خونړي بمي چاودونو ته هم اشاره وکړه. د سریلانکا په دغو بریدونو کې له ۲۵۰ ډیر کسان وژل شوي وو.
نریندرا مودي پاکستان ته په اشارې سره وویل: «هندوستان په جدي توګه له هغو [هیوادونو] سره مبارزه کوي چې ترهګري خپروي. د نړۍ په هره برخه کې ترهګري د بشریت پر ضد جګړه ده او له دې کبله باید ټول بشري ځواکونه لاسونه سره یو کړي او د هغو [هیوادونو] اصلي څیرې بربنډې کړي چې ترهګر پالي، ترهګرۍ ته وده ورکوي او نورو هیوادونو ته یې صادروي.»
انځور: Getty Images/AFP/M. Sharma مودي په غیر مستقیمه توګه پر پاکستان لفظي برید وکړ او ویې ویل: «هغوی چې ترهګري پالي او د ترهګرۍ ملاتړ کوي، باید په بشپړه توګه برملا شي.»
مودي په داسې مهال کې دغه څرګندوې وکړې، چې څه موده وړاندې یې د هندوستان تر ولکې لاندې له کشمیر څخه د نیمه خپلواکۍ موقف بیرته واخیست. د هندوستان تر دغه اقدام وروسته، د هند تر ولکې لاندې کشمیر کې مخابراتي خدمتونه ځنډول شوي او عادي ژوند له ستونزو سره مخ شوی دی. پاکستان د هند دغه اقدام په کلکه غندلی او ان د کشمیر د وضعیت په هکله یې د ملګرو ملتونو امنیت شورا ته شکایت کړی دی.
د افغانستان او ترهګرۍ په هکله د هندي لومړي وزیر نریندرا مودي په خپله وینا کې همدا راز وویل چې «بنګله دیش، افغانستان او سریلانکا هم د ترهګرۍ له کبله اغیزمن شوي دي.» نوموړي زیاته کړه چې د نړۍ ټول هیوادونه باید سره یوځای شي ترڅو د دغه ګواښ پر وړاندې مبارزه وکړي.
افغانستان دا ځل د خپلواکۍ د سلمې کلیزې په مناسبت د خپلواکۍ جشن په پراخه توګه لمانځي. دغه جشن په داسې وخت کې لمانځل کیږي چې افغانستان د تیرو ۴۰ کلونو راهیسې له جګړو او ناکراریو کړیږي. په ورته وخت کې، امریکا متحده ایالات او طالبان د افغانستان د ۱۸ کلنې جګړې د پای له پاره په خبرو هم بوخت دي.
زموږ له آرشیف څخه:
د هند او پاکستان د پياوړتيا مقايسه
هند او پاکستان هغه هيوادونه دي چي په ۱۹۴۷ کال سره بېل سول او د هغه مخکي د لوی هند برخه ول. دغو دوو هيوادونو تر اوسه ۴ جګړې درلودلې او په لوړه اندازه پر دفاع مصرف کوي. يوه پرتله يې دلته په ۲۶ انځورونو کي کتلای سئ:
انځور: BEHROUZ MEHRI/AFP/Getty Imagesنفوس ـ هند ۱،۲ مليارد ـ پاکستان ۱۹۹ مليونه
د دغه انځوريز راپور معلومات د ۲۰۱۷ کال د مارچ په ۱۲ مه نېټه له ګلوبل فاير پاور پاڼې څخه اخيستل سوي.
نارينه ـ هند ۶۱۶ مليونه ـ پاکستان ۹۵ مليونه
دفاعي کلنۍ بوديجه ـ هند ۴۰ مليارد ډالره ـ پاکستان ۷ مليارد ډالره
د عسکرۍ وړ ـ هند ۴۸۹ مليونه ـ پاکستان ۷۵ مليونه
فعال عسکر ـ هند ۱،۳ مليون ـ پاکستان ۶۲۰ زره
ټولې الوتکې ـ هند ۲۰۸۶ ـ پاکستان ۹۲۳
جنګي الوتکي ـ هند ۶۷۹ ـ پاکستان ۳۰۴
ترانسپورتي الوتکي ـ هند ۸۵۷ ـ پاکستان ۲۶۱
نظامي خدمت وړ هوايي ډګرونه ـ هند ۳۴۶ ـ پاکستان ۱۵۱
ټانکونه ـ هند ۶۴۶۴ ـ پاکستان ۲۹۲۴
زغروال موټر ـ هند ۶۴۶۴ ـ پاکستان ۲۸۲۸
ګرځنده توپونه ـ هند ۲۹۰ ـ پاکستان ۴۶۵
څو ميله لرونکي توپونه ـ هند ۲۹۲ ـ پاکستان ۱۳۴
تجارتي کښتۍ ـ هند ۳۴۰ ـ پاکستان ۱۱
الوتکي وړونکې بېړۍ ـ هند ۲ ـ پاکستان صفر
مهم بندرونه ـ هند ۷ ـ پاکستان ۲
اوبتلونه (تحت البحري) ـ هند ۱۴ ـ پاکستان ۵
فرقاطه (وړې جنګي بېړۍ) ـ هند ۱۴ ـ پاکستان ۱۰
ګزمه کوونکې بېړۍ ـ هند ۱۳۵ ـ پاکستان ۱۲
اټومي وسلې ـ هند ۸۴ ـ پاکستان د ۲۴ او ۷۵ تر منځ
بهرنۍ قرضې ـ هند ۴۵۸ مليارد ډالره ـ پاکستان ۵۸ مليارد ډالره
کاري ځواک ـ هند ۴۹۴ مليونه نفر ـ پاکستان ۶۱،۵ مليونه نفر
تائيد سوي د تيلو ورځنۍ ځېرمي ـ هند ۵،۶ مليارد بېرل ـ پاکستان ۳۷۱ مليون بېرل
پاخه سړکونه ـ هند ۳،۳ مليون کيلومتر ـ پاکستان ۲۶۰ زره کيلومتر
اورګاډي پټلۍ ـ هند ۶۳ زره کيلومتر ـ پاکستان تقريبا ۸ زره کيلومتر
مساحت ـ هند ۳،۲ مليون مربع کيلومتر ـ پاکستان ۷۹۶ زره مربع کيلومتر
د دغه انځوريز راپور معلومات د ۲۰۱۷ کال د مارچ په ۱۲ مه نېټه له ګلوبل فاير پاور پاڼې څخه اخيستل سوي. [ترتيب کوونکی: احمدولي اڅکزی]
