په اوکراین او غزه کې د روانو جګړو په هکله نظرپوښتنه د آلمان خبري آژانس له خوا د يوګوف په نوم د افکارو د لټون انستيتيوت ترسره کړې چې ۲۰۹۲ کسانو پکې برخه اخیستې ده.
د نظرپوښتنې ۷۰ سلنه ګډونوال خوشبينه نه دي چې په اوکراین کې دې د روسيې جګړه د ۲۰۲۴م کال تر پای مخکې متوقفه شي. یوازې ۱۵ سلنه ګډونوالو د دغې جګړې پای احتمالي ګڼلی دی. په اوکراین کې د روسيې جګړه چې خپل دوهم کال ته ورنژدې کیږي لا هم په شدت ادامه لري.
که څه هم د اوکراين په پرتله په غزه کې د جګړې د پای له پاره هېلې ېو څه ډېرې دي، خو بیا هم د نظرپوښتنې اکثریت یعنې ۵۲ سلنه ګډونوالو تمه نه ده ښودلې چې دغه جګړه دې د ۲۰۲۴م کال د دسمبر له ۳۱مې مخکې پای ته ورسیږي.
یوازې ۳۲ سلنه ګډونوالو تمه ښودلې او پاتې ۱۶ سلنې نورو مشخص نظر نه دی ورکړی.
د اوکراین په خارکیف کې د یو هوټل ساختمان چې د روسيي توغندویز برید کط زیانمن شوی دیانځور: Vitalii Hnidyi/REUTERS په غزه کې جګړه د اسرائيل د ځواکونو او حماس ډلې تر منځ روانه ده. وروستۍ جګړه د تېر اکتوبر میاشتې له ۷ راهيسې کله چې حماس پر اسرائيل حمله وکړه پيل شوې ده. حماس د اسرائيل، امريکا متحده ایالاتو، آلمان او اروپايي ټولنې له خوا د ترهګري ډلې په توګه درجه بندي شوې ده.
اسرائيل وايي حماس د اکتوبر مياشتي ۷مې حمله کې ۱۱۴۰ اسرائيلیان ووژل او په غزه کې د روغتيا وزارت چې د حماس تر ادارې لاندې ده، وايي چې د اسرائيل د ځواکونو په حملو کې تر اوسه ۲۱۸۰۰ فلسطینیان وژل شوي دي.
که څه هم دغه ارقام تائېد کېدای نشي، خو په ټوله کې د ملګرو ملتونو او نورو څارونکو تر اوسه معتبر ګڼلي دي.
په عین وخت کې کيف وايي چې روسيه حتی د نوی کال په شپه هم کرار نه ده ناسته او د نوي کال په شپه ېې پر اوکراین د ریکارډ په کچه یعنې د ۹۰ جنګي ډرونونو حملې کړي دي.
په غزه کې د روغتيا وزارت چې د حماس تر ادارې لاندې ده وايي د اسرائيلي ځواکونو په حملو کې تر اوسه ۲۱۸۰۰ فلسطینیان وژل شوي ديانځور: SAID KHATIB/AFP/Getty Images د اوکراین دافع هوا ځواکونو قوماندان، ميکولا اولشچوک، د دوشنبې په ورځ پر ټيلګرام ليکلي چې ۸۷ ډرونونه ويشتل شوي دي. هغه وويل پروسږکال هم د نوي کال په شپه د روسيې ۴۵ جنګي ډرونونه ووېشتل شول، خو سږکال دغه شمېر دوه برابره وو.
د اوديسه مشر اوله کيپر وويل چې په بيګانۍ حملو کې یو کس وژل شوی او درې نور ټپیان دي. دغه مرګ ژوبله په جنوب کې د تورې بحیرې سيمې په اودیسه کې اوښتې ده. بندري تاسیساتو ته د زیانونو اوښتو رپوټونه هم ورکړل شوي دي.
روسيې پر اوکراین د ۲۰۲۲م کال د فبرورۍ مياشتي پر ۲۴مه پوځي يرغل وکړ. په دغه جګړه کې تر اوسه له دواړو لورو څخه په لسونو زره عسکر وژل شوي دي. همدارانګه په زرونو اوکرایني ملکيانو هم پکې خپل ژوند له لاسه ورکړی دی.
آژانسونه/م.ک.ص./ن.ز.
له آرشیف څخه:
د مرګ او ژوند په منځ کي د غزې د فلسطینیانو انځوریز راپور
غزه د بشري ناورین په درشل کي ده. د اکتوبرمیاشتي پر اوومه نېټه د حماس د ترهګریزو بریدونو په ځواب کي د اسرائيل د ځوابي بریدونه دوام لري، په غزه کي د وژل سویو او ټپیانو شمېر مخ پر ډېرېدو دی. انځور: Fatima Shbair/AP/picture alliance د اسرائيل درانه ځوابي بریدونه پر اسرائيل د حماس د ناڅاپي تروریستي بریدونو په دوام، دغه هیواد هم پر غزه هوايي بریدونه وکړل چې د حماس ډلي په کنترول کي ده. اروپايي ټولنه، امریکا متحده ايالات او ځيني نور هیوادونه حماس تروريستي ډله ګڼي. د اکتوبر پر نهمه دوشنبه د اسرائيل لومړي وزیر بنیامین نتانیاهو وویل: «کوم څه، چي به موږ په راتلونکو ورځو کي له خپلو دوښمنانو سره کوو د دوی د راتلونکو نسلونو له پاره به لکه زنګ داسي وي.»
انځور: Belal Al SabbaghAFP/Getty Images د ملګرو ملتونو د بشري مرستو د همږغۍ دفتر(OCHA) په وینا نژدې ۸۰۰ تعمیرونه یومخ ویجاړي سوي دي او په سونو نور د اسرائيل په هوايي بریدونو کي تاواني سوي دي. راپورونه وايي، چي په سونو زره کسان اوبه نه لري.
انځور: Mohammed Talatene/dpa/picture alliance د پاته سویو کسانو په لټه کي د اسرائيل په هوايي بریدونو کي د غزې تراډي په شمال کي د جبالیه کډوالو پنډغالي له منځه تللي او ژغورونکي کوښښ کوي، چي پاته سوي ژوندي کسان وژغوري. هغه شمیرې چي د پنجشنبې په ورځ خپرې سوي دي، د دواړو لوریو قربانیان تر۲۵۰۰ زیات دي. لږ تر لږه ۱۲۰۰ اسرائيليان او ۱۳۰۰ فلسطینیان وژل سوي دي په زرهاوو کسان ټپیان دي.
انځور: Mahmud Hams/AFP/Getty Images مړي په یوه موټر کي وړل کیږي او یوه فلسطینۍ ښځه بوغاري وهي . په غزه کي د روغتیا مسؤلان وايي تر ۱۴۰ ډېر کوچنیان او ۱۰۰ ښځي وژل سوي دي.
انځور: Said Khatib/AFP/Getty Images فلسطینیان په یوه زاړه مني بس موټر کي د اسرائيل له انتقامي هوايي بریدونو څخه تښتي. د ملګرو ملتونو د یو راپور پربنسټ په غزه کي ۱۸۷ زره کسان بې ځایه سوي دي. ۱۳۷ زره کسانو د ملګرو ملتونو په ښوونځیو کي او ۴۰ زره په شخصي کورونو کي پنا اخیستې ده. امکان نه لري، چي د غزې تراډه دي یومخ پرېږدي. اسرائيل دغه سیمه محاصره کړې او د مصر لار يې هم تړلي دي.
انځور: Saleh Salem/REUTERS اسرایلي ځواکونه د غزي تراډي پوله خپله مهاروي د اسرائيل ځواکونه د غزې تراډي پر پوله ګزمه کوي. د حماس ډلي وسله والو د اکټوبر مياشتي پر اوومه پر پوله د اسرائيل درول سوی کټارې ماتي او دغه هیواد ته له ور اوښتلو سره یې عملیات شروع کړل، چي ډېری قربانیان يې ولسي وګړي ول. اسرائيل په ۱۹۹۴م کال کي د غزې پر پوله اغزن تار وغځاوه. په غزه کي د مصر سره پر پوله هم اغزن سیم درول سوی دی.
انځور: Oren Ziv/AP/picture alliance د غزې پر پوله اسرائيلي ځواکونه اسرائيل ۳۰۰ زره ریزرف ځواکونه چمتو کړي دي. د غزې اوسیدونکي ویره لري چي اسرائيل به مځکني عملیات شروع کړي. د غزې پولي ته د اسرائيل زغروال موټر او پوځي تجهیزات لېږل سوي او پولي ته څېرمه د اسرائيل ښارګوټي یومخ تش سوي دي.
انځور: Ilia Yefimovich/dpa/picture alliance په غزه کي انساني ناورین ته انتظار جان ایګلنډ د ناروې د کډوالو د شورا (NRC) عمومي منشي له CNN سره په مرکه کي خبرداری ورکړ، چي په غزه کي یو انساني ناورین سترګي په لار دی. «د بېلګي په ډول که چیري په روغتونونو کي د برېښنا د نشتوالي او لوږي له لاسه کوچنیان ومري، دا به جنګي جنایتونه وشمېرل سی.»
انځور: Mahmud Hams/AFP/Getty Images یحیی سنوار، په غزه کي د حماس د سیاسي دفتر مشر یحیی له ۲۰۱۷م کال راهیسي په غزه کي د حماس تروریستي ډلي مشر دی. هغه پر اسرائيل د برید له طراحانو څخه ګڼل کیږي. سنوار، چي د کډوالو په پنډغالي کي لوی سوی دی، ویلي دي: «موږ دا غوره ګڼو، چي شهیدان سوو، د دې پرځای، چي تر ظلم او سپکتیا لاندي ومروو.»
انځور: Mohammed Abed/AFP د حماس ویاند خبري اژانسونو ته ویلي دي چي هر واري چي اسرائيل بیله خبرتیا پر غزه بمبار وکړي یو نیول سوی اسرائيلی به وژل کیږي. په داسي حال کي چی د اسرائيل د باندنیو چارو وزیر الی کوهن ګواښ وکړ چي دا ډول کړنی به هیڅ ونه بخښل سي. حماس پر اسرائيل باندی د برید پرمهال په لسهاوو اسرائيليان له ځان سره ژوندي بیولي دي.
انځور: Mahmud Hams/AFP/Getty Images
