د یوې نظر پوښتني پر اساس په جرمني کي جمهوررئيس ترمپ ته د تر ټولو خطرناکه جمهوررئيس په سترگه کتل کیږي. هغه د روسیې او شمالي کوریا تر جمهوررئيسانو، ولاد یمیر پوتین او کیم یونگ هم مخکي دی.
انځور: Reuters/L. Millis
اعلان
د نظریاتو د تحقیقاتي کمېسيون، یوگو- YouGov د یوې تازه نظر پوښتني پراساس، چي د المان خبري آژانس،dpa په فرمایش يې کړې ده، د نړۍ د سولي او امنیت له پاره ترمپ ته د ایران تر روحاني رهبر ایت الله علي خامينه اي او چین تر جمهوررئيس شي جین پینگ هم د خطرناک جمهوررئيس په سترگه کتل کیږي.
په نظر پوښتنه کي د پوښتل سوو کسانو ۴۱ سلنه ویلي دي چي ترمپ تر دغو پنځو کسانو هم د نړۍ سولي او امنیت ته خطرناکه دی.۱۷ فیصدو کیم یونگ اون، ۸ فیصدو پوتین او ۷ فیصدو شي خطرناکه بللی دی.
انځور: Reuters/C. Hartmann
له ۲۰۲۴ کسانو څخه پوښتني
پروسږکال هم د دغي مؤسسې یوې مشابه نظر پوښتني تقریبأ عین تصویر ورکړی ؤ. خو هغه وخت فقط د درو جمهوررئيسانو، یعنی ترمپ، کیم او پوتین په باب پوښتني سوي وې. د همدې عیسوي کال د ډسمبر د ۱۶ څخه تر ۱۸ مي پوري په دغه تازه نظر پوښتنه کی د ۲۰۲۴ کسانو څخه پوښتني سوي دي.
د کانتار انستیتوت په یوه مشابه نظر پوښتنه کي چي د فونکه رسنیو په فرمایش یې کړې ده، اکثریت جرمنیان بیا تر خپلي صدراعظمي انګيلا ميرکل ډیر د فرانسې پر جمهوررئيس ایمانوییل ماکرا باندي اعتماد لري.
تر ټولو زاړه واکمنان څوک دي؟
۷۰ کلن دونلد ترمپ د امریکا تر ټولو زيات عمر لرونکی ولسمشر دی. خو په نړۍ کي تر هغه زيات عمر لرونکي واکمنان هم سته. په دغه انځوريز راپور کي يې وپېژنئ:
انځور: Getty Images
۸۰ کلن، سلمان بن عبدالعزيز السعود، سعودي عربستان
سلمان بن عبدالعزيز السعود د سعودي د مخکني پاچا عبدالله تر مړيني وروسته د ۲۰۱۵ کال په جنورۍ کي د سعودي پاچا سو.
عبدالحليم معظم ۸۸ کاله عمر لري او ښايي د هيوادونو د واکمنانو تر ټولو لوی نوم هم د ده وي. د هغه بشپړ نوم داسي دی: سرالمعتصم باللہ محب الدین توانکو الحاج عبد الحلیم معظم شاہ ابن المرحوم سلطان بادلیشاہ
انځور: Reuters
۸۹ کلن، باجي السبسي، تونس
باجي السبسي په ۲۰۱۴م کال د تونس د ولسمشر په توګه لوړه وکړه. د دې څخه تر مخه هم نوموړي تقريبا ۵۰ کاله په سياست کي تېر کړي.
