په افغانستان کي د تروريستي ډلي «اسلامي دولت» (داعش) وروستي انځورنه ښيي چي دوی څرنگه له کوچنيانو څخه د تروريستي هدفونو او تبليغاتو له پاره کار اخلي.

دغه انځورونه د اگست مياشتي پر اوله نېټه په کونړ ولايت کي اخيستل سوي دي. کونړ له پاکستان سره اوږده پوله لري او ويل کيږي چي هلته ډېر پاکستاني طالبان پټيږي.

د تروريستانو له خوا د کوچنيانو د روزني يوه برخه. تروريست خپل مخ پټوي خو کوچنيان چي روزي د هغوی مخونه نه پټوي.

تروريستي سازماان «اسلامي دولت» تر دې دمخه د يوې جغرافيايي نقشې په خپرولو سره حتی د افريکا او اروپا ځيني برخي په خپل «خلافت» کي شاملي گڼلي دي.

له کوچنيانو څخه د تروريستي هدفونو له پاره کار اخيستل د داعش پخوانی کار دئ. کوم انځورونه چي د دغي تروريستي ډلي له خوا له عراقه خپاره سوي، ښيي چي دوی څرنگه کوچنيان پر تروريستي بريدونو کي کاروي.

څه موده مخکي وسله والو طالبانو په افغانستان کي داعش ته گواښ وکړ، چي د افغانستان په «جهاد» کي مداخله نه کوي. په افغانستان کي ځيني طالبان له داعش سره يو ځای سوي دي.

پر کوچنيانو باندي هر ډول خبره ډېر ژر اغېزه کوي او په دې سره په اسانۍ سره سړی کولای سي هغوی «جهاد» ته تيار کړي. ځکه نو تروريستي ډلو لکه داعش د کوچنيانو روزلو ته مخکه کړې ده.

څه موده دمخه د افغانستان د ملي امنيت ادارې خبر ورکړ چي په دغه هيواد کي ئې د حافظ سعيد په نوم د داعش يو قوماندان له خپلو ۳۰ انډيوالانو سره په يوه هوايي يرغل کي وژل سوی دئ.

په دې وروستيو کي د وسله والو طالبانو څو قوماندانان له تروريستي ډلي اسلامي دولت سره يو ځای سول او د افغانستان په ختيځ کي دغه ډله نوره هم پياوړې سوه.

سیمه ییز اوسیدونکي وایي چې داعش یې ډیر شمیر کورونه سوځولي دي.

ډیر شمیر ځايي خلک د جګړې له ویرې د خپلو کورونو پریښودو ته اړ شوي.

ځايي اوسیدونکو دویچه ویله ته ویلي چې د داعش جنګیالي آن ښځې او ماشومان وژني.

تر دې مخکې په دې سیمه کې د داعش پر ځایي پاڅون هم شوی وو.

اوسه په سیمه کې د دولتي ځواکونو او داعش تر منځ جګړه روانه ده.

حکومت وایي چې په جګړه کې یوازې شپږ تنه ملکي وګړي وژل شوي، خو ځایي اوسیدونکي بیا د ملکي تلفاتو شمیره ډیر لوړه ښيي.

ډیر شمیر ځایي اوسیدونکي خپل هر څه پریښي او له کوټ ولسوالۍ څخه تښتیدلي دي.