د هندوستان په پلازمينه کې د رسمی چارواکو او خبري سرچينو د رپوټونو له مخې د کرونا په ويروس د اخته کسانو شمير په دغه ښار کې ډير زيات شوی دی. د دوي په خبره د دې احتمال شته چې د دغه ښار روغتیايي سیستم له ستونزو سره مخ شي. د ډهلي يوه چارواکي منیش سیسودا خبردارې ورکړی چې په اوس وخت کې د کرونا په ويروس اخته کسانو شمير ۲۹۰۰ زره دی، کيدای شي د جولاې مياشتې تر پايه پورې تر ۵۵۰ زرو پورته شې.
د هندوستان دغه چارواکي ویلې چې تر هغه مهاله ۸۰ زره بسترو ته اړتیا ده. دا په داسې حال کې ده چې تر اوسه د دهلي په روغتونو کې يوازي ۹۰۰۰ بستره شتون لري.
سيسودا ټينګار کړې چې اوس مهال په کرونا د اخته کسانو شمیر کولې شی د ډهلې له پاره «په یوې سترې ستونزې» واوړې. په ډهلې کې له شل ميلونه څخه زيات وګړې ژوند کوي.
هندوستان چې ۱،۳ ميليارده نفوس لري د مارچ په میاشت کې د کرونا خپريدلو مخنیوی په موخه يې محدودیتونه رامنځ ته کړل. خو په اوس وخت کې په دغه هیواد کې د اقتصادي فعالعیتونو او په تدریجې ډول د محدویتونو په لغوه کولو سره په کرونا د اخته کسانو په شمير کې زياتوالي انديښنې راپورته کړي. تر اوسه پورې دلته د کرونا ۲۶۷ زره مثبتې پېښې ثبت شوي، چې دې شمير سره هندوستان په نړۍ کې پنځم هیواد دی چې د کرونا ډير شمير ناروغان لري.
زموږ له آرشيف څخه:
کرونا ویروس؛ په نړۍ کې پر ګرځیدو بندیز څرنګه تطبیقیږي؟
د کرونا ویروس د وبا په ترڅ کې د نړۍ په کچه قانون نافذونکي ځواکونه په دې هڅه کې دي چې په کورونو کې د پاتیدو امر تطبیق کړي. په دې هکله د هر هیواد چلن جلا دی. په ځینو هیوادونو کې خلک نیول کیږي او د ځینو چلن بیا مهذبه دی.
انځور: Reuters/P. Ravikumarد افغانستان د کورنيو چارو وزارت د چهارشنبې په ورځ په کابل ښار کې ۱۶۰۰ پوليس په دنده وګمارل تر څو په دغه ښار کې د خلکو د غير ضروري تګ راتګ مخنيوی وکړي.
د بنګله دیش په پلازمېنه ډاکه کې پر ګرځیدو د بندیز امر مراعاتونکو پولیسو، دغه کس نیولی دی.
د نیپال په پلازمېنه کټمنډو کې پولیسو یو کس نیولی دی چې د حکومت له خوال لګول شوی پر ګرځیدو بندیز یې نه وو مراعات کړی.
د هند په چینایي کې د اپریل میاشتې په لومړۍ نیټه پولیس د ګرځبندیز د نه مراعاتولو له کبله ځایي اوسیدونکو ته جزا ورکوي.
د تایلنډ پولیس چې محافظتي ماسکونه یې اغوستي، د اپریل په دریمه نیټه په بنکاک کې د تالاشۍ په یوه پوسته کې پر موټرسایکل سپور کس درولی دی.
د اپریل میاشتې په لومړۍ نېټه د هند په احمد آباد کې چټک ځواک په ګزمه راوتیل او له خلکو غواړي چې په خپلو کورونو کې پاتې شي.
پولیس د کرونا ویروس د خپریدو د مخنیو د هڅو په ترڅ کې غواړي د سمندر پر غاړه خلک تیت او پرک شي. دغه انځور د سومالیا په موګادیشو کې د اپریل میاشتې دریمه نېټه اخیستل شوی دی.
یو پولیس د بریتانيا په برایټن کې د سمندر پر غاړه ناست له یوه کس سره خبري کوي. دغه انځور د اپریل میاشتې په څلورمه نېټه اخیستل شوی دی.
د کرونا ویروس د خپریدو د مخنیو په ترڅ کې په اسرائیلو کې هم له خلکو غوښتل شوي چې په کورونو کې پاتې شي. پولیس یو یهودی د دغه امر د نه مراعاتولو له کبله نیولی دی. انځور د مارچ میاشتې په ۳۰مه نېټه اخیستل شوی دی.
دغه انځور چې د ګواتمالا هیواد په ګواتمالا ښار کې د اپریل میاشتې پر دریمه نېټه اخیستل شوی دی، لیدل کیږي چې د دغه هیواد د ملي پولیسو غړي هغه کسان تر نیول کیدو وروسته بدرګه کوي چې ګرځبندیز یې نه دی مراعات کړی.
لاس اینجلس، کلیفورنیا، متحده ایالات
د لاس اینجلس د پولیسو څانګې افسران په یونین ریل سټیشن، کې د هغو کسانو اسناد ګوري، چې ورته د تګ اجازه ورکړل شوې ده. انځور د اپریل د څلورمې نېټې دی.
د مسکو په سره میدان کې د پولیسو یوه افسره د ښار د جزوي بندیدو وروسته پلي کسانو ته لارښوونه کوي. انځور د مارچ میاشتې د ۳۱مې نېټې دی.
پولیس له خلکو غواړي چې د سمندر ساحل پریږدي. دغه انځور د مارچ میاشتې په ۲۸مه نېټه اخیستل شوی دی.
په کیپ ټاون کې هم پر ګرځیدو بندیز په سخته څارل کیږي. انځور په سیولي افریقا کې کیپ ټاون ته څیرمه د مارچ په ۲۷مه اخیستل شوی دی.
