د پاریس په لوېدیځ سورن ښار کي یوې ۱۸ کسیزي ډلي د ۱۴۳ متر او ۵۳ سانتي متره په اوږدوالي دغي ډوډۍ په پخولو سره د گینس نړیوال کتاب په ریکارډونو کي یو تازه ریکارډ ثبت کړ.
ایټالیا په تیرو پنځو کلونو کي په نړۍ کي د تر ټولو اوږدې ډوډې «باگت» ریکارډ درلود چي د کوموی ښار نانوایانو په لاس پوخ سوی باگت یې څه د پاسه ۱۳۲متره اوږد وو. خو د یکشنبې په ورځ فرانسوي نانوایانو دغه ریکارډ مات کړ.
دغهډوډۍ په هغه پروګرام کي چي د فرانسې د نانوایانو او قنادانو د کنفدراسیون له پاره جوړه سوې وه، پخه کړای سوه.
د فرانسې د نانوایانو او قنادانو د کنفدراسیون مشر دومنیک انترکت، وویل: «په لاس جوړ سوي د تر ټولو اوږد باگت د ریکارډ ټینگول، ډله ایزي همکارۍ او ریښتني روحیې ته اړتیا لري.... ډوډۍ یو اغیزمن ماشین دی او باگت ډوډۍ زموږ د غذايي میراث یوه اساسي برخه ده.»
د گینس د مقرراتو له مخي، باگت ډوډۍ د یونسکو په نړیوالو میراثونو کي ثبت سوې ده، هغه باید لږترلږه ۵ سانتي متره ډبله او شاوخوا ۶۰ سانتي متره اوږده وي. د هغې وزن باید څه ناڅه ۲۵۰ گرام وي او د هغې په تولید کي باید یوازي اوړه، اوبه، مالگه او خمیرمايه وکارول سي.
د کروسان فرانسوي ډوډۍ ځانګړتیاوي
03:49
This browser does not support the video element.
هغو نانوایانو چي د دغي ډوډۍ په پخولو کي برخه اخیستې وه، ویلي دي چي د دغه ۱۵۲ کیلو گرامي باگت د اوړو د آماده کولو کار یې د شپې پر شاوخوا دریو بجو پیل کړ. د دغه باگت د پخولو له پاره ۹۰ کیلوگرامه اوړه، ۶۰ لیټره اوبه، یو اشاریه ۲ کیلوگرام مالگه او یو اشاریه ۲ کیلوگرامه خمیرمایه کارول سوې ده.
دغه باگت وروسته په څرخ لرونکی داښ کي چي په ځانگړي ډول جوړ سوی دی، پوخ سو.
هغه زیاته کړه:«زه د سورن نانوایانو ته مبارکي ورکوم چي د دغه باگت په پخولو کي یې گډون کړی وو او په دغه عنعنه کي چي زموږ د ښار د نیک شهرت له پاره یو اساس دی، هره ورځ برخه اخلي.»
له هغه وروسته چي د گینس د کتاب مسئولینو د نړۍ د تر ټول اوږد باگت شهادتنامه ورکړه، دغه ډوډۍ پرې سوه، یوه برخه یې ننداره کوونکو او نوره پاته یې پر بې کوره کسانو باندي وویشل سوه.
نړېوال ريکارډ؛ د اور لګیت له لرګیو جوړ د ایفل برج
فرانسوي ريچارد پلاوډ د اور لګیت یا ګوګړو له لرګيو څخه د ایفل تر ټولو لوړ برج جوړ کړی. په دغه برج کې د اور لګیت څه باندې ۷۰۶زره لرګي او ۳۲ کیلو سريښ کارول شوي دي. په جوړولو یې ۴۲۰۰ ساعتونو، څه باندې اته کاله تېر شوي دي.
انځور: Richard Plaud/IMAGO
اته کاله خواري
فرانسوي ريچارد پلاوډ د اور لګیت یا ګوګړو له لرګيو څخه د ایفل تر ټولو لوړ برج جوړ کړی. په دغه برج کې د اور لګیت څه باندې ۷۰۶زره لرګي او ۳۲ کیلو سريښ کارول شوي دي. په جوړولو یې ۴۲۰۰ ساعتونو، څه باندې اته کاله تېر شوي دي.
انځور: Richard Plaud/IMAGO
د کلونو ثمره
پلاود د برج تر جوړوېدو وروسته روانه اوونۍ وويل چې هغه داسې احساس کوي لکه د تفريحي اورګاډي په کابین کې چې ناست وي. هغه رويټرز ته وويل: «ما د اتو کلونو له پاره تل دا فکر کاوه چې د ګوګړو یا اور لګیت له لرګيو تر ټولو لوړ ساختمان جوړ کړم.»
انځور: Richard Plaud/IMAGO
د اور لګیت یا ګوګړو د ډکو استفاده
پلاوډ له عادي ګوګړو چې په بازار کې خرڅيږي، استفاده کړې خو د هغو تور سرونه ېې قطع کړي دي. اما هغه له دغه کاره ستړی شو او له کارخانې ېې غوښتنه وکړه تر څو ورباندې د اور لګیت ساده ډکې خرڅ کړي.
انځور: Richard Plaud/IMAGO
د ګينس د نړېوال ريکارډونو ادارې هرکلی
د ګينس د ريکارډونو کتاب په ابتدا کې د پلاوډ پروپوزل رد کړ خو وروسته ېې ورڅخه هرکلی وکړ.
انځور: Richard Plaud/IMAGO
تیار لکه اصلي
د ګينس نړيوال ريکارډونو مشر، مارک مک کينلي وويل: «موږ واقعاً هيجاني او خوښ شولو چې وتوانيدو دا تصدیق کړو.» هغه وويل چې دوی د اور لګیت د نوعیت په هکله په ابتدا کې يو څه ګيچ شوي وو، خو په رسمي توګه د ریچارډ پلاوډ هڅې حېرانوونکي دي
د فرانسې په پاریس ښار کې د ایفل برج فرانسوي انجنیر الکساندر ګوستاف (۱۸۳۲-۱۹۲۳) ایفل طراحي او جوړ کړی. دغه فرانسوی انجنیر تر ډېره د همدې برج په خاطر مشهور دی.
انځور: CPA Media Co. Ltd/picture alliance
نړېوال شهرت
په فرانسه کې د ایفل برج د نړۍ له ډېر ليدونکي او نوموتو سيل ځایونو څخه دی. هر کال د نړۍ له مختلفو برخو څخه په ميلیونونو سیلانیان پاریس ته ځي او د دغه برج کتنه کوي.
انځور: Ph Lavieille/MAXPPP/IMAGO
د پاریس ايکسپو
فرانسې د ایفل برج په پاریس کې د ۱۸۸۹ ایکسپو یا نړېوال نندارتون په مناسبت جوړ کړ. دغه انځور د ۱۸۸۸ کال په شاوخوا کې د برج د جوړېدو پر مهال احیستل شوی دی.
