د رويټرز خبري آژانس د یکشنبې ورځې (د جون ۷مه) رپوټ په حواله، په ټوله نړۍ کې د کرونا ناروغۍ ثبت شوې مثبتې پيښې یا رسمي شميرې څه باندې ۶ میليون او ۹۰۰ زرو ته رسيدلي دي. د مړو شمیر بيا ۳۹۹ زره او ۲۵ ته رسيدلی دی.
اوس مهال امريکا متحده ایالات، د نړۍ د ۲۱۰ هیوادونو او سيمو په منځ کې د ۱،۹۳۲،۳۶۰ مثبتو پيښو او ۱۰۹،۳۶۰ مړينو په درلودلو، په لومړي ځای کې قرار لري.
تر متحده ايالاتو وروسته برازيل، روسيه او بريتانيا د ډيرو مثبتو پيښو په درلودلو په ترتيب په دوهم، دريم او څلورم ځای کې دي.
افغانستان په دغه نوملړ کې په ۴۱ ځای کې قرار لري. په رپوټ کې ويل شوي چې په افغانستان کې تر اوسه ټولټال د کرونا ناروغۍ ۱۹ زره او ۵۵۱ مثبتې پيښې ثبت شوي او ۳۲۷ تنه مړه شوي دي.
په ورته وخت کې چینايي ډاکترانو په يوې نوې څيړنه کې موندلې چې د وينې ګروپونه هم د کرونا ناروغۍ پر وړاندې مقاومت او برخلاف د ناروغۍ د شدت په ډيريدو کې رول لري.
يوه نوې څيړنه ښيي چې د وينې O او A ګروپونه هم په کرونا ناروغۍ کې خپل تاثير لريانځور: picture-alliance/AP Photo/University of Oxford د دغې څيړنې مطابق، هغه ناروغان چې د وينې ګروپ يې +A وي د کرونا ناروغۍ پر وخت تر ټولو ډير د تنفسي ستونزې له خطر سره مخ کیږي. برخلاف د کرونا هغه ناروغان چې د وينې ګروپ يې د O له ډول څخه وي، د کرونا ويروس پر وړاندې يې د بدن دفاعي سيستم ډير ښه وي.
چينايي داکترانو تر دې مخکې په خپلو څيړنو کې موندلې وه چې د کرونا ناروغۍ په قربانيانو کې په اوسط ډول د A ګروپ وينې درلودونکي کسان ډير دي. خو د A ګروپ وينې درلودونکي کسان بيا بر خلاف د کرونا پر ځای، د طاعون ناروغۍ پر وړاندې ډير مقاومت لري.
له بل لوري، پوهان له ډير وخت راهيسې په دې نظر دي چې هغه کسان چې د وينې ګروپ يې O دی، ډير لږ په ملاريا ناروغۍ اخته کیږي.
د چيني داکترانو د څيړنې نوي نتايج اوس د ناروې او آلمان د داکترانو د پام وړ هم واقع شوي دي.
آژانسونه/ دويچه ويله فارسي/م.ک.ص/ص.ن
د کرونا ناروغۍ په هکله زموږ له آرشيف څخه يو انځوريز البوم:
»د هرات د حوزوي روغتون ۶۰ فیصده پرسونل په کرونا اخته سوی«
د هرات د روغتیا ریاست د ارقامو پراساس په دغه ولایت کي هره ورځ په متوسط ډول ۲۰۰ تنه په کرونا اخته کیږي. دهرات د حوزوي روغتون سرطبیب ویلي،چي ددغه روغتون ۶۰ فیصده کارکونکي هم په کرونا اخته سوي دي. انځور: DW/S. Tanha په هرات کي په کرونا ډیر کسان اخته سوي تر اوسه پوري په ټوله افغانستان کي ۱۸ زره او ۴۵ کسان په کرونا اخته سوي دي. تر کابل وروسته په هرات کي تر ټولو ډیر کسان په کرونا اخته دي. صحي پرسونل د کرونا سره د مبارزې به لمړي صف کي قرار لري.
انځور: DW/S. Tanha د هرات د روغتیا په ریاست کي ثبت سوو ارقامو پراساس هره ورځ په دغه ولایت کي تر ۲۰۰ تنه ډیر په کرونا اخته کیږي او صحي پرسونل باید بیله وقفې څخه کار وکړي. تیره میاشت لا هلته تر ۵۰ تنو لږ په کرونا اخته کیدله.
انځور: DW/S. Tanha په کرونا باندي د صحي پرسونل اخته کیدل د هرات د حوزوي روغتون سرطبیب ډاکتر محمد عارف جلالي وايي، چي ددغه روغتون د ۱۰۰۰ کارکونکو د جملې څخه ۶۰ فیصده په کرونا باندي اخته سوي دي. خو بیا هم هغوی په ډیري لوړي روحیې سره د خپلو مریضانو په خدمت کي دي.
انځور: DW/S. Tanha دهرات حوزوي روغتون ته هره ورځ ډیر مریضان مراجعه کوي دغه روغتون ته هره ورځ په لسهاوو کسان د کرونا ویروس د ټست کولو پخاطر مراجعه کوي او پر پرسونل باندي یې فشار ډیر دی.
انځور: DW/S. Tanha د کرونا د معالجې لږ مرکزونه په اوس وخت کي په هرات کي فقط درې صحي مرکزونه ۲۴ ساعته د کرونا ویروس د مریضانو د معالجې پخاطر فعالیت کوي.
انځور: DW/S. Tanha افغان مسؤلو چارواکو ویلي ، چي په کرونا اخته مشکوکو کسانو تر لس فیصده لږ نمونې، چي اخیستل کیږي، ټست کیږي او حداقل ۳۰ فیصده یې مثبتي وي. بین المللي سره صلیب پرون پنجشنبه)د جون میاشتي ۴ مه( خبرداری ورکړ، چي افغانستان د یوه صحي بحران په درشل کي قرار لري.
انځور: DW/S. Tanha په کرونا مبتلا اکثرأ ډیر نارینه اخته سوي د افغانستان د صحت عامې د وزارت د ارقامو پر اساس تر اوسه پوري په هرات کي ۳۰۰۰ تنه په کرونا اخته سوي دي، چي ډیرئ یې نارینه وه. تر اوسه پوري هلته ۵۷ تنه دکرونا ویروس څخه مړه سوي دي.
انځور: DW/S. Tanha د صحي توصیو پر رعایت کولو باندي ټینګار صحي مسؤلینو همیشه دخلګو څخه غوښتي دي، چي صحي توصیې او قواعد مراعت کړي. د صحت عامې د وزارت معاون وحید مجروح ویلي، چي که سړی د کرونا په ارتباط صحي توصیې، د هغې جملې څخه یو دبل سره فاصله مراعت نه کړي، نو به »کوڅې او سړکان د مړو څخه ډک سي«
انځور: DW/S. Tanha
