نیکوتین پر میکروګلیا باندي چي په مغز کي یو ډول معافیتي حجره ده، د اغیز پروخت، د مغز سرطان رامنځته کوي. پلټونکي دې نتیجې ته رسیدلي چي نیکوتین میکروګلیایی حجرې له M1 شکل څخه چي د تومورونو د له منځه وړو سبب کیږي، یوه بل شکل ته چي M2 نومیږي اړوي چي دا بيا د سرطاني حجرو له پرمختګ سره مرسته کوي.
انځور: picture-alliance/dpa/A. Kryazhev
سربیره پر دې پلټونکي ټیم پر سرطاني حجرو باندي د نیکوتینو د اغیز او یا د هغه د بندولو له پاره یوه لار پیدا کړې. پارتنولید چي یو طبیعي ترکیب دی او په اروپايي بابونه بوټي کي پیدا کیږي، په مغز کي د متاستاتیک تومور د مخنیوي په برخه کي چي د نیکوتینو تر ګواښ لاندی دی، مرسته کوي. د پلټونکو په خبره د درملني دغه لار له میکروګلیا سره مرسته کوي چي خپل اصلي شکل وساتي.
د کارپوهانو په حواله، په اوس وخت کي د مغز د سرطان یوازینۍ درملنه د شعاوو په مرسته ممکنه ده. دا ځکه چي د کیمیاوي درملني دارودرمل نه سي کولای په مغز کي د ويني د فشار په ځای کي د وینو له خنډ څخه تیر سي خو پارتنولید دا ځانګړتیا لري او کولای سي د مغز د متاستاتیک تومور په مخنیوي کي یوه ښه کړنلاره وي.
زموږ له آرشیف څخه:
د سګرتو له پریښودو سره په بدن کې کوم بدلونونه رامنځ ته کیږي؟
د هر سګرت له وهلو سره د انسان بدن ته ۲۰ ډوله زهري مادې رسیږي. دغه زهري مادي د انسان بدن ته ډیر تاوان رسوي. خو کله چې انسان سګرت پریږدي نو لږ موده وروسته بدن بیرته رغیږي.
انځور: Fotolia/Rumkugel
۲۰ دقیقې له سګرتو پرته
تر وروستي سګرت ۲۰ دقیقې وروسته د زړه ضربې او د وینې فشار بیرته خپل عادي حالت ته راځي. په سګرتو کې موجود نیکوتین سمپاتیک اعصاب تحریکوي. دغه اعصاب د زړه ضربې او د وینې فشار لوړوي.
انځور: Fotolia/Andrei Tsalko
۱۲ ساعته له سګرتو پرته
که سړی ۱۲ ساعته سګرت دود نه کړي نو د وینې مونواکسید کمیږي او خپل طبعيي حالت ته راځي او په بدل کې یې د وینې اکسیجن لوړیږي. مونواکسید کربن د سګرتو د دود یوه برخه ده چې د ویني جریان ته داخیلیږي او په ویني کې د اکسیجن د جذبیدو مخه نیسي.
انځور: Fotolia/ Gina Sanders
دوه ورځې له سګرتو لیري ژوند
که سړی دوه ورځې سګرت و نه کاروي نو د لید او بوی حسونه یې ښه کیږي. د سګرتو دود دغه دوه حسونه تر فشار لاندې راوړي.
له سګرتو درې ورځې لیرې ژوند
که سړی درې ورځې سګرت دود نه کړي نو سږي آرامیږي او نفس اخیستل اسانه کیږي. په دې وخت کې په بدن کې نیکوتین نه وي د سګرتو پریښودو نښانې لا څرګندیږي. په دغو علایمو کې د سر درد او عضلاتو خسته ګي شامله وي.
انځور: Andrzej Wilusz/Fotolia
د سګرتو تر پریښودو څو میاشتې وروسته
د سګرتو تر پریښودو څو میاشتې وروسته وینه ښه کیږي. د سږو ظرفیت هم لوړیږي. انسان کم ټوخیږي.
