هسپانيا فلسطيني مهاجرو ته مرسته رسوونکي سازمان سره مرسته کړې
۱۴۰۲ اسفند ۱۸, جمعه
هسپانيا ويلي دي چې د فلسطيني مهاجرو له پاره د م.م. مرستندوی سازمان سره د اضافي ۲۰ ميلیونه يورو مرسته کوي. کاناډا هم ورته اعلان کړی دی. په وروستیو کې د اسرائيل د مخالفت له کبله د سترو ډونرانو لخوا دغه مرستې ځنډول شوي دي.
انځور: Anjum Naveed/AP/picture alliance
اعلان
د هسپانیا د بهرنیو چارو وزير، خوزه مانويل الباریس، د پنجشنبې په ورځ وويل چې د هسپانیا حکومت له خوا د دغو مرستو د ادامې تصمیم، په غزې تړانګه کې د فلسطيني مهاجرو ډراماتيک وضعیت ته په کتو نيول کيږي. هغه ويلي دي چې هسپانیا غواړي په دې تړاو په نژدې ختيځ کې د فلسطينی مهاجرو له پاره د ملګرو ملتونو د مرستو او کار له سازمان (UNRWA) سره همکاري وکړي.
د آلمان خبري آژانس د رپوټ پر اساس، الباریس دغه خبرې په مادرید کې د ملګرو ملتونو د یاد سازمان له مشر، فلیپ لازاريني، سره تر کتنې وروسته کړي دي.
هسپانوي وزير ژمنه وکړه چې د هسپانيا حکومت به له یاد مرستندوی سازمان سره «مهم کار» ترسره کوي. هغه وويل دغه پیسې به د زرونو فلسطينی کورنیو له پاره د غذايي موادو، زدکړې او روغتيايي خدماتو په برابرولو کې لګول کیږي.
هسپانيا د فبروري میاشتې په سر کې هم له UNRWA سره درې نیم میلیونه یورو ځانګړې مرستې اعلان کړی وو.
د ملګرو ملتونو مرستندوی سازمان (UNRWA) له ۱۹۴۹ راهیسې د فلسطيني مهاجرو له پاره د تعلیم او روغتیا په ګډون د اړتیاو په برابرولو کې کار کويانځور: Thomas Imo/photothek/picture alliance
په وروستيو کې د امریکا متحده ایالاتو او آلمان په ګډون له لسو ډېرو سترو ډونرو هېوادونو د فلسطينی مهاجرو له پاره د ملګرو ملتونو له یاد سازمان سره د مرستو بهیر په تعویق کې حالت کې راوست.
دوی وروسته له هغې دغه مرستې وځنډولې چې اسرائيل ادعا وکړه چې د دغه مرستندوی سازمان په لسونو کارکوونکي پر اسرائيل د اکتوبر ۷مه تروریستي حمله کې چې د فلسطيني ډلې، حماس، لخوا ترسره شوه ښکيل دي. د دغې ادعا په تړاو ترسره شوي تحقیقات لاتر اوسه بشپړ شوي نه دي او اسرائيل هم تر اوسه په دې تړاو د حقیقت موندنې کميټې ته اسناد نه دي سپارلي.
په عین وخت کې کاناډا هم غواړي چې یو ان آر ډبليو اې سره خپلې مرستې بېرته له سره پيل کړي.
ډيپلوماټيکو سرچينو د پنجشنبې په ورځ په نیویارک کې د آلمان خبري آژانس ته ومنله چې اوتاوا به ډېر ژر له (یو ان آر ډبلیو اې) سره په خپلو مرستو کې د ډېروالی اعلان وکړي. د امریکا متحده ایالاتو ولسمشر جو بایدن هم په خپلو وروستیو خبرو کې له غزې سره پر بشري مرستو ټينګار کړی دی.
وروسته له هغې چې اسرائيل وویل د (یو ان آر ډبلیو اې) سازمان غړي هم پر اسرائيل حمله کې ښکيل ول، يو شمېر لویو هېوادونو خپلې مرستې ودرولېانځور: Abed Rahim Khatib/Anadolu/picture alliance
یو ان آر ډبليو اې له ۱۹۴۹ راهیسې د روغتیا او تعلیم په ګډون مختلفو برخو کې د فلسطيني مهاجرو د اړتیا په برابرولو کې کار کوي. په دغه سازمان کې تر ۳۰زرو ډېر کسان کار کوي چې شاوخوا ۱۳زره ېې په غزې تړانګه کې فعالیت کوي.
په داسې حال کې چې له څو میاشتو راهیسې په غزې تړانګه کې د اسرائيل د ځواکونو پر له پسې حملې جریان لري، دغه مرستندوی سازمان ته د څه باندې دوه میلیونه فلسطينی مهاجرو ته د مرستو رسولو د یوازيني بدیل په سترګه کتل کیږي.
په غزه کې د حماس او اسرائيل د ځواکونو ترمنځ روانه جګړه، له هغه وخته پيل شوې چې د ۲۰۲۳م کال د اکتوبر میاشتې پر ۷مه، حماس ډلې پر اسرائيل حمله وکړه. د رپوټونو مطابق حماس په دغه حمله کې شاوخوا ۱۲۰۰کسان ووژل شول او تر ۲۵۰ ډېر نور ېې له ځانه سره غزې ته وتښتول.
د حماس وسله واله ډله پر نورو هېوادونو سربیره د امريکا متحده ايالاتو، آلمان، اسرائيل او اروپايي ټولنې له خوا د تروريستي سازمان په توګه درجه بندي شوې ده.
(dpa)mks/nz
له آرشیف څخه:
د ملګرو ملتونو مرستندوی سازمان (UNRWA) له ۱۹۴۹ راهیسې د فلسطيني مهاجرو له پاره د تعلیم او روغتیا په ګډون د اړتیاو په برابرولو کې کار کويانځور: Thomas Imo/photothek/picture alliance
د مرګ او ژوند په منځ کي د غزې د فلسطینیانو انځوریز راپور
غزه د بشري ناورین په درشل کي ده. د اکتوبرمیاشتي پر اوومه نېټه د حماس د ترهګریزو بریدونو په ځواب کي د اسرائيل د ځوابي بریدونه دوام لري، په غزه کي د وژل سویو او ټپیانو شمېر مخ پر ډېرېدو دی.
انځور: Fatima Shbair/AP/picture alliance
د اسرائيل درانه ځوابي بریدونه
پر اسرائيل د حماس د ناڅاپي تروریستي بریدونو په دوام، دغه هیواد هم پر غزه هوايي بریدونه وکړل چې د حماس ډلي په کنترول کي ده. اروپايي ټولنه، امریکا متحده ايالات او ځيني نور هیوادونه حماس تروريستي ډله ګڼي. د اکتوبر پر نهمه دوشنبه د اسرائيل لومړي وزیر بنیامین نتانیاهو وویل: «کوم څه، چي به موږ په راتلونکو ورځو کي له خپلو دوښمنانو سره کوو د دوی د راتلونکو نسلونو له پاره به لکه زنګ داسي وي.»
انځور: Belal Al SabbaghAFP/Getty Images
په غزه کي پراخي ویجاړۍ
د ملګرو ملتونو د بشري مرستو د همږغۍ دفتر(OCHA) په وینا نژدې ۸۰۰ تعمیرونه یومخ ویجاړي سوي دي او په سونو نور د اسرائيل په هوايي بریدونو کي تاواني سوي دي. راپورونه وايي، چي په سونو زره کسان اوبه نه لري.
انځور: Mohammed Talatene/dpa/picture alliance
د پاته سویو کسانو په لټه کي
د اسرائيل په هوايي بریدونو کي د غزې تراډي په شمال کي د جبالیه کډوالو پنډغالي له منځه تللي او ژغورونکي کوښښ کوي، چي پاته سوي ژوندي کسان وژغوري. هغه شمیرې چي د پنجشنبې په ورځ خپرې سوي دي، د دواړو لوریو قربانیان تر۲۵۰۰ زیات دي. لږ تر لږه ۱۲۰۰ اسرائيليان او ۱۳۰۰ فلسطینیان وژل سوي دي په زرهاوو کسان ټپیان دي.
انځور: Mahmud Hams/AFP/Getty Images
د ښځو فرياد
مړي په یوه موټر کي وړل کیږي او یوه فلسطینۍ ښځه بوغاري وهي . په غزه کي د روغتیا مسؤلان وايي تر ۱۴۰ ډېر کوچنیان او ۱۰۰ ښځي وژل سوي دي.
انځور: Said Khatib/AFP/Getty Images
غزه کلابنده سوې ده
فلسطینیان په یوه زاړه مني بس موټر کي د اسرائيل له انتقامي هوايي بریدونو څخه تښتي. د ملګرو ملتونو د یو راپور پربنسټ په غزه کي ۱۸۷ زره کسان بې ځایه سوي دي. ۱۳۷ زره کسانو د ملګرو ملتونو په ښوونځیو کي او ۴۰ زره په شخصي کورونو کي پنا اخیستې ده. امکان نه لري، چي د غزې تراډه دي یومخ پرېږدي. اسرائيل دغه سیمه محاصره کړې او د مصر لار يې هم تړلي دي.
انځور: Saleh Salem/REUTERS
اسرایلي ځواکونه د غزي تراډي پوله خپله مهاروي
د اسرائيل ځواکونه د غزې تراډي پر پوله ګزمه کوي. د حماس ډلي وسله والو د اکټوبر مياشتي پر اوومه پر پوله د اسرائيل درول سوی کټارې ماتي او دغه هیواد ته له ور اوښتلو سره یې عملیات شروع کړل، چي ډېری قربانیان يې ولسي وګړي ول. اسرائيل په ۱۹۹۴م کال کي د غزې پر پوله اغزن تار وغځاوه. په غزه کي د مصر سره پر پوله هم اغزن سیم درول سوی دی.
جان ایګلنډ د ناروې د کډوالو د شورا (NRC) عمومي منشي له CNN سره په مرکه کي خبرداری ورکړ، چي په غزه کي یو انساني ناورین سترګي په لار دی. «د بېلګي په ډول که چیري په روغتونونو کي د برېښنا د نشتوالي او لوږي له لاسه کوچنیان ومري، دا به جنګي جنایتونه وشمېرل سی.»
انځور: Mahmud Hams/AFP/Getty Images
یحیی سنوار، په غزه کي د حماس د سیاسي دفتر مشر
یحیی له ۲۰۱۷م کال راهیسي په غزه کي د حماس تروریستي ډلي مشر دی. هغه پر اسرائيل د برید له طراحانو څخه ګڼل کیږي. سنوار، چي د کډوالو په پنډغالي کي لوی سوی دی، ویلي دي: «موږ دا غوره ګڼو، چي شهیدان سوو، د دې پرځای، چي تر ظلم او سپکتیا لاندي ومروو.»
انځور: Mohammed Abed/AFP
د لوړي کچي فشار
د حماس ویاند خبري اژانسونو ته ویلي دي چي هر واري چي اسرائيل بیله خبرتیا پر غزه بمبار وکړي یو نیول سوی اسرائيلی به وژل کیږي. په داسي حال کي چی د اسرائيل د باندنیو چارو وزیر الی کوهن ګواښ وکړ چي دا ډول کړنی به هیڅ ونه بخښل سي. حماس پر اسرائيل باندی د برید پرمهال په لسهاوو اسرائيليان له ځان سره ژوندي بیولي دي.
