هغه کور د پولیسو پر مرکز بدلیږي چې هټلر په کې زیږېدلې وو
۱۳۹۸ آبان ۲۹, چهارشنبه
د اتریش حکومت تر یوه حقوقي دعوې وروسته پریکړه کړې چې د براوناو په ښار کې د آدولف هټلر د زیږیدو ځای او کور د پولیسو په یوه مرکز بدل کړي. د دې پریکړې هدف د دې مخه نيول دي چې دا کور د نازيانو د يادون پر ځای بدل شي.
انځور: picture-alliance/dpa/Maxppp
اعلان
د اتريش د کورنیو چارو وزارت اعلان کړی دی چې هغه کور ته به له تغیراتو راوستلو وروسته د پولیسو سیمه ایزه قوماني او د براوناو ښار د پولیسو د تحقیق څانګه انتقال کړي چې آدولف هټلر په کې زیږیدلی دی.
د دې کور د شکل او بڼې د بدلولو له پاره د نومبر په میاشت کې د اورپا په کچه د معمارۍ یوه سیالي په لاره اچول شوې ده. ټاکل شوې ده چې د ۲۰۲۰م کال په لومړۍ نیمایي کې د کارپوهانو یو پلاوی د تر ټولو ښې وړاندیز شوې طرحې په باره کې تصميم ونیسي.
د اتريش د کورنیو چارو وزیر ولفګنګ پیشورن، وویل: «په راتلونکي کې د پولیسو په وسیله له دې کور څخه د استفادې سره به له غلط فهمۍ څخه خلاص یو داسې پيغام واستول شي چې دغه ودانۍ به هیڅ کله هم د نازیانو د یادون په ځای بدله نه شي.»
که څه هم آدولف هټلر(۱۸۸۹-۱۹۴۵ م کال) چې وروسته پر یوه دیکتاتور بدل شو یوازې د خپل ژوند لومړنۍ څو میاشتې په دې کور کې تیرې کړي وې، خو دې ځای له ټولې نړۍ څخه نازیان ځانته را جلب کړي دي.
دې کور تر ضبطیدو وروسته، د ۲۰۱۷ م کال په لومړیو کې د اتريش جمهوریت پورې تعلق پيدا کړ. دا کور د اتریش حکومت او د کور مالک ترمنځ تر یوې اوږدمهالې حقوقي دعوې وروسته حکومت ته وسپارل شو. مخکې تر دې دا کور تر نږدې یوې پيړۍ پورې د ګرلنده پومبر، له کورنۍ سره وه او دوی یي مالکان وو.
چارلي چاپلين ۷۵ کاله مخکي د سیاست په برخه کي د نړۍ وضعیت د سینما پر پرده بیان کړ. د «ستر دیکتاتور» په نامه د هغه فيلم ډیر نندارچیان ځانته راجذب کړل. نازیان ډیر په غوسه ول. د هغه شهکارۍ اوس په یوه کتاب کي راټولي سوي.
انځور: Roy Export Company Establishment
د هغه د فيلم لومړۍ ننداره
نن ورځ هم د «ستر دیکتاتور »په نامه د هغه فيلم د ناسیونال سوسیالیزم په اړه د اوسني فيلم په شان ډیر د خندا وړ دی. چارلی چاپلین پر دې سلا سوی وو چي د هټلر ځانگړي عادتونه په ډیر مهارت او حاکمیت سره تمثیل کړي.
انځور: Roy Export Company Establishment
د ځناورو روزونکی
«ستر دیکتاتور» د دغه کمیډین له ښو فيلمونو څخه دئ. د «چارلي چاپلین د آرشیف» په نامه کتاب کي دغه فيلم د هغه د هنر او ژوند یوه مهمه برخه جوړوي. د دغه کتاب چاپونکي هغو مهمو آرشیفونو ته لاس رسی موندل، چي له چارلي چاپلین سره یې تړاو لاره. په هغه کي د چارلي چاپلین عالی عکسونه هم چاپ سوي. لکه دلته د سرکس په نامه فيلم کي د هغه یو عکس.
انځور: Roy Export Company Establishment
کُمیدی او تراژیدي
لکه څنگه چی وروسته د «ستر دیکتاتور» په نامه فيلم کي هم دا خبره رابرسیره کیږي چي د چارلي چاپلین له رازونو څخه د تراژیدي او کمیډی رولونو گډ ادا کول ول. د «طلا لټوونکي » په نامه په نړۍ کي مشهور فيلم کي نندارچیان ویني چي څرنگه یو څوک چي د لوږی له امله د مرگ له خطر سره هم مخامخ دی خو بیا هم د خندا له پاره یو څه لري.
انځور: Roy Export Company Establishment
یو نړیوال هنرمند
د «چارلي چاپلین د آرشیف» په نامه کتاب کي سړی لوستلای سي چي د هغه د فيلمونو د جوړولو په برخه کي څومره کارونه سوي، او نن ورځ خلکو ته ساده ښکاري. همدارنگه د هغه د شخصي ژوندانه په برخه کي هم ځیني صحنې ښوول کیږي. د مثال په ډول دلته هغه د «پاولیته گودارد» سره چی یوه لوبغاړې او په عین حال کي د هغه ماينه ده، د «عصري وختونو» په نوم فيلم کی لیدل کیږي.
انځور: Roy Export Company Establishment
د یوې پېړۍ هنرمند له خپلو اغېزو سره
د هغه د فيلمونو هنر په بیلابیلو برخو کي لیدل کیږي. په سینما، تصویرونو، کتابونو او کمیډي مجلو کي. چارلي چاپلین د «ترَمپ» په نوم فيلم کي د رول په برخه کی د شلمي پېړۍ په کلتوري تاریخ کي یوه مهمه څیره بلل کیږي.
انځور: Roy Export Company Establishment
بې وزلي او بډايي
د «ترمپ» په نامه فيلم له لومړي سره د هغه له مشهورو فيلمونو څخه شمیرل کیدی. خو چارلي چاپلین داسي یو څوک نه وو چی د یوه ساده ژوندانه پلوي وکړي. هغه یو وخت ویلي ول چی بې وزلي ماته هیڅ هم نه راښيي او برعکس د ژوندانه څخه ماته یو غلط تصویر راکوي.
انځور: Roy Export Company Establishment
د صامتو فلمونو څخه ږغیزو فلمونو ته
چارلي چاپلین هغه وخت په کار پیل وکړ چي سینماگانو لا ږغونه نه پیژندل. په دغه دوره کي هغه د فيلم په نړۍ کي یو نامتو لوبغاړی وو. د ږغ په رامنځته کیدو سره هغه وروسته له یو څه ستونزو سره مخامخ سو. بې له «ستر دیکتاتور» فيلمه هغه په نورو فلمونو کي پر کلماتو باندي ډیر حاکم نه وو.
انځور: Roy Export Company Establishment
د ښکلا په لټه کي
چارلی چاپلین په وار وار سره دا خبره کړې چی تل د ښکلاوو په لټه کی دی. د «چارلی چاپلین د آرشیف » په نامه کتاب چاپوونکي هم په خپل کتاب کی د هغه دا جمله ذکر کړې ده. نوموړی کتاب د یوې آلمانۍ مطبعې له خوا په انگلیسي ژبې چاپ سوی چی د فلمي کتابونو په ډله کی به د ۲۰۱۵ کال تر ټولو ښکلی کتاب وي.
