په وروستیو کې د هند او چین ترمنځ د ترینګلتیا تر زیاتیدو وروسته هند غواړي له روسیې څخه ۳۳ پوځي الوتکې او توغندي رانیسي. د دغه معاملې ارزښت شا او خوا ۴،۵ میلیارده یورو ته رسیږي.
انځور: picture-alliance/dpa/A. Denisov
اعلان
د هند د دفاع وزارت ویلي دي چې اوسني وضعیت او د پولو د دفاع له پاره د امنیتي ځواکونو د غښتلتیا د اړتیا په پام کې نیولو سره د تجهیزاتو د رانیولو پریکړه شوې ده. زیاته شوې ده چې له روسیې څخه د ۹۰۰ میلیونه یورو په ارزښت میګ-۲۹، ډوله ۲۱ جنګي الوتکې رانیول کیږي.
د دفاع وزارت په وینا پر دې سربیره هند غواړي له روسیې څخه سوخو-۳۰، ډوله جنګي الوتکې رانیسي. همداشان هند غواړي چې ۵۹ میګ -۲۹، جنګي الوتکي چې اوس ورسره دي مجهزي شي. هند له روسیې څخه د سمندري او هوایي توغندیو د سیستمونو د رانیولو هوډ لري. اوسمهال د هند تر نمیایي زیات پوځي تجهیزات د روسیې تولیدات دي.
د هند د دفاع وزارت په خپله اعلامیه کې د همالیه غرونو په لړۍ کې د چین او هند ترمنځ وروستۍ ترینګلتیا ته په مستقیمه توګه اشاره نه ده کړې او د ترینګلتیا د راکمولو له پاره د دوامداره خبرو اترو یادونه شوې ده.
د جولای میاشتې په نیمایي کې د همالیه په شخړه ایزې سیمه کې یوه پيښه د زیاتې توجه سبب شوه. د هند د دریځ له مخې پر پوله د دواړو هیوادونو ترمنځ یو آخ او ډب رامنځ ته شوی چې په پایله کې یې۲۰ هندي عسکر وژل شوي. تر دغې پيښې وروسته دواړو هیوادونو سرحدي سیمه ته اضافي ځواکونه او پوځي تجهیزات ولیږدول. د دغي شخړه ایزې سیمې پر سر دواړو هیوادونو څو لسیزي دمخه جګړه کړې ده.
د پيکینګ له لوري نوي تورونه
په سرحدي سیمه کې تر وروستۍ شخړې وروسته د دواړو هیوادونو ترمنځ ترینګلتیا همداسې دوام لري. په پيکینګ کې د سوداګرۍ وزارت د هند له لوري له چینیایي شرکتونو سره د تبعیض تور لګولی دی. د چین د سوداګرۍ وزارت په خبره دغه عمل د سوداګرۍ د نړیوال سازمان د مقرراتو څخه سرغړونه ده او باید اصلاح شي. د سوداګرۍ وزارت ویاند ویلي دي چې چین د هندي محصولاتو او خدماتو پر وړاندې محدودیتونه نه دي لګوي. زیاته شوې ده چې په تیرو ورځو کې هند د موبایلونو پر یو شمیر چینایي اپونو بندیز ولګاوه او دلیل یې د ملي امنیت ساتل یاد کړل.
زموږ له آرشیف څخه:
تر ټولو زياتي وسلې خرڅوونکي هيوادونه وپېژنئ
د (SIPRI) د تازه راپور له مخي په ۲۰۱۸ کال په نړيواله کچه او د چين په استثنی ۱۰۰ کمپنيو د ۴۲۰ ملياردو ډالرو په ارزښت وسلې او نظامي تجهيزات وپلورل. هيوادونه يې په لاندني انځوريز راپور کي وپېژنئ:
انځور: picture-alliance/dpa/D. Fischer
۱۵ مقام ـ اوکراين
د اوکراين هيواد UkrOboronProm شرکت په ۲۰۱۸ کال د ۱،۱ مليارد ډالرو په ارزښت وسلې خرڅي کړي دي. په دې تړاو نو دغه شرکت د سيپري د راپور له مخي د نړۍ له ۱۰۰ هغو شرکتونو څخه يو دی چي په ۲۰۱۸ کال يې زياتي وسلې او نظامي تجهيزات پلورلي دي.
انځور: DW/I. Sheiko
۱۴ مقام ـ سينګاپور
د سينګاپور هيواد ST Engineering شرکت په ۲۰۱۸ کال د ۱،۵ مليارد ډالرو په ارزښت وسلې خرڅي کړي دي. په دې تړاو دغه شرکت د سيپري د راپور له مخي د نړۍ له ۱۰۰ هغو شرکتونو څخه يو دی چي په ۲۰۱۸ کال يې تر تولو زياتي وسلې او نظامي تجهيزات پلورلي دي.
انځور: Getty Images/AFP/R. Rahman
۱۳ مقام ـ ترکيه
د ترکيې هيواد آسېلسان او ترک ايروسپېس اندستريز شرکتونو په ۲۰۱۸ کال د ۲،۸ مليارد ډالرو په ارزښت وسلې خرڅي کړي دي. په دې تړاو نو دغه شرکت د سيپري د راپور له مخي د نړۍ له ۱۰۰ هغو شرکتونو څخه دي چي په ۲۰۱۸ کال يې تر تولو زياتي وسلې او نظامي تجهيزات پلورلي دي.
انځور: TAI
۱۲ مقام ـ سويډن
د سوېډن هيواد Saab شرکت په ۲۰۱۸ کال د ۳،۲ مليارد ډالرو په ارزښت وسلې خرڅي کړي دي. په دې تړاو نو دغه شرکت د سيپري د راپور له مخي د نړۍ له ۱۰۰ هغو شرکتونو څخه يو دی چي په ۲۰۱۸ کال يې تر تولو زياتي وسلې پلورلي دي.
