دينآسیا
هندوستان: د عبادت ځای په ګڼه ګوڼه کې ۹ کسان مړه شوي
۱۴۰۴ آبان ۱۰, شنبه
اعلان
د ټيل ماټیل دغه پيښه د هند د اندهرا پردیش ایالت د سریکاکولم ولسوالۍ په وینکیتسور مندر کې، چیرې چې د باور کوونکو ګڼه ګوڼه زیاته وه رامنځته شوې ده.
د اندهرا پردیش ګورنر(والي) ایس عبدالنظیر په «ټيل ماټیل کې د نهو زیارت کوونکو پر مړینې خواشينې» ښودلې ده. د هند لومړي وزیر نریندر مودي هم د قربانیانو له کورنیو سره خپله خواخوګي څرګنده کړې ده. مودي ویلي دي چې «دعا کوم ټپیان زر ښه شي.»
په هندوستان کې په مذهبي مراسمو کې ډیری وختونه د ګڼې ګوڼې له کبله د ټیل ماټیل پيښې رامنځته کیږي. د روان کال په سپټمبر کې په تامل ناډو ایالت کې د مشهور فلمي ستوري وجی، چې اوس یې سیاست ته مخه کړې ده، د ټاکنیز کمپاین پر مهال ګڼه ګوڼه کې لږ تر لږه ۳۶ کسانو خپل ژوند له لاسه ورکړی و.