د واګنر مشر، یوګني پريګوژین، په یوه ويډيويي مرکه کې چې د جمعې په ورځ ناوخته خپره شوه، ويلي دي چې ۱۸ میاشتې وخت به ونیسي تر څو روسيه د اوکراین پر ختیځه صنعتي سیمه دونباس بشپړ کنټرول حاصل کړي.
زیلنسکي وايي روسیه په نړۍ کې د اروپا ضد تر ټولو ستر قوت دی
دغه روسي ميلیونر چې د روسيې ولسمشر ولاديمير پوتين سره نژدې اړيکي لري او ملیشې ېې په جګړه کې مستقیم ښکيل دي، زیاته کړه که چېرته مسکو تصمیم ونیسی چې د دنيپرو سیند شرق ته پرتې سیمې ونیسي نو په هغه صورت کې کېدای شي جګړه آن درې کالونو پورې وغځيږي.
په خپله کریملين بيا د اوکراين جګړې په هکله چې څومره وخت به ونیسي له وړاندوينې ډډه کوي خو دا خبره کوي چې دغه جګړه به تر هغه وخته پورې چې روسيه په بشپړه توګه خپلو مقاصدو ته رسېدلي وي، ادامه ولري. روسيې د اوکراین جګړې ته د «ځانګړی پوځي عملیات» نوم ورکړی دی.
ولې د اوکراین د دفاع وزیر له دندې ګوښه کیږي؟
روسي ځواکونه د اوکراين پر لوهانسک او دونيڅک ایالتونو چې د دونباس سیمه ورڅخه متشکله ده، تمرکز لري. دا هغه سیمه ده چې د مسکو له ملاتړ څخه برخمن بيلتون غوښتونکي په کې له ۲۰۱۴م کال راهيسې جنګيږي.
د واګنر مشر، یوګني پريګوژینانځور: Uncredited/AP/dpa/picture alliance پريګوژین وویل چې د واګنر پوځي ډلې مليشې دا وخت د دونباس د بخموت سيمې چې د اوکراینیانو تر ټولو قوي مرکز دی، د نیولو له پاره سخته جګړه مخته وړي. هغه ومنله چې اوکرايني ځواکونه په بخموت کې سخت مقاومت کوي.
د م. م. عمومي منشي د يوې سترې جګړې د پېليدو په اړه اندېښمن دی
په دونباس کې د جګړې سره سره مسکو د اوکراین د انرژۍ په زيربناوو خپلې حملې جاري ساتلي دي. مسکو هڅه کوي اوکراین په سوړ ژمي کې د اوبو او بریښنا له اړخه هم تر فشار لاندې راولي. اسوشتيد پریس له کيفه ليکي چې روسي ځواکونو یوازې د جمعې په ورځ (د فبرورۍ ۱۰مه) د اوکراين پر مهمو زیربناو ۱۴ ځله درنې حملې وکړې.
د اوکراین د انرژۍ شرکت، اوکراينیرګو، د شنبې په ورځ وضعيت «سخت خو د کنټرول وړ» وښود.
ناټو له اوکراین سره ۱۱۲ میلیارده یورو مرسته کوي
روسېې تېرکال د فبرورۍ په ۲۴مه پر اوکراین پوځي يرغل وکړ. سپېنې ماڼۍ د جمعې په ورځ وويل چې د امریکا متحده ایالاتو ولسمشر، جو بایډن، د دغې جګړې د یو کال پوره کېدو په مناسبت د ناټو متحد هیواد پولند ته سفر کوي. د سپېنې ماڼۍ د مطبوعاتو مسئولې، کرین جين پاير، وويل چې د بایدن سفر به د فبرورۍ په ۲۰ تر ۲۲ پورې وي چې په کې به هغه له خپل پولنډي سیال، اندژي دودا او د بخارست ۹ له غړو سره وګوري. بخارست ۹ د ناټو د شرقي اروپا یوه ډله ده. پولنډ ته د بایدن سفر به په مسکو کې د فبرورۍ په ۲۱مه د روسېې د ولسمشر، ولاديمير پوتین، له وينا سره په یو وخت کې وي.
(AP,AFP)mks/mns
له آرشیف څخه یو انځوريز البوم:
د اوکراین د جګړې تراژیدي؛ ویجاړی، بې ځايه کيدل او د خلکو استقامت
پر اوکراین د روسیې د یرغل درې اوونۍ تيريږي او د خلکو ژوند ورځ تر بلې سختېږي. تر دې دمه د پلازمېني کېف تر نیمایي زیات وګړي له ښاره تښتېدلي دي. د استوګنې سیمې او طبي مرکزونه په بریدونو کې ویجاړ سوې.
انځور: State Emergency Service of Ukraine/Handout/REUTERSد اوکراین پلازمېنه کېف د چهار شنبې په ورځ د مارچ ۱۶؛ یوه ښځه له ماشوم سره د استوګنې ودانۍ مخې ته چې د روسیې د توغندیو له امله ويجاړه شوې ده. د کېف ښاروال ویتالي کلیتچکو وايي، روسیې د چهار شنبې په ماښام د کېف په پودیل ولسوالۍ کې د استوګنې یوه سیمه په نښه کړه، چې کورونه پکښې له مینځه تللي، د ګازو پايپونه ویجاړ شوي او اور يې اخيستی دی. هغه په یوه پیغام کې ویلي چې اور مهار شوی دی.
چهارشنبه، د مارچ ۱۶مه د اوکراین پلازمېنه کېف؛ ژغورونکې ډله د هغي ودانۍ څخه خلک ژغوري چي د روسيې پوځ په هوايي بريد کي زيانمنه شوې ده.
سه شنبه، د مارچ ۱۵مه؛ د اوکراین په پلازمېنه کېف کې د استوګني يوه ودانۍ په توغنديو ولګېده. د کېیف ښاروال ویتالي کلیچکو په ښار کې پر تګ راتګ بنديز ولګاوه. روسي ځواکونه هڅه کوي چې له څو اړخونو کېف محاصره کړي. د اوکراین پلازمېنه د دې محاصرې له پاره چمتووالی نیسي.
دوشنبه، د مارچ ۱۴خارکیف؛ ژغورونکي او اور وژونکي د اوکراین په دوهم لوی ښار خارکیف کې د روسیې د توغندي له برید وروسته د استوګنې په سیمه کې په کورونو کې اور لګوي.
دوشنبه، د مارچ ۱۴؛ رضاکاران د اوکراین بیرغ ګنډي او د اوکراین په لوېديځ لویف ښار کې په یوه ورکشاپ کې د لومړنۍ مرستې جعبې چمتو کوي. په داسې حال کې چې د ډیپلوماټیکو خبرو بل پړاو پیل شوی، روسي ځواکونه د اوکراین په بېلابېلو برخو کې خپلو پراخو بریدونو ته دوام ورکړی.
سه شنبه، د مارچ ۱۵ کېیف؛ ژغورونکي د یوې بوډا مېرمنې سره مرسته کوي چې د اوکراین په پلازمېنه کې د روسیې د پوځ په برید کې ټپي شوې وه. د اوکراین په ختیځ کې د روسیې یرغل د کېف پر مرکز له یو لړ بریدونو سره شدت موندلی دی.
په زرګونو بهرني جنګيالي د روسيې پر وړاندي جنګ کې د اوکراین له خلکو سره د مرستې له پاره دغه هيواد ته روان شوي دي.
شنبه، د مارچ ۱۲مه؛ د اوکراین وسله وال ځواکونه او د کېف په څنډه کې د یوه کور اوسېدونکي د روسیې په بمبارۍ کې زیانمن شوي دي. د کېف په شاوخوا کې د روسي ځواکونو دایره نوره هم تنګیږي.
شنبه، د مارچ ۱۲مه؛ په اوکراین کې د روسیې د یرغل پر ۱۷مه ورځ، یو مسافر په کېف کې د ټرام له کړکۍ بهر ګورې.
د ۲۰۲۲ کال د فبروري مياشتي پر ۲۴ مه په اوکراین کې د روسیې د یرغل له پیل راهیسې، د اوکراین له ګڼې ګوڼې ډکه پلازمېنه د جګړې په سیمي بدله شوې ده.
پر زیتومیر ښار تر بمبار وروسته یوه ودانۍ. د ملګرو ملتونو د کډوالو چارو د عالي کمېشنرۍ په وینا، د روسیې د یرغل له پیل راهیسې تر ۲،۵ ميلیون ډیر اوکراینيان له هيواده تښتېدلي دي. خو ډېرو يې بيا پریکړه کړې ده چې په هيواد کې پاته شي او جګړه وکړي.
د اوکراین رضاکار وسله وال د باریوشکا ښار د يوې ويجاړي ودانۍ مخي ته. څه د پاسه ۱۶۰۰۰ اوکراینیان بیرته هيواد ته ستانه شوي چې د روسیې د تیري پر وړاندې د هیواد دفاع وکړي.
