ځایي پولیسو په حواله  خبر ورکړی دی چې تیره شپه ناوخته د شمالي وزيرستان د موسکي سیمې ۶ کاریګر چې د پنجاب اصلي اوسېدونکي دي او په دې سېمه کې یې د نایي توب کار کوه، لومړی د وسلوالو له لوري تښتول شوي او بیا یې مړي په یوې پخوانۍ کلا کې موندل شوي دي.

د اسوشتيد پريس خبري آژانس په حواله تر اوسه د دې برید پړه چا نه ده منلې خو د پولیسو ځایي مشر جمال خان رسنیو ته ویلي چې د پېښې په اړه یې خپلې پلټنې شروع کړي دي.

د یادونې وړ ده چې د شمالي وزیرستان میرعلي سېمه یوه له هغه سېمو ده چې پاکستاني طالبان یا «ټي ټي پي» پکې پراخ نفو‌ذ لري.

 

په پاکستان کې په دې وروستیو کې وسلوال بریدونه ډېر شوي چې ډېر کله یې مسوولیت پاکستاني طالبان یا «ټي ټي پي» اخلي او همدغه د دې لامل شوي چې افغانستان کې د واکمنو طالبانو او دپاکستاند حکومت ترمنځ اړیکې مخ پر ترینګلتیا روانې دي.