ولسمشر غني په يوه ورځني سفر هند ته تللی
۱۳۹۶ آبان ۲, سهشنبه
د جمهوري رياست له خوا په خپره سوې مطبوعاتي اعلاميه کي راغلي دي چي جمهوررئيس غني به په دې يوه ورځني سفر کي د هند له جمهوررئيس رام نات کوويند او لومړي وزير نريندرا مودي سره جلا جلا کتني ولري.
د ولسمشر غني د سفر موخه په بېلابېلو برخو کي د دواړو هيوادونو ترمنځ د اړيکو پر پراختيا او همکاريو باندي خبري اتري ښوول سوې ده.
په اعلاميه کي زياته سوې ده چي جمهوررئيس غني به د نوي ډلي په «ويويک انندا بين المللي بنسټ» کي وينا هم وکړي.
افغان ولسمشر محمد اشرف په داسي حال کي هند ته سفر کوي چي په پلان کي ده د امريکا د بهرنيو چارو وزير ريک تيلرسن به سبا د چهارشنبې په ورځ هند ته سفر وکړي.
تيلرسن د دوشنبې په ورځ افغانستان ته ناببره سفر وکړ او هلته ئې په بگرام پوځي هوايي اډه کي له جمهوررئيس غني سره ملاقات وکړل.
افغانستان ته د تيلرسن د سفر هدف د افغانستان په اړه د امريکا متحدو ايالاتو د جمهوررئيس د نوي ستراتيژۍ په اړه معلومات ورکول ښوول سوي.
تيلرسن ويلي ول چي هغه به تر افغانستان وروسته د سه شنبې په ورځ پاکستان ته ولاړ شي او بيا وروسته به د چهارشنبې په ورځ هند سفر وکړي او هلته به په افغانستان کي د همکارۍ د گډ کار او د امريکا او هندوستان د اړيکو د پراخېدو په اړه بحث وکړي.
زموږ له ارشيف څخه: